G.P.S No 1 Dallo Khel

آج سرکل مچن خیل کے معزز اے ایس ڈی ای او جناب شیر زمان خان نے چارج سنبھالنے کے بعد گاؤں دلوخیل میں واقع جی پی ایس نمبر ون کا دورہ کیا۔ اس موقع پر انہوں نے سکول کے ہیڈ ماسٹر نور محمد اور جملہ تدریسی عملے سے ملاقات کی، سکول کا تفصیلی معائنہ کیا اور تعلیمی سرگرمیوں کا بغور جائزہ لیا۔
جناب شیر زمان خان نے نہ صرف بطور اے ایس ڈی ای او اپنی ذمہ داریاں نبھائیں بلکہ ایک مخلص معلم اور موٹیویشنل سپیکر کے طور پر بچوں سے نہایت شفقت اور محبت کے ساتھ مخاطب ہوئے۔ سرکل کی سطح پر جاری امتحانات کے دوران انہوں نے بچوں کی کارکردگی کو جانچا، ان سے سوال و جواب کا بامقصد سیشن کیا اور ان کی ذہنی صلاحیتوں کو سراہا۔ وہ سکول کے طلبہ اور جملہ سٹاف کی محنت، نظم و ضبط اور تعلیمی معیار سے بے حد مطمئن نظر آئے۔
اپنے پُراثر خطاب میں انہوں نے بچوں کو تعلیم پر خصوصی توجہ دینے کی تلقین کرتے ہوئے کہا کہ جن قوموں نے تعلیم کو اپنا اوڑھنا بچھونا بنایا، وہی آج دنیا میں ترقی، عزت اور حکمرانی کے منصب پر فائز ہیں۔ انہوں نے واضح کیا کہ تعلیم ہی ترقی کی کنجی ہے، لہٰذا تمام طلبہ علم کے زیور سے آراستہ ہو کر ملک و قوم کی خدمت کے لیے خود کو تیار کریں۔
انہوں نے مزید کہا کہ اچھی تعلیم کے ساتھ ساتھ اخلاق اور کردار بھی بے حد ضروری ہیں، کیونکہ کردار کے بغیر تعلیم بے اثر ہو جاتی ہے۔ آخر میں انہوں نے بچوں کو اچھا شہری بننے، محنت، دیانت اور مثبت سوچ کو اپنانے کی نصیحت کی۔
یہ دورہ نہ صرف تعلیمی رہنمائی کا مظہر تھا بلکہ طلبہ اور اساتذہ کے لیے حوصلہ افزائی اور نئی امنگوں کا پیغام بھی ثابت ہوا۔

G.P.S NO 1 DALLO KHEL

محنت ایسی خاموشی سے کرو کہ جب کامیابی آئے تو پوری دنیا اس کی گونج سن سکے۔
الحمداللہ! گزشتہ سال کی شاندار روایت کو برقرار رکھتے ہوئے اس بار بھی جی پی ایس نمبر 1 دلوخیل نے یونین کونسل کی سطح پر اپنی صلاحیتوں کا لوہا منوایا۔
قرأت، انگلش تقریر، ملی نغمہ اور فٹ بال ان چاروں مقابلوں میں اول پوزیشن حاصل کرکے ایک بار پھر ثابت کردیا کہ یہ ادارہ واقعی قابلیت اور محنت کی پہچان ہے۔

مزید یہ کہ سرکل سطح پر بھی دلوخیل کے تمام پرائمری سکولوں میں سے واحد نمایاں کارکردگی دکھانے کا اعزاز پرائمری سکول نمبر 1 کے جماعت چہارم کے طالبِ علم صیام خان کے حصے میں آیا، جو سکول کے لیے فخر کا باعث ہے۔

یقیناً اس شاندار کامیابی پر سکول کے ہیڈ ماسٹر صاحب اور پورا اسٹاف خراجِ تحسین کا مستحق ہے، جن کی انتھک محنت، رہنمائی اور لگن نے ان ننھے ستاروں کو چمکنے کا موقع دیا۔

اللہ تعالیٰ مزید کامیابیاں عطا فرمائے اور یہ سلسلہِ عزت و افتخار یوں ہی جاری رہے۔۔امین

❤️🌹G.P.S No 1 Dallo Khel🌹❤️

گرمی کی شدید لہر کے باعث سکول کے اوقات کار میں تبدیلی کی گئی ہے لہذا کل سے سکول 7:15 لگا کرے گا اور چھٹی 11:40 پر ہوگی۔

