18/08/2026
آج ہمارا بہت مشکل کیس کامیاب ہوا ۔ اس کیس کے لئے چند ماہ قبل بھی ویڈیو لگائی تھی کوئی سراغ نہیں ملا تھا ۔ بہت خواہش تھی اماں کو خوشی مل جائے۔ الحمدللہ آج بہت سارے عزیز رشتے مل گئے ۔ ویسے جس دن کیس کامیاب ہوتا ہے دل بہت خوش ہوتا ہے۔ ساری تھکاوٹ دور ہوجاتی۔
لیکن آج اس طرح نہیں تھا۔ کیونکہ اس کیس سے قبل ہم حب بلوچستان گئے وہاں دو بچیوں کے لئے کال آئی تھی۔ ان بچیوں کالو کسی نے مبینہ طور پر اغواء کیا تھا ۔ شاید پولیس نے بچیوں کو ریسکیو کیا ملزمان فرار ہوگئے ہیں۔
ایک بچی گونگی بہری ہے اور ایک بچی بول سکتی ہے لیکن بہت کم عمر ہے صرف اپنا نام بتاسکتی ہے ۔ دعا نام بولتی ہے۔ سندھی زبان میں بات کرتی ہے۔ ممکن ہے انکو اندرون سندھ سے اغواء کیا گیا ہو۔
چھوٹی والی بچی کی ٹانگ دو جگہوں سے توڑی گئی ہے۔ دوسری جو گونگی ہے اسکی گردن پر داغ کے نشان ہیں۔ شاید جسم پر بھی ہو ۔ سر کے بال بہت چھوٹے ہیں بچی نے اشاروں میں بتایا کہ اسکے بال پہلے بڑے تھے پھر کاٹے گئے ہیں۔ اس بچی پر مبینہ طور پر جسمانی تشدد بھی کی گئی ہے۔
ان بچیوں کے بارے میں لیڈی کانسٹیبل نے بتایا کہ بہت روتی ہیں۔ گھر کو یاد کرتی ہیں۔ حب سے پھر ہم کراچی فشری گئے وہاں عامر کے کیس کی خوشخبری دی اور انٹرویو کیا ۔ پھر بہادر آباد گئے ایک اور کیس کے سلسلے میں۔
سارا دن گزر گیا لیکن وہ دو سہمی ہوئی بچیاں ذہن سے نہیں نکل رہیں۔
آپ تمام دوستوں سے دست بستہ گزارش ہے کہ خدارا انکی ویڈیو کو خوب زیادہ شئیر کریں۔ سندھ بھر کے دوست خاص طور پر دلچسپی لیں۔ انکے خاندان کی تلاش میں مدد کریں۔
03162529829
