12/09/2026
اے اپنے باطن کا تحفظ چاہنے والے!
تیرا ہالہ تیری روح کا لباس ہے۔ جب تو غصے، شہوت، ناپاکی اور خوف میں حد سے گزرتا ہے، تو اپنے ہاتھ سے اپنے باطنی لباس کو تار تار کر کے جنات کو اندر آنے کی دعوت دیتا ہے۔
اپنے ہالے کو 'طہارت، وضو اور ذکرِ الٰہی' کا سنہرا اور سبز رنگ دو!
جب تیرے اندر سے رضائے الٰہی کا تعدد نکلے گا، تو کائنات کی کوئی ناری اور سفلی مخلوق تیرے ہالے کے قریب بھی نہیں بھٹک سکے گی!"
(جن بھائیوں کی انسانوں سے کہی گئ باتیں)
ہم انسانوں کی نظر صرف 'مادہ' (گوشت اور کپڑا) دیکھتی ہے، جبکہ جنات کی نظر 'مادے کے اندر چھپی توانائی اور روح' کو دیکھتی ہے۔
جب وہ ہمیں بغور دیکھتے ہیں تو ہمارے خدوخال اور چہرے کی بناوٹ ان پر بالکل واضح ہوتی ہے—مگر ان کے لیے ہمارے چہرے کا اصل جمال ہمارا ناک نقشہ نہیں، بلکہ ہماری پاکیزگی اور ذکرِ الٰہی سے نکلنے والا نور ہوتا ہے، اور انسان کے جذبات بدلنے سے اس کے گرد توانائی کا رنگ بدلتا ہے، علم باطن کے ماہرین بتاتے ہیں کہ صرف رنگ ہی نہیں، بلکہ جب انسان کی جذباتی لہریں ایک خاص شدت پر پہنچتی ہیں، تو وہ ابعادی پردے (4D Barrier) تک میں سوراخ کر دیتی ہیں، چنانچہ جب انسان آپے سے باہر ہوتا ہے، تو اس کے جسم کی تپش اور ہالے کا سائز اچانک پھیل کر سرخ ہو جاتا ہے۔ اس وقت انسانی عقل معطل ہوتی ہے، اور جنات اس حرارت اور غصے کے تعدد سے طاقت حاصل کرنے کے لیے فوراً اس کے ہالے میں داخل ہو جاتے ہیں۔
اور جب انسان شہوت کے غلبے میں ہو اور ساتھ ناپاک (بے غسل) بھی ہو، تو اس کا ہالہ انتہائی باریک اور نازک ہو جاتا ہے۔ عاشق جنات (Incubus/Succubus) اسی کیفیت کا شکار افراد کی طرف راغب ہوتے ہیں۔
اسی طرح مسلسل رونے، اکیلے اندھیرے میں بیٹھنے اور زندگی سے بیزار ہونے والے افراد کا ہالہ چٹخ جاتا (Cracked Aura) ہے۔ خبیث جنات ایسے غمزدہ افراد کے ارد گرد جمع ہو کر ان کے غم اور وسوسوں کو مزید بڑھاتے اور خوراک حاصل کرتے ہیں۔۔۔۔
جس طرح کچھ رنگ جنات کو کھینچتے ہیں، اسی طرح کچھ رنگ اور کیفیات ان کے لیے آتشیں ڈھال کا کام بھی کرتی ہیں:
جیسے شفاف نوری سفید اور سنہرا ہالہ۔۔۔۔
ذکرِ الٰہی، نمازِ فجر کے بعد کی حالت اور تلاوتِ قرآن سے انسان کا ہالہ شفاف اور نوری ہو جاتا ہے۔ یہ روشنی جنات کی آنکھوں کو چندھیا دیتی ہے اور وہ قریب آنے سے بھاگتے ہیں۔
اسی طرح باوضو رہنے، توکل اور باطنی سکون کی حالت میں سبز اور گہرا نیلا رنگ ظاہر ہوتا ہے۔ یہ ہالہ جنات کے لیے بجلی کے ننگی تار کی طرح ہوتا ہے جسے وہ چھو بھی نہیں سکتے۔
واللہ اعلم باالصواب