ایک بار پھر ہم آپ کو دعوت دیتے ہیں کہ آئیے ہمارے ساتھ اپنے بچوں کے تعلیی کئیریر کا آغاز کیجئے، ہم گارنٹی دیتے ہیں کہ ہم آپ کی ننھی کلی کی بہترین تعلیم و تربیت کے ساتھ نشوونما کر کے آپ کو ایک خوشبودار پھول کی صورت میں لوٹائیں گے کیونکہ ہمارے پاس ہیں ان کیلئے مفت درسی کتب اور ان کی بہتر تعلیم و تربیت کیلئے اعلی تعلیم یافتہ اور تجربہ کار اساتذہ کیونکہ ہم جانتے ہیں کہ تعلیم صرف کتابوں تک محدود نہیں، بلکہ کردار، تربیت اور خوابوں کو حقیقت میں بدلنے کا نام ہے۔ انشاءاللہ ہم آپ کے بچوں کو ایسا ماحول دیں گے جہاں وہ ترقی کریں، سیکھیں اور زندگی میں کچھ بن کر دکھائیں۔
معیاری سکول اب صرف سرکاری سکول

💖🌹گورنمنٹ پرائمری سکول نمبر1 دلوخیل میں سالانہ فائنل امتحان کے نتیجے کی پررونق تقریب منعقد ہوئی🌹💖
✨جس میں بچوں کے والدین نے بھی کثیر تعداد میں شرکت کی، پوزیشن ہولڈرز طلباء اور بزم ادب میں حصہ لینے والوں میں ٹرافیاں اور میڈلز تقسیم کئے گئے، کلسٹر لیول پہ پچھلے دو سال تک مسلسل پرائمری سکول نمبر1 کلاس پنجم کے فرسٹ پوزیشن ہولڈر پر براجماں رہی ہے مگر اس بار اپنے اعزاز کا دفاع نہ کرسکی اور صرف تین نمبروں سے سیکنڈ سے تھرڈ پوزیشن پہ آئی، بچوں کی حوصلہ افزائی کرنا اور ان کی ذہنی نشوونما کرنا ہی ہمارا مقصد ہے کیونکہ ہمارا موٹیو بھی ہے کہ محنت اتنی خاموشی سے کریں کہ کامیابی خود چیخ کر بولے۔۔✨

❤ معیاری سکول اب صرف سرکاری سکول❤
G.P.S No 1 Dallo Khel

کیا اپ اپنے بچے کو کسی اچھے سکول میں داخل کروانا چاہتے ہیں؟؟
کیا اپ بچوں کی پڑھائی کے خرچے سے تنگ ہیں؟؟
کیا اپ اپنے بچوں کو مفت پڑھانا چاہتے ہیں؟؟
کیا اپ اپنے بچوں کی کتب بھی مفت حاصل کرنا چاہتے ہیں۔
کیا اپ بچوں کو بنا داخلے کے سکول میں داخل کروانا چاہتے ہیں؟؟
کیا اپ اپنے بچوں کو اچھا انسان بنانا چاہتے ہیں؟؟
کیا اپ اپنے بچوں کو ہائلی کوالیفائیڈ اساتذہ سے پڑھانا چاہتے ہیں؟؟
تو پھر آئیے پرائمری سکول نمبر 1 میں اپنے بچوں کو داخل کرائیں جہاں اعلی کوالیفائیڈ سٹاف کی نگرانی میں تعلیم کے ساتھ ساتھ تربیت بھی کی جاتی ہے۔۔۔
معیاری سکول اب صرف سرکاری سکول۔۔۔!
G.P.S No 1 Dallo Khel

🌹💖واصف اللہ ولد عزیز اللہ محلہ عزیزاں جس نے وزیراعلی کی طرف سےایٹا سکالرشپ کے ٹیسٹ میں 100 میں سے 96 نمبر لے کر ضلع میں دوسری اور پورے صوبے میں چوتھی پوزیشن حاصل کی، یہ سب والدین کی دعاٶں اور اساتذہ کی محنت کا ثمر ہے.🌹💖
🌹💖 # گورنمنٹ پرائمری سکول نمبر1 زنانہ دلوخیل کا پورا سٹاف اور خاص کر سکول کی ہیڈمسٹریس داد کے قابل ہیں جنھوں نے اس ننھی کلی کی ابیاری کی، خام پتھر کو تراش کر آج ہیرے میں بدلہ اور ساتھ ہی گورنمنٹ ہائی سکول دلوخیل کا جملہ سٹاف بھی قابل داد ہے جنھوں نے اس کی تیاری میں کوئی کسر نہیں چھوڑی۔۔۔
اللہ تعالی سے دعا ہے کہ اگے بھی ان کو ایسی ہی کامیابیاں ملتی رہیں آمین.💖🌹