Jamia Tul Huda North Karachi

Jamia Tul Huda North Karachi Contact information, map and directions, contact form, opening hours, services, ratings, photos, videos and announcements from Jamia Tul Huda North Karachi, School, Karachi.

جامعۃ الھدیٰ کے شعبہ پری پرائمری (درجہ ابتدائی سوم) کے طلبہ و طالبات میں *"جامنی رنگ"*🪻 کی پہچان کے لیے کمرہ جماعت کی سط...
27/09/2026

جامعۃ الھدیٰ کے شعبہ پری پرائمری (درجہ ابتدائی سوم) کے طلبہ و طالبات میں *"جامنی رنگ"*🪻 کی پہچان کے لیے کمرہ جماعت کی سطح پر *" جامنی رنگ کا دن"* منایا گیا۔

اس دن کی مناسبت سے درجہ ابتدائی سوم کی معلمات نے بڑی محنت اور لگن سے مختلف ماڈل اور اشیاء تیار کیں اور کمرہ جماعت کی ہر چیز کو *"جامنی رنگ"💜* سے سجایا ۔

بچوں کو collage work✂️ اور painting techniques🫟 کے ذریعے مختلف سرگرمیاں کروائی گئیں،
ان سرگرمیوں کا مقصد بچوں کو " *جامنی رنگ* " کی پہچان کروانا اور ان میں مختلف رنگوں میں فرق کرنے کی صلاحیت کو اجاگر کرنا تھا ۔۔

شعبہ پری پرائمری
۔۔۔۔۔جامعتہ الھدیٰ ۔۔۔۔۔

🌹 الحمد للہ 🌹اللہ تعالیٰ کے فضل و کرم سے ہمارے شعبۂ حفظ کے 5 طلبہ کرام نے حفظِ قرآنِ کریم کی سعادت مکمل کر لی ہے۔ جن کے ...
25/09/2026

🌹 الحمد للہ 🌹

اللہ تعالیٰ کے فضل و کرم سے ہمارے شعبۂ حفظ کے 5 طلبہ کرام نے حفظِ قرآنِ کریم کی سعادت مکمل کر لی ہے۔ جن کے نام یہ ہیں:
1: عمر ملک ولد سرور عالم ملک
2: عبدالصمد ملک ولد عمران ملک
3 مجیب الرحمٰن ولد مجاہد حسین مجاہد
4: شایان ملک ولد احسن ملک
5: ایان علی صدیقی ولد طارق علی بابر

یہ کامیابی صرف ان طلبہ ہی نہیں بلکہ ان کے والدین، اساتذۂ کرام اور پورے ادارے کے لیے باعثِ مسرت اور باعثِ شکر ہے۔

ہم اللہ تعالیٰ سے دعا کرتے ہیں کہ وہ ہمارے طلبہ کو قرآنِ مجید کا فہم عطا فرمائے، اس پر عمل کرنے والا، سچا خادم اور امتِ مسلمہ کے لیے باعثِ خیر بنائے، اور ان کے والدین و اساتذہ کو اس عظیم خدمت کا بہترین اجر عطا فرمائے۔

بَارَكَ اللهُ لَهُمْ، وَبَارَكَ عَلَيْهِمْ، وَجَعَلَ الْقُرْآنَ رَبِيعَ قُلُوبِهِمْ وَنُورَ صُدُورِهِمْ۔
ترجمہ:
اللہ تعالیٰ ان کے لیے برکت عطا فرمائے، ان پر برکت نازل فرمائے، اور قرآنِ مجید کو ان کے دلوں کی بہار اور ان کے سینوں کا نور بنا دے۔

#الحمدللہ

جامعۃ الھدی شعبہ پری پرائمری کے طلبہ و طالبات میں *نیلے رنگ* کی پہچان کے لیے " *نیلے رنگ کا دن* " منایا گیا۔ اس دن کی م...
20/09/2026

