Punjab Educators Punjab Association Dist Khushab

ٹیسٹ کے بارے میں گرینڈ ٹیچرز الائنس ضلع خوشاب کی میٹنگ میں طے کیے جانیوالے لائحہ عمل سے ضلع خوشاب کے تمام ٹیچرز کو جلد مطلع کردیا جاۓ گا۔wait

*بریکنگ نیوز*
*وزیر تعلیم رانا سکندر حیات کا دبنگ اعلان*کہ پنجاب میں 30 ہزار نئے اساتذہ کی بھرتی کی منظوری!
مندرجہ بالا خبر بہت سے گروپس میں شئیر کی گئ ہے۔اس ضمن میں عرض ہے کہ اول تو 13 ہزار سکول غیر سرکاری ہونے سے 57 ہزار کے لگ بھگ آسامیاں ہمیشہ کے لیے ختم ہو جائیں گی باقی ماندہ vacant posts پر ان 13 ہزار سکولز میں موجود ٹیچرز کو adjust کر دیا جاۓ گا رہی سہی کسر ریشنالائیزیشن سے پوری ہو جاۓ گی تو پھر وزیر موصوف کے بھرتی کے بلند بانگ دعوی کی تکمیل کیسے ممکن ہوگی لہذا بھرتی کے امیدوار نوجوان ان جھوٹے دعووں پر یقین کرنے کی بجاۓ سرکاری سکولز کی نجکاری روکنے کی تحریک کا حصہ بن کر ہماری معاونت کریں۔ہم نے ضلع خوشاب سے سکول بچاؤ مہم کے تحت کثیر تعداد میں رٹ پٹیشنز دائر کردی ہیں ہیں ہمارے 48 سکولز کی رٹ پر پہلی سماعت 3 جون کو متوقع ہے۔بھر پور احتجاج کا شیڈول بھی طے ہے۔جس میں اساتذہ کے ساتھ ساتھ والدین اور نوجوانوں کی شرکت بھی اشد ضروری ہے۔صاحب خان چیئرمین ایجوکیٹرز ایسوسی ایشن ضلع خوشاب۔

محترم اساتذہ کرام (میل و فیمیل)
السلام علیکم
جیساکہ آپ کو معلوم ہے کہ پنجاب ایجوکیٹرز ایسوسی ایشن ضلع خوشاب کی انتھک کاوشوں کے بعد ای ایس ٹی (سائنس/آرٹس) (میل /فیمیل) کی بطور ایس ایس ٹی پروموشن کا دوسرا مرحلہ بھی مکمل ہوچکا ہے اب پی ایس ٹی اساتذہ کی پروموشن زیر عمل ہے آپ سب سے ہمدردانہ اپیل ہے کہ جن اساتذہ کے نام پروموشن لسٹ میں ہیں وہ اپنی فائلز جلد از جلد متعلقہ آفسز میں جمع کروائیں تاکہ اسی ماہ پروموشن مکمل کی جاسکے۔ انگلش کی کیٹیگری کا معاملہ بھی آخری مرحلے میں ہے جوکہ آج مثبت انداز میں حل ہوجائے گا انشاءاللہ

آپکی حقوق کی محافظ
پنجاب ایجوکیٹرز ایسوسی ایشن
منجانب
مہر محمد شکیل ضلعی صدر
صاحب خان ضلعی چیئرمین
عتیق الرحمان سیکرٹری جنرل

{Update about Pay & Service Protection & Amendment in Service Rules 2014}

🌷 الحمدللہ گزشتہ دو روز 31 اکتوبر اور یکم نومبر کو "لاھور" میں پنجاب ایجوکیٹرز ایسوسی ایشن کے سینئر قائدین "مہر محمد افضل صاحب" اور "اخیان گل طاہر صاحب" کے ھمراہ Pay پروٹیکشن ؛ Service پروٹیکشن اور سروس رولز کے حوالہ سے بھرپور ورکنگ کا موقع ملا۔

(1) پے اینڈ سروس پروٹیکشن کے حصول کے لئے 19 اکتوبر کے تاریخی احتجاج کے نتیجہ میں بننے والی کمیٹی اور درکار بجٹ کے درست تخمینہ کے لئے گزشتہ کئی روز سے جاری ھماری ورکنگ کی رپورٹ جمع کروانے کے سلسلہ میں DPI سیکنڈری جناب مشتاق احمد سیال صاحب سے تفصیلاً ملاقات ھوئی۔ ملاقات میں پے اینڈ سروس پروٹیکشن کے لئے درکار بجٹ کے حوالے سے تیار شدہ Sketches کو زیر بحث لایا گیا۔ ڈی پی آئی صاحب نے ان Sketches کا بغور جائزہ لینے کے بعد اس حوالے سے کچھ مذید ورکنگ کا کہا۔ جس پر مکمل یکسوئی سے کام کرتے ھوئے الحمدللہ گزشتہ روز پنجاب ایجوکیٹرز ایسوسی ایشن پنجاب کی طرف سے Financial implications کے Proposed Sketches ڈی پی آئی (سیکنڈری) ؛ DPI (ایلیمنٹری) اور سیکرٹری سکولز کے دفاتر میں جمع کروا دیئے گئے ہیں۔ (مذید ورکنگ بھی جاری ھے)

