Arqam Public School Campus 4

ارقم پبلک اسکول کے زیرِ اہتمام عید الاضحیٰ کے حوالے سے ایک پُروقار پروگرام منعقد کیا گیا جس میں اساتذہ کرام اور میٹرک کلاس کی طالبات نے بھرپور شرکت کی۔ پروگرام کا موضوع تھا:
“آج بھی ہو جو ابراہیم سا ایماں پیدا”
پروگرام کا مقصد طالبات میں حضرت ابراہیم علیہ السلام اور حضرت ہاجرہ رضی اللہ عنہا کی عظیم قربانیوں اور ایمان افروز واقعات سے آگاہی پیدا کرنا تھا۔ اس موقع پر محترمہ ازکی محمد صاحبہ نے نہایت خوبصورت انداز میں خطاب کرتے ہوئے زندگی کے اصل مقصد پر روشنی ڈالی۔ انہوں نے بتایا کہ انسان کی کامیابی اللہ تعالیٰ کی رضا اور اس کے احکامات پر عمل کرنے میں ہے۔
انہوں نے حضرت ہاجرہ رضی اللہ عنہا کی سنت اور ان کی عظیم قربانی کا ذکر کرتے ہوئے بتایا کہ آج پوری دنیا صفا اور مروہ کی سعی کی صورت میں اس عمل کی پیروی کرتی ہے، جو ایمان، صبر اور اللہ پر کامل بھروسے کی بہترین مثال ہے۔
پروگرام کے اختتام پر طالبات نے اس عزم کا اظہار کیا کہ وہ اپنی زندگی کو اسلامی تعلیمات کے مطابق گزارنے کی کوشش کریں گی۔ یہ پروگرام نہایت معلوماتی، تربیتی اور ایمان افروز ثابت ہوا۔