جامعۃ الھدی شعبہ پری پرائمری کے طلبہ و طالبات میں *نیلے رنگ* کی پہچان کے لیے " *نیلے رنگ کا دن* " منایا گیا۔

اس دن کی مناسبت سے مختلف اشیاء سمیت کمرہ جماعت کی ہر چیز کو *نیلے رنگ* سے تیار کیا گیا تھا۔

اس سرگرمی کا مقصد بچوں کو *نیلے رنگ* کی پہچان کروانا اور ان کے اندر مختلف رنگوں میں فرق کرنے کی صلاحیت پیدا کرنا تھا۔
اس حوالے سے مختلف سرگرمیاں کروائی گئیں جس میں پینٹنگ اور پیسٹنگ کی سرگرمی بھی شامل ہیں ۔

اس سرگرمی کے لیے معلمات شعبہ پری پرائمری نے بڑی محنت سے اشیاء تیار کیں اور کمرہ جماعت کو خوبصورتی و نفاست سے سجایا۔۔!

شعبہ پری پرائمری
۔۔۔۔۔۔جامعتہ الھدی ۔۔۔۔۔۔۔

مربی نشست | ایک یادگار سفر کی روداد گزشتہ جمعے کو جامعۃ الہدی میں منعقدہ تربیتی نشست میں جامعہ نعمان کے استاد اور نوجوان...
17/09/2026

مربی نشست |
ایک یادگار سفر کی روداد

گزشتہ جمعے کو جامعۃ الہدی میں منعقدہ تربیتی نشست میں جامعہ نعمان کے استاد اور نوجوان عالم دین مولانا اعظم خان صاحب تشریف لائے جس کا مقصد حال ہی میں ان کے دورۂ ترکی کے سفر کے مشاہدات اور تجربات بیان کرنا تھا۔ یہ سفر دراصل 10 روزہ ٹریننگ کورس کا تھا جو ترکیہ کے شہر استنبول میں آٹھویں انٹرنیشنل یوتھ کیمپس "صناع الاثر" کے سلسلے میں تھا۔
یہ کورس "ہیئۃ علماء" کی جانب سے منعقد کیا گیا جو نوجوانوں کی علمی اور تربیتی کورس فکری، عملی اور قیادت کی صلاحیتوں کو نکھارنے کے لیے رکھا گیا تھا۔ انھوں نے پاکستان کی جانب سے نمایندگی کی۔ اس ورکشاپ میں لگ بھگ 80 نوجوان شریک ہوئے جن کا تعلق مختلف اسلامی ممالک بالخصوص فلس طین سے تھا۔

مولانا اعظم خان نے نشست میں طلبہ و اساتذہ کے ساتھ ٹریننگ کے مختلف پہلوؤں پر گفتگو کی جس میں وہاں جنگل کے سفر، محدود وسائل میں کام کرنے اور مختلف مشکل ٹاسک و دلچسپ کھیلوں کے ذریعے اعتماد، نظم و ضبط، ٹیم ورک اور مسائل حل کرنے کی صلاحیت پیدا کرنے کے تجربات بیان کیے۔

گفتگو کے آغاز میں فلس طینی قوم کی ہمت، شجاعت، استقامت اور جذبۂ ایمانی کے حوالے سے اپنے سفر کے مشاہدات شیئر کیے کہ کس طرح وہ قرآن سے مضبوط تعلق، نبی کریم ﷺ سے عقیدت و محبت، دینی وابستگی اور عملی زندگی کی مختلف مہارتوں کو ساتھ لے کر چل رہے ہوتے ہیں۔ قاری و حافظ ہونے کے ساتھ ساتھ مشکل حالات میں ذمہ داریاں نبھانے، ٹیکنالوجی کے جدید میدانوں میں آگے بڑھنے، اور مشکل و چیلنجنگ سرگرمیوں کے ذریعے جسمانی و ذہنی صلاحیتوں کو مضبوط بنانے میں بھی پیش پیش رہتے ہیں۔

