31/07/2026
کوہاٹ: پنڈی روڈ پر پل کے نیچے چنگ چی لوڈر گاڑی گرنے سے افسوسناک حادثہ پیش آیا جس میں دو قیمتی جانیں ضائع ہو گئیں۔ اطلاع ملتے ہی ریسکیو 1122 کوہاٹ کی میڈیکل ٹیمیں فوری طور پر جائے وقوعہ پر پہنچ گئیں اور بروقت رسپانس کرتے ہوئے تمام زخمیوں کو ابتدائی طبی امداد فراہم کی، جس کے بعد انہیں ڈسٹرکٹ ہیڈکوارٹر (DHQ) ہسپتال کوہاٹ منتقل کر دیا گیا۔
حادثے کے وقت لوڈر گاڑی میں کل 10 افراد سوار تھے، جن کا تعلق بھادر کوٹ، پرانی آبادی، کوہاٹ سے بتایا گیا ہے۔ جاں بحق ہونے والوں میں 31 سالہ زینت زوجہ نذیب اور 65 سالہ زوجہ شفارس شامل ہیں۔ زخمیوں میں 13 سالہ جویریہ دختر سیف اللہ، 12 سالہ خالدہ دختر سعید فرمان، 25 سالہ اقراء دختر رمضان، 4 سالہ اویس ولد عصمت، 14 سالہ خضیمہ دختر نیاز خان، 35 سالہ نذیب ولد شفارس، 3 سالہ عدنیہ ولد نذیب اور 6 سالہ سمیع ولد ناظم شامل ہیں۔
