Madina Tul Nabi online quran academy

استنبول میں واقع جامع الفاتح کے ستونوں پر عربی زبان میں ایک نصیحت صدیوں پہلے کندہ کی گئی، جو آج تک باقی ہے۔ اس میں لکھا ہے:
“مر جاؤ مگر کسی کمینے شخص سے روزی طلب نہ کرو۔”
یہ الفاظ عثمان چلبی نے سن 1017 ہجری (مطابق 1604 عیسوی) میں تحریر کروائے۔ یہ دور دولتِ عثمانیہ کی قوت اور عروج کا زمانہ تھا، جب نہ صرف فنِ تعمیر بلکہ اخلاقی تعلیمات کو بھی مساجد کی دیواروں اور ستونوں پر نقش کیا جاتا تھا، تاکہ آنے والی نسلیں ان سے سبق حاصل کریں۔
سلطان محمد الفاتح کے نام سے منسوب یہ عظیم مسجد عثمانی تہذیب کا ایک اہم مرکز رہی ہے، جہاں علم، عبادت اور اخلاقی تربیت کو یکجا کیا جاتا تھا۔ اس طرح کی نصیحتیں اس بات کی عکاسی کرتی ہیں کہ اس دور میں عزتِ نفس، خودداری اور باوقار زندگی کو کس قدر اہمیت دی جاتی تھی۔
یہ عبارت ہمیں یاد دلاتی ہے کہ انسان کی اصل دولت اس کی غیرت اور خودداری ہے، اور مشکل حالات میں بھی اپنی عزت کو برقرار رکھنا ایک اعلیٰ اخلاقی قدر سمجھا جاتا تھا۔

بسم اللہ الرحمن الرحیم
آج کے اس دور میں جہاں اکثر نوجوانوں کو مایوسی اور بے سمتی کا سامنا ہے، وہیں کچھ ہونہار نوجوان اپنی محنت، علم اور ہمت کے ذریعے امید کی نئی کرن بن کر سامنے آ رہے ہیں۔ ایسے نوجوان ہمارے لیے فخر کا باعث ہیں۔
حالیہ دنوں ایک پاکستانی نوجوان صالح آصف کی کامیابی نے یہ ثابت کیا ہے کہ اگر عزم مضبوط ہو اور ذہن علم و تحقیق سے آراستہ ہو، تو دنیا کی بڑی سے بڑی ٹیکنالوجی کمپنیوں میں بھی پاکستانی نوجوان اپنی جگہ بنا سکتے ہیں۔ یہ کامیابیاں صرف انفرادی نہیں ہوتیں بلکہ پوری قوم کے لیے حوصلے اور امید کا پیغام ہوتی ہیں۔
ہمیں بطور قوم اس حقیقت کو سمجھنا ہوگا کہ جدید دور میں علم، تحقیق، اور ٹیکنالوجی ہی ترقی کی اصل بنیاد ہیں۔ اگر ہم اپنے نوجوانوں کو درست سمت، جدید تعلیم، اور مثبت ماحول فراہم کریں تو پاکستان کا مستقبل روشن ہو سکتا ہے۔
اسی وژن کے تحت
جامعہ مدینۃ النبی نوشہرہ وادی سون میں قائم ہونے والا IT City Soon Valley ایک ایسا پلیٹ فارم بننے جا رہا ہے جہاں دینی اور عصری تعلیم کے امتزاج کے ساتھ نوجوانوں کو جدید ٹیکنالوجی، فری لانسنگ، اور ڈیجیٹل مہارتوں سے آراستہ کیا جائے گا۔
ہم ان شاء اللہ ایسے نوجوان تیار کرنے کا عزم رکھتے ہیں جو:
دین سے وابستہ ہوں
کردار کے مضبوط ہوں
اور ٹیکنالوجی کے میدان میں عالمی سطح پر پاکستان کا نام روشن کریں
یہ وقت ہے کہ ہم اپنے نوجوانوں پر اعتماد کریں، ان کی حوصلہ افزائی کریں، اور انہیں وہ مواقع فراہم کریں جن کے ذریعے وہ اپنی صلاحیتوں کو دنیا کے سامنے لا سکیں۔
اللہ تعالیٰ ہمیں اپنے نوجوانوں کی صحیح رہنمائی اور تربیت کی توفیق عطا فرمائے۔ آمین
تحریر
محمد جاوید اقبال کھارا
پرنسپل، جامعہ مدینۃ النبی نوشہرہ وادی سون