مولانا اعظم خان نے ٹریننگ میں شامل عرب مہمان اور میزبانوں کے ساتھ ہونے والے قیمتی تجربات بھی ذکر کیے جس میں وقت کو قیمتی بنانے انفرادی عبادات، ذکر واذکار قرآن سے شغف، نبی کریم صلی اللہ علیہ وآلہ وسلم سے عقیدت اور محبت خاص کر قابل ذکر ہے۔

اس گفتگو کا ایک خوبصورت پہلو یہ بھی تھا کہ اسلامی ممالک کے دلوں میں پاکستان اور پاکستانی عوام کے لیے محبت اور نیک جذبات پائے جاتے ہیں، جو دونوں خطوں کے مسلمانوں کے باہمی تعلق اور اخوت کی یاد دلاتا ہے۔

یہ نشست محض فلس طین کے حالات سننے کا موقع نہیں تھی، بلکہ اس سوال پر غور کرنے کا موقع بھی تھی کہ:
ہم اپنے نوجوانوں میں ایمان کے ساتھ علم، کردار، ہمت، خود اعتمادی، جسمانی و ذہنی مضبوطی اور جدید دور کی ضروری صلاحیتیں کیسے پیدا کر سکتے ہیں!!! نشست کے آخر میں طلبہ نے سوال وجواب کے مرحلے میں حصہ لیتے ہوئے تشنگی ظاہر کی جس میں خاص کر وہاں کی خوراک کا تذکرہ قابل ذکر ہے۔

جامعہ نعمان اور جامعہ ھدی اپنے متعلقین کو اس طرح کے قومی و بین الاقوامی مواقع فراہم کرتا رہتا ہے جس کا مقصد شخصی تعمیر وترقی کے ساتھ عالمی دعوہ میں اپنا فعال کردار ادا کرنا ہے۔

🏹 جامعۃ الہدیٰ — بین المدارس آرچری چیمپئن شپ میں پہلی پوزیشن! 🏆الحمدللہ! جامعۃ الہدیٰ کے طلبہ نے بین المدارس آرچری چیمپئ...
10/09/2026

🏹 جامعۃ الہدیٰ — بین المدارس آرچری چیمپئن شپ میں پہلی پوزیشن! 🏆

الحمدللہ!
جامعۃ الہدیٰ کے طلبہ نے بین المدارس آرچری چیمپئن شپ میں شاندار کارکردگی کا مظاہرہ کرتے ہوئے پہلی پوزیشن حاصل کی۔

یہ مقابلہ گزشتہ ہفتے 5 ستمبر کو سندھ حکومت اور QAA Archery Academy کے اشتراک سے باغ ابن قاسم کلفٹن میں منعقد کیا گیا تھا، جس میں مختلف مدارس کے طلبہ نے شرکت کی۔

طلبہ کی اس شاندار کامیابی کے اعتراف میں سیکرٹری کھیل و ثقافت، حکومتِ سندھ منور علی مہیسر نے جامعۃ الہدیٰ کے طلبہ کو فاتح ٹرافی پیش کی، جبکہ ادارے کے مدیرِ محترم حبیب احمد حنفی صاحب کو بھی اعزازاً شیلڈ پیش کی گئی۔

