14/08/2025
کھڈیاں خاص: گورنمنٹ گرلز ہائی سکول کھڈیاں خاص میں پرچم کشائی اور میٹرک پوزیشن ہولڈر طالبات میں انعامات کی تقسیم کی تقریب منعقد ہوئی۔ جس میں علاقہ معززین، والدین، طلبا نے کثیر تعداد میں شرکت کی۔ تفصیلات کے مطابق گزشتہ روز گورنمنٹ گرلز ہائی سکول کھڈیاں خاص میں پرچم کشائی کی تقریب منعقد ہوئی اور میٹرک پوزیشن ہولڈر طالبات میں انعامات اور سرٹیفکٹ تقسیم کیے گئے۔ جس میں علاقہ کے تعلیمی، سماجی حلقوں سید عبدالرحمن شاہ، ڈاکٹر عثمان رفیق، سید شفاعت شاہ، حسنین فاروق ملک، عطااللہ بخاری، حافظ عظیم محسن، سمیت علاقہ کے معززین سمیت طلبا کے والدین نے کثیر تعداد میں شرکت کی۔ تقریب کا آغاز پرچم کشائی کے ساتھ ہوا جس کے بعد طالبات نے تلاوتِ قرآن پاک، نعت، ٹیبلو، ملی نغمہ اور تقریریں پیش کی۔ آخر میں میٹرک پوزیشن ہولڈر طالبات اور ان کے اساتذہ میں تعریفی اسناد اور انعامات تقسیم کیے گئے۔ تقریب سے خطاب کرتے ہوئے سید عبدالرحمن شاہ بانی خدمت کمیٹی کھڈیاں و پی آر او سپیکر پنجاب اسمبلی کا کہنا تھا کہ یکم ستمبر تک سکول میں طلبا کے لیے پینے کے صاف پانی کا فلٹریشن پلانٹ نصب کر دیا جائے گا، علاوہ ان کا کہنا تھا کہ اضافی کمروں اور لیبارٹریوں کی تعمیر کے لیے مکمل کوشش کی جائے گی۔ علاقہ معززین نے بہترین میٹرک رزلٹ اور تقریب کے انعقاد پر پرنسپل محترمہ طیبہ نرگس کو خراج تحسین پیش کی۔آخر میں پی آر او سید عبدالرحمن شاہ کا کہنا تھا کہ گورنمنٹ گرلز ہائی سکول کھڈیاں کی پوزیشن ہولڈر طالبات اور اسٹاف کو گورنر ہاؤس لاہور کا وزٹ کروایا جائے گا تا کہ طلبا گورنر ہاؤس کی تاریخ سے روشناس ہو سکیں۔ علاقہ معززین نے طالبات کی حوصلہ افزائی کے لیے موقع پر نقد انعامات بھی دیے۔