مسلم نوجوان! بیدار ہو — اقبال کا پیغام، وقت کی پکار

حکیم الامت حضرت علامہ محمد اقبال رحمۃ اللہ علیہ کے فکر انگیز اشعار آج بھی امتِ مسلمہ کے نوجوانوں کو خوابِ غفلت سے بیدار ہونے کی دعوت دیتے ہیں۔ وقت کا تقاضا ہے کہ ہم اپنی ذمہ داری کو پہچانیں، اپنی صلاحیتوں کو بروئے کار لائیں اور امت کی تعمیر میں اپنا کردار ادا کریں۔
جامعہ مدینۃ النبی نوشہرہ وادی سون کے پلیٹ فارم سے بیداریٔ امت، فکری رہنمائی اور اصلاحِ معاشرہ کا یہ پیغام مسلسل جاری رہے گا، ان شاء اللہ۔

#اقبال
#اقبالیات

میسّر آتی ہے فُرصت فقط غلاموں کو
نہیں ہے بندۂ حُر کے لیے جہاں میں فراغ

شرح

اقبال یہاں "غلام" اور "بندۂ حُر" کو صرف ظاہری معنی میں نہیں بلکہ فکری، روحانی اور عملی کیفیت کے طور پر پیش کرتے ہیں۔
غلام کون ہے؟
وہ شخص جو:
دوسروں کے نظریات کا اسیر ہو
حالات کے دھارے کے ساتھ بہتا رہے
اپنی زندگی کا کوئی بلند مقصد نہ رکھتا ہو
محض آرام، سہولت اور وقتی لذتوں میں مگن ہو
ایسا انسان بظاہر "فارغ" نظر آتا ہے، کیونکہ اس کے پاس کوئی بڑی ذمہ داری، کوئی مقصدِ حیات، اور کوئی جدوجہد نہیں ہوتی۔ اس کی "فرصت" دراصل بے مقصدی کی علامت ہے، نہ کہ کامیابی کی۔
بندۂ حُر کون ہے؟
وہ شخص جو:
خودی، غیرت اور شعور رکھتا ہو
اپنے لیے بلند مقصد طے کرے
امت، انسانیت یا کسی بڑے نصب العین کے لیے جیتا ہو
مسلسل جدوجہد، فکر اور عمل میں مصروف رہتا ہو
ایسا انسان کبھی فارغ نہیں ہوتا، کیونکہ:
اس کے دل میں درد ہوتا ہے
اس کے ذہن میں منصوبے ہوتے ہیں
اس کے سامنے اصلاحِ نفس اور اصلاحِ معاشرہ کا کام ہوتا ہے
اصل نکتہ:
اقبال کہنا چاہتے ہیں کہ:
"فرصت" اصل میں کوئی نعمت نہیں، بلکہ اکثر اوقات یہ اس بات کی علامت ہوتی ہے کہ انسان کے پاس کرنے کے لیے کوئی بڑا کام نہیں۔
جبکہ "مصروفیت" بندۂ حُر کی پہچان ہے، کیونکہ وہ مقصد، شعور اور جدوجہد کا پیکر ہوتا ہے۔
ایک اور زاویہ
غلام: وقت گزارتا ہے
بندۂ حُر: وقت بناتا ہے
غلام: زندگی کو آسان بناتا ہے
بندۂ حُر: زندگی کو معنی دیتا ہے

رسوخ فی العلم — حقیقی عالم کی چار نشانیاں

حقیقی علم صرف کتابوں کا نام نہیں بلکہ ایک کیفیت کا نام ہے۔
اہلِ علم نے فرمایا کہ سچا عالم وہ ہے جس کے اندر یہ چار صفات پائی جائیں:
▪️ اللہ تعالیٰ کے ساتھ خشیت
▪️ لوگوں کے ساتھ تواضع
▪️ دنیا کے ساتھ زہد
▪️ اپنے نفس کے ساتھ مجاہدہ
یہی صفات انسان کو علم کے ظاہری درجے سے اٹھا کر باطنی کمال تک پہنچاتی ہیں۔
آئیں! ہم بھی علم کو صرف معلومات تک محدود نہ رکھیں بلکہ اپنی زندگی کا عملی حصہ بنائیں۔
📖 حوالہ: حاشیۃ الصاوی علی الجلالین


#علماء


#تواضع
#زہد
#مجاہدہ

اہلیانِ وادی سون اور گردونواح کے احباب اپنے عشر کو نکالتے وقت جامعہ مدینتہ النبی ﷺ فار گرلز اینڈ بوائز کے مستحق طلباء و طالبات کو نہ بھولیے گا۔۔۔ جزاکم اللہ
پانچ سو گٹو گندم سالانہ طلباء و طالبات کے لیے چاہیے ہوتی ہے