"بین المدارس چمپئن شپ" بالخصوص مدارس کے طلبہ کے لیے ایک نئی پیشرفت تھی جو تیر اندازی کی معروف اکیڈمی QAA نے سندھ حکومت کی معاونت سے کی۔ مقابلے سے چند روز قبل پروگرام انتظامیہ کی جانب سے طلبہ کے لیے انھی کے مدارس میں 3 روزہ کیمپ کا انعقاد بھی کیا گیا تھا جس میں انھیں ٹریننگ فراہم کی گئی۔ ٹریننگ کے مرحلے میں ٹرینر کونین صاحب اور یعقوب صاحب نے مرکزی کردار ادا کیا۔ انھوں نے ہی جامعۃ الہدی کے شعبۂ حفظ کے طلبہ کو تیار کیا۔ 3 روزہ ٹریننگ کے پہلے مرحلے میں انھوں نے پہلے دن 25 طلبہ میں سے 12 کا انتخاب کیا۔ بعد ازاں ان منتخب طلبہ کو 2 دن مشق کروائی گئی۔ ٹریننگ کے اختتام پر ٹرینر نے طلبہ کی کم وقت میں زیادہ سیکھنے کی صلاحیت کو سراہا۔ ٹریننگ کے 2 روز بعد بین المدارس آرچری چمپئن شپ مقابلے کا انعقاد ہوا جس میں جامعۃ الہدی کے طلبہ نے نمایاں کارکردگی پیش کرتے ہوئے پوزیشن حاصل کی۔

واضح رہے کہ جامعۃ الہدی میں تائی کوانڈو کے ساتھ تیراندازی (Archery) بھی باقاعدہ کھیل کا حصہ ہے جو جناب ماجد ظہور کی زیرنگرانی جاری ہے۔

ہمیں خوشی ہے کہ ہمارے طلبہ دینی تعلیم کے ساتھ ساتھ جسمانی صحت، خود اعتمادی اور مثبت سرگرمیوں میں بھی آگے بڑھ رہے ہیں۔

ٰ




*🇵🇰 Defence Day Celebration at Jamia tul Huda Pre-Primary Classes 🇵🇰* We celebrated Defence Day with our little heroes! ...
08/09/2026

*🇵🇰 Defence Day Celebration at Jamia tul Huda Pre-Primary Classes 🇵🇰*

We celebrated Defence Day with our little heroes!
The children were given a short briefing about the significance of this day and the sacrifices of our brave soldiers.

To make it memorable, fun colouring activities were also arranged for them.

May Allah bless our country and keep it safe.
Ameen 💐

✏️* Yellow Colour Day in jamia tul Huda Pre-Primary classes!*🌻 🟡 Our little ones of pre primary celebrated *Yellow Colou...
06/09/2026

✏️* Yellow Colour Day in jamia tul Huda Pre-Primary classes!*🌻 🟡

Our little ones of pre primary celebrated *Yellow Colour Day* with so much joy and enthusiasm.

Different fun activities like colouring, paper craft, origami, pasting & stenciling.
All activities made learning about the colour yellow so exciting.
The classes was full of sunshine☀️ and with smiles of our little Stars 😊!

فکری و تربیتی نشست — مولانا مودودیؒ کی حیات و خدماتگزشتہ جمعے کو شعبۂ حفظ کے طلبہ کے لیے ایک خصوصی فکری و تربیتی نشست کا...
06/09/2026

فکری و تربیتی نشست — مولانا مودودیؒ کی حیات و خدمات

گزشتہ جمعے کو شعبۂ حفظ کے طلبہ کے لیے ایک خصوصی فکری و تربیتی نشست کا انعقاد ہوا، جس میں جامعہ نعمان و جامعۃ الہدیٰ کے تربیتی امور کے نگران اور الامام انسٹیٹیوٹ کے ڈائریکٹر، جناب نجیب احمد حنفی صاحب نے طلبہ سے گفتگو فرمائی۔

نشست میں گزشتہ صدی کی ایک نمایاں علمی و فکری شخصیت مولانا سید ابوالاعلیٰ مودودیؒ کی سوانح، دینی و علمی خدمات اور فکر و جدوجہد کے مختلف پہلوؤں پر روشنی ڈالی گئی۔ خصوصاً طلبہ کو:

