16/06/2026
میرے گھر آج ایک ایسے نوجوان عالم مہمان بن کر آئے جن کا میری زندگی پر بڑا احسان ہے۔
کئی سال پہلے جب کچھ سوالات نے مجھے الجھا رکھا تھا، خاص طور پر اللہ تعالیٰ کے بارے میں، تو محمد اکبر صاحب ہی تھے جنہوں نے میرے سوالات کے جوابات دیے اور میری مدد کی۔
ان سے جب بھی ملاقات ہوتی ہے، ایک احساس ضرور ہوتا ہے کہ ہم نے قرآن کو جتنا وقت دینا چاہیے، اتنا نہیں دے پا رہے۔ پھر روزمرہ کی مصروفیات انسان کو اپنی طرف کھینچ لیتی ہیں اور ارادے ارادے ہی رہ جاتے ہیں۔
ایک بات میں نے کبھی کسی اور کے بارے میں نہیں سوچی، لیکن اکبر صاحب کے بارے میں ضرور سوچتا ہوں کہ کاش میرا بیٹا علی ان کے نقشِ قدم پر چلے۔ علم، قرآن سے تعلق، سنجیدگی اور کردار کا جو امتزاج میں نے ان میں دیکھا ہے، وہ کم لوگوں میں نظر آتا ہے۔
آج محمد اکبر صاحب اپنے دوستوں کے ساتھ ایبٹ آباد آئے اور میرے غریب خانے پر تشریف لائے۔ بہت اچھی نشست رہی۔ میرے کراچی والے دوست وسیم نے بھی گفتگو سے خوب لطف اٹھایا۔
اکبر صاحب کے تمام دوستوں کا، اور خاص طور پر عامر شاہ صاحب کا شکریہ کہ ہمارے اصرار پر وقت نکال کر آئے۔
اللہ تعالیٰ محمد اکبر صاحب اور ان کے ساتھیوں کو اپنے دین کی خدمت کی توفیق اور برکت عطا فرمائے۔