Oxford English High School Regd.

السلام علیکم

وعلیکم السلام

Prize Distributio Day

سندھ، میٹرک ‘ انٹر پرموشن پالیسی منظور، خصوصی مارکس شیٹ جاری ہوگی
07 اگست ، 2020
کراچی (سید محمد عسکری / اسٹاف رپورٹر) سندھ میں میٹرک اورانٹر کے امتحان سے متعلق پرموشن پالیسی اور سال 2020ء کی خصوصی مارکس شیٹ جاری کرنے کی منظوری دیدی گئی ہے۔ اس بات کی منظوری جمعرات کو حیدر آباد تعلیمی بورڈ میں سندھ کے تمام تعلیمی بورڈ کے چیئرمین، کنٹرولرز اورآئی ٹی منیجرز کے اجلاس میں دی گئی جس میں پرموشن پالیسی کا جائزہ لیتے ہوئے اسے اختیارکرنے کا طریقہ کار اور اس میں درپیش مسائل کو حل کرنے پر غور کیا گیا۔ اجلاس میں طے کیاگیا کہ طالبعلم کو سال اوّل کے مطابق سال دوئم میں نمبردیئے جائیں اور اس میں تین فیصد کا اضافہ کردیا جائے گا اور مارکس سرٹیفکیٹ پر سال اوّل کے نمبرظاہر کئے جائیں گے جبکہ سال دوئم کے مضامین کے آگے ظاہرنہیں ہوں گے لیکن اگر کوئی طالبعلم کسی بھی مضمون میں فیل ہوا ہوگا تو اس کوپالیسی کے مطابق پاس کرتے ہوئے اس مضمون کے آگے نمبر ظاہرکئے جائیں گے۔ سال اوّل میں ناکام یا غیر حاضر طالبعلم کے لئے پالیسی کے مطابق واضح کیاگیا کہ اگر کوئی طالب علم دو پرچوں میں ناکام ہے تو اس کو پاس مضامین کے اوسط نکال کر فیل پرچوں کے نمبر شمار کئے جائیں گے لیکن اگر کوئی طالب علم دو پرچوں سے زیادہ میں فیل یا غیر حاضر ہے تو اس کو 33نمبر فی پرچہ دے کر پاس کیا جائے گا