🔹 تفسیر تفہیم القرآن کی علمی اہمیت اور مولانا مودودیؒ کی قرآنی خدمات
🔹 مقصد حیات اور اسلام میں امامت و خلافت کے تصور
🔹 قرآنِ کریم کی تعلیمات کو عملی زندگی سے جوڑنے کی ضرورت
🔹 تحریکی فکر کے قیام کے پس منظر اور مقصد
🔹 دین کے لیے جدوجہد اور اس راہ میں پیش آنے والی مشکلات، بالخصوص قید و بند کی صعوبتوں سے آگاہ کیا۔

نشست کے اختتام پر طلبہ سے مختلف سوالات کیے گئے اور سوال و جواب کے ذریعے ان کی سمجھ، توجہ اور response کا جائزہ بھی لیا گیا، جس سے نشست مزید interactive اور بامقصد بن گئی۔

واضح رہے کہ ایسی نشستیں طلبہ کو محض معلومات فراہم کرنے کے بجائے انہیں دینی فکر، شعور، مطالعہ، سوال کرنے اور عصرِ حاضر کے چیلنجز کو سمجھنے کی طرف متوجہ کرنے کی کوشش ہیں۔

جامعۃ الہدیٰ — ایسا دینی تعلیمی ماحول جہاں علم کے ساتھ فکر، کردار اور عملی زندگی کی تیاری پر بھی توجہ دی جاتی ہے۔

ٰ

تقریبِ تکمیلِ حفظ القرآنالحمدللہ! بروز ہفتہ، 29 اگست 2026ء کو جامعۃ الہدیٰ کے شعبۂ حفظ القرآن کے زیرِ اہتمام تقریبِ آمی...
31/08/2026

تقریبِ تکمیلِ حفظ القرآن

الحمدللہ! بروز ہفتہ، 29 اگست 2026ء کو جامعۃ الہدیٰ کے شعبۂ حفظ القرآن کے زیرِ اہتمام تقریبِ آمین کا انعقاد کیا گیا، جس میں 5 طلبہ نے حفظِ قرآنِ کریم مکمل کرنے کی سعادت حاصل کی۔ اس بابرکت موقع پر طلبہ کے والدین اور دیگر اہلِ خانہ بھی شریک ہوئے۔

پروگرام کا آغاز عمر رضوان کی تلاوتِ کلامِ پاک سے ہوا۔ اس کے بعد طالب علم بلال کاشف نے قرآنِ کریم کے موضوع پر خوبصورت نظم پیش کی، جس نے محفل کی روحانی کیفیت کو مزید پُراثر بنا دیا۔

بعد ازاں قاری محمد عمر صاحب نے حفظِ قرآن مکمل کرنے والے حفاظِ کرام کو آخری سبق پڑھایا اور ان کی تقریبِ آمین مکمل کروائی۔

اس موقع پر خصوصی گفتگو کرتے ہوئے مدیرِ جامعہ، مولانا حبیب احمد حنفی صاحب نے حفظِ قرآن کی سعادت حاصل کرنے والے طلبہ، ان کے والدین اور اساتذہ کو مبارک باد پیش کی۔ انہوں نے طلبہ کو قرآنِ کریم سے محبت، اس کے ساتھ مضبوط تعلق قائم رکھنے اور اس کی تعلیمات کو اپنی زندگی میں عملی طور پر اختیار کرنے کی تلقین فرمائی۔

انہوں نے والدین کو جامعہ نعمان اور جامعۃ الہدیٰ کی جانب سے دینی تعلیم و تربیت کے حوالے سے جاری کوششوں اور مستقبل کے مشن سے آگاہ کیا اور اس عظیم مقصد میں ہمقدم رہنے کی دعوت دی۔

حفظِ قرآن کی سعادت حاصل کرنے والے طلبہ

1. محمد عمر ولد رضوان نفیس
2. محمد عمر عالم ولد ذیشان عالم
3. عبدالرافع ولد محمد شاہد
4. محمد انس ولد محمد زید صدیقی
5. سبط علی ولد سبط اسد

