Ibrahim shobi

مرحوم بشیر بدر صاحب کے مصرع پر گرہ حاضر ہے ۔۔۔۔
تم کو اندازہ نہیں ہے کیا سے کیا ہو جائے گا
“ اتنا مت چاہو اسے وہ بے وفا ہو جائے گا“
ابراہیم شوبی

آئے ہوۓ ہیں عارضی سیر و سفر پہ ہم
کچھ مُستقل قیام کی صورت جہاں نہیں
ابراہیم شوبی

لفظی کہانی مقابلہ (عید الاضحیٰ اسپیشل)
​موضوع : قربانی صرف جانور کی نہیں ، نفس کی بھی ہوتی ہے
مصنف : ابراہیم شوبی
​کہانی:
عید الاضحیٰ کی آمد آمد تھی علی اپنے والد سے ضد کر رہا تھا کہ بکرا کب لے کر آئیں گے ، محمود صاحب اس انتظار میں تھے کہ انھوں نے جن لوگوں کو ادھار دیا ہوا ہے وہ انھیں واپس کر دیں تو منڈی جا کر علی کے ساتھ قربانی کے لیے بکرا لے آئیں اتنے میں محمود صاحب کے دوست حیدر صاحب آ گئے اور انھوں نے محمود صاحب سے کہا میں اس بات پہ شرمندہ ہوں کہ آپ سے لیا ہوا قرض وقت پہ واپس نہیں کر پایا ، میری بیوی کا آپریشن ہے محمود صاحب نے حیدر سے کہا کوئی بات نہیں ہم قربانی اگلے سال کر لیں گے قربانی صرف جانور کی نہیں نفس کی بھی ہوتی ہے تم اپنی بیوی کا علاج کروا لو میں تمھارا قرض معاف کرتا ہوں۔

یوں بھی کڑوا انہیں لگوں گا میں
سچ کی عادت ہے سچ کہوں گا میں

ہار مانوں گا کب سہولت سے
جب تلک سانس ہے لڑوں گا میں

لڑکھڑانے لگے قدم میرے
گر گیا بھی تو پھر اُٹھوں گا میں

جیسی کرنی ہے ویسی بھرنی ہے
گر کیا ہے بُرا بھروں گا میں

تم جو چاہو تو کیا نہیں ممکن
تم نہ چاہو تو کیا کروں گا میں

جس میں نورِ خُدا بھرا ہوا ہے
طاقچے میں وہ دل رکھوں گا میں

ایسا سوچا بھی تھا نہیں شوبی
کہ کسی پہ کبھی مروں گا میں

(ابراہیم شوبی)

اس عنایت پہ Dua Ali کا بیحد شکریہ

پہلے اُس نے بال و پر نوچے مرے
پھر کہا مجھ سے کہ تو آزاد ہے
ابراہیم شوبی

یہ مرے باپ کی بدولت ہے
بختِ بیدار میں نے پایا ہے
ابراہیم شوبی