24/12/2025
فاؤنڈیشن اسسٹڈ اسکول (دی انڈس اسکولنگ سسٹم) لائبہ پبلک اسکول، جو سندھ ایجوکیشن فاؤنڈیشن کے زیرِ انتظام چل رہا ہے، کی جانب سے شاندار اسپورٹس فیسٹیول کا انعقاد کیا گیا۔ اس تقریب کی سرپرستی اور میزبانی کے فرائض سر شفیع محمد سیال نے انجام دیے۔
تقریب میں مختلف شعبۂ ہائے زندگی سے تعلق رکھنے والے افراد نے کثیر تعداد میں شرکت کی۔ نمایاں طور پر ٹاؤن میونسپل کارپوریشن ابراہیم حیدری کے چیئرمین اور پی ایس 86 کے صدر، نظیر احمد بھٹو مہمانِ خصوصی تھے۔
دیگر معزز مہمانوں میں سندھ ایجوکیشن فاؤنڈیشن کراچی ریجن کے ڈائریکٹر اشفاق حسین میرانی، ڈپٹی ڈائریکٹر ایجوکیشن نیاز میمن، چیئرمین خواجہ تنولی، وائس چیئرمین محمد امین جٹ، قادر گل، ارشد علی جٹ، ڈاکٹر محمد ادریس آرائیں، نعمان حفیظ آرائیں، رانا ابو بکر، عابد آرائیں، عبدالجبار سیال، نیاز خان سواتی، سر مقبول سہتو، عبداللہ گل، فرید بھائی، پپو بھائی، دلدار بھائی، منظور بھائی، خلیل چوہدری جبکہ لیڈیز ونگ کی شمع خان اور دیگر معزز شخصیات شامل تھیں۔
اسپورٹس فیسٹیول کے دوران فاؤنڈیشن اسسٹڈ اسکول کے طلبہ و طالبات نے مختلف کھیلوں میں بھرپور حصہ لیا اور اپنی صلاحیتوں کا شاندار مظاہرہ کیا۔ مہمانوں نے مختلف گیمز میں کامیاب طلبہ میں ٹرافیاں اور میڈلز تقسیم کیے۔
تقریب کے اختتام پر مہمانانِ گرامی نے کامیاب اسپورٹس فیسٹیول کے انعقاد پر اسکول انتظامیہ، اساتذہ اور طلبہ کو دلی مبارکباد دی اور ایسے صحت مند سرگرمیوں کے تسلسل کی خواہش کا اظہار کیا۔
#