اللہ تعالیٰ ان پانچوں طلبہ کے حفظِ قرآن کو شرفِ قبولیت عطا فرمائے، انہیں قرآنِ کریم کا سچا خادم بنائے، ان کے سینوں کو قرآن کے نور سے منور فرمائے اور قرآنِ کریم کو ان کے لیے دنیا و آخرت میں ذریعۂ نجات بنائے۔ آمین یا رب العالمین۔

شعبۂ حفظ القرآن
جامعۃ الہدیٰ

لیڈرشپ — غلط فہمیاں اور سیرتِ نبوی ﷺ سے سبق گزشتہ جمعہ المبارک بزمِ ادب کے موقع پر ایک خصوصی مربی نشست کا انعقاد کیا گیا...
24/08/2026

لیڈرشپ — غلط فہمیاں اور سیرتِ نبوی ﷺ سے سبق

گزشتہ جمعہ المبارک بزمِ ادب کے موقع پر ایک خصوصی مربی نشست کا انعقاد کیا گیا، جس میں سیرت اور لائف اسکلز کے ٹرینر عثمان شریف صاحب کو مدعو کیا گیا۔
نشست کا آغاز ایک دلچسپ سرگرمی سے ہوا، جس نے ابتدا ہی میں طلبہ کی توجہ اپنی جانب مبذول کرلی اور انہیں بھرپور شرکت کے لیے آمادہ کیا۔
نشست کے دوران طلبہ کے ساتھ مربی صاحب کا محبت، شفقت اور حوصلہ افزائی پر مبنی اندازِ گفتگو قابلِ دید تھا، جس کے نتیجے میں بچوں نے بھی کھل کر سرگرمیوں میں بھرپور دلچسپی لی۔
نشست میں غوروفکر اور مشاہدے پر مبنی سرگرمیوں کے ذریعے طلبہ کو قیادت (لیڈرشپ) کے مفہوم اور ایک حقیقی لیڈر کی ذمہ داریوں سے روشناس کرایا گیا۔ اس دوران لیڈرشپ سے متعلق عام تصورات اور غلط فہمیوں پر گفتگو کرتے ہوئے یہ واضح کیا گیا کہ لیڈر ہونا محض عہدہ، اختیار یا دوسروں کو ہدایات دینے کا نام نہیں، بلکہ ذمہ داری، کردار، خدمت اور دوسروں کو ساتھ لے کر چلنے کا نام ہے۔
ان تصورات کو سیرتِ رسول اللہ ﷺ سے جوڑتے ہوئے طلبہ کو یہ سمجھنے کا موقع دیا گیا کہ بہترین قیادت کے عملی نمونے ہمیں سیرتِ طیبہ میں ملتے ہیں۔

نشست کے دوران طلبہ کی گروپ سرگرمی کا بھی اہتمام کیا گیا، جس میں باہمی تعاون، مشاورت اور ٹیم ورک جیسی صلاحیتوں کو عملی طور پر اجاگر ہوئی۔

ہم امید کرتے ہیں کہ ایسی تربیتی نشستیں طلبہ کو محض معلومات فراہم کرنے کے بجائے سوچنے، مشاہدہ کرنے، سوال اٹھانے اور اپنی شخصیت میں مثبت تبدیلی لانے کا موقع فراہم کرتی رہیں گی۔
اللہ تعالیٰ اس تربیتی سلسلے کو مزید بابرکت، مؤثر اور طلبہ کے لیے نفع بخش بنائے۔ آمین!

واضح رہے کہ مربی عثمان شریف صاحب سیرت و لائف اسکلز ٹرینر ہونے کے ساتھ ساتھ Artificial Intelligence (AI) کے شعبے میں بھی مہارت رکھتے ہیں۔ ملک بھر کے نامور تعلیمی اداروں کے ساتھ کارپوریٹ سیکٹر میں ٹریننگ ہیں۔

Address

Karachi

Website

Alerts

Be the first to know and let us send you an email when Jamia Tul Huda North Karachi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category