Madrasah Safeena tul Uloom

1998میں عراق پر امریکی حملوں کے خلاف مولانا سید امیر خان مرحوم صاحب کی دیگر سینیٹرز ساتھیوں کے ساتھ پیش کردہ قرارداد 👇

مدرسہ سفینة العلوم واقعہ پریاٹ و اسدخیل حکومت پاکستان کے تحت رجسٹرڈ ہے ۔
رجسٹریشن سرٹیفیکیٹ

سابق سینیٹر حضرت مولانا سید امیر خان مرحوم
بانی و مہتمم مدرسہ سفینة العلوم واقعہ پریاٹ و اسدخیل

سابق سینیٹر مولانا سید امیر خان صاحب رحمۃ اللہ علیہ ( مہتمم جامعہ سفینـة العلوم ) واقع پریاٹ و اسدخیل 26 ستمبر بروز جمعہ کو وفات پاگئے۔ مولانا مرحوم مولانا عبد الحق اکوڑوی رح (بانی جامعہ حقانیہ اکوڑہ خٹک) اور حضرت مولانا مفتی رشید احمد لدھیانوی صاحب رح جیسے اکابرین علماء کرام کے شاگرد تھے۔نیز مولانا سینکڑوں علماء کرام کے استاد بھی تھے۔فراغت کے بعد اس عظیم دینی ادارے کے قیام کے ساتھ ساتھ دیگر مختلف دینی خدمات میں بھی حصہ لیا۔ قیام امن کے لئے خوب کوششیں کیں۔سینٹ آف پاکستان میں نفاذ شریعت کے لئے اپنے دور کے سینیٹ میں صدر پاکستان جناب رفیق تارڑ وغیرہ کے ساتھ کئی ملاقاتیں کیں ۔ ہر دور میں ہر طرح کی دینی خدمات کے لئے ہمیشہ کھڑے رہے اللہ تعالیٰ مرحوم کو اپنی جوار رحمت میں جگہ عطا فرمائے۔ آمین!

مدرسه سفینة العلوم شمالی وزیرستان کے علاقے پریاٹ و اسد خیل میں پچھلے 46 سالوں سے دینی تعلیم کے میدان میں اپنی خدمات سر انجام دے رہا ہے۔
مدرسہ ہذا کی بنیاد 1978 میں سابق سینیٹر حضرت مولانا سید امیر خان صاحب نے رکھی۔
مولانا سید امیر خان صاحب کا شمار حضرت مولانا عبد الحق اکوڑوی رحمہ اللّٰہ اور حضرت مولانا مفتی محمود صاحب رحمۃ اللّٰہ علیہ کے مایہ ناز شاگردوں میں ہوتا ہے۔نیزمولانا نے فقیہ العصر حضرت مولانا مفتی رشید احمد لدھیانوی صاحب رحمۃ اللّٰہ علیہ سے بھی فقہ اسلامی میں فیض حاصل کیا ہے۔
اس وقت مدرسہ ہذا میں شعبۂ حفظ و ناظرہ اور درس نظامی کی معیاری تعلیم حضرت مولانا سید امیر خان صاحب کے زیر اہتمام جاری ہے ۔
مدرسے کی موسم گرما اور سرما کے لحاظ سے دو تعمیرات ہیں ، گرمیوں میں طلبہ کرام تحصیل دوسلی کے گاؤں پریاٹ میں ہوتے ہیں جبکہ سردیوں کے موسم میں تحصیل دوسلی کے اسدخیل گاؤں میں ہوتے ہیں۔
مدرسہ ھذا حکومت پاکستان کے قانون کے تحت رجسٹرڈ ہے اور وفاق المدارس العربیة پاکستان سے ملحقہ ہے۔