(2) ڈی پی آئی مشتاق سیال صاحب سے SST سے HM اور SS پروموشن کے حوالے سے بھی تفصیلاً گفتگو ھوئی۔ انھوں نے اس حوالے سے مثبت رسپانس دیتے ھوئے پروموشن میں درپیش مشکلات کو جلد از جلد دور کرنے کا عندیہ دیا۔ (انشاءاللہ ھم اس ضمن میں مذید ورکنگ کریں گے)-

(3) سول سیکرٹریٹ لاھور میں سیکشن آفیسر (SE III) شرجیل احمد صاحب سے پنجاب بھر کے ایجوکیٹرز کیلئے ڈیمانڈ کی گئی Regularization" from date of initial Appointment" کے توہین عدالت کیس "ملک امجد محمود بنام سیکرٹری سکولز" کے مکمل عمل درآمد کے حوالہ سے تفصیلاً ملاقات کی اور اس بابت ان کو تمام پس منظر سے آگاہ کیا تاکہ اب جو سمری ڈیپارٹمنٹ کی طرف سے بھیجی جائے ؛ وہ Pay & Service پروٹیکشن دونوں issues سے متعلقہ ھو اور بجٹ کا تخمینہ بھی درست ھو تاکہ کابینہ اور وزیراعلیٰ پنجاب سے منظوری میں آسانی ھو۔

(4) الحمدللہ 5 اکتوبر کو ضلعی سطح پر ؛ 19 اکتوبر کو لاھور میں احتجاجی مظاہرہ اور حکومتی وزراء سے مسلسل رابطوں کی وجہ سے بننے والی کمیٹی کے بعد اب Pay & Service پروٹیکشن پر تیزی سے کام جاری ھے اور ھم اس کے لئے ہر فورم پر اپنی سرگرمیاں جاری رکھے ھوئے ہیں۔ انشاءاللہ پنجاب بھر کے ایجوکیٹرز اور دیگر تمام اساتذہ کرام (SMTs ؛JSMTs ؛ SS ؛ SSS ؛ HM ؛ Sr. HMs) کو بہت جلد یہ حق بھی مل جائے گا۔

(5) مورخہ 31 اکتوبر کو برادر اساتذہ تنظیموں کے قائدین کے ھمراہ سروس رولز 2014 میں ترامیم کے حوالے سے میٹنگ میں شرکت کی۔ میٹنگ میں DPI (ایلیمنٹری) رانا عبدالقیوم صاحب نے سروس رولز 2014 میں مجوزہ ترامیم کے حوالہ سے تفصیلی بریفنگ دی اور اساتذہ نمائندوں سے ان میں مذید بہتری کے لئے تجاویز بھی لیں۔ الحمدللہ PST سے EST ؛ EST سے SST ؛ SST سے HM اور SS پروموشن کے ضمن میں پہلے سے موجود خامیوں پر کافی حد تک قابو پا لیا گیا ھے اور اھم ترامیم تجویز کی گئی ہیں جس میں ڈائریکٹ ریکروٹمنٹ میں 10 فیصد ان سروس کوٹہ ، SS اور HM کیڈر کو الگ کرنے کی تجویز ، کچھ کیٹیگریز جن میں پہلے صرف %100 ریکروٹمنٹ تھی ؛ اب ان کیٹیگریز میں بھی 20 فیصد پروموشن وغیرہ شامل ہیں۔ پنجاب ایجوکیٹرز ایسوسی ایشن پنجاب کی طرف سے سروس رولز 2014 میں ترامیم کے حوالے سے جو تجاویز 2020 اور 2022 میں سیکرٹری سکولز اور DPI دفاتر میں جمع کروائی گئیں تھیں ؛ تقریباً ان تمام تجاویز کو مجوزہ سروس رولز میں شامل کر لیا گیا ھے۔

🌷 دعا ھے کہ اللہ ھمیں نیک نیتی ؛ جرآت اور بہتر حکمت عملی سے اپنی کمیونٹی کی خدمت کرنے کی توفیق عطا فرمائے۔ آمین

[خیراندیش: ملک امجد اعوان ؛ مرکزی صدر و جملہ عہدیداران پنجاب ایجوکیٹرز ایسوسی ایشن پنجاب]