17/08/2026
اک سیاہ تاریخ 17 اگست دا دن برصغیر دی تریخ وچ اک انتہائی غمگین، دردناک اتے سیاہ دن دے طور تے یاد کیتا جاندا اے۔ اس دن نوں "پنجاب ہولوکاسٹ ڈے" (Punjab Holocaust Day) آکھیا جاندا اے، کیونجے 1947 دی ونڈ (Partition) دے ویلے اگست دے دناں وچ پنجاب دی دھرتی اتے انسانیت سوز المیے رونما ہوئے سن۔
جدوں برصغیر دی ونڈ دا اعلان ہویا اتے 14-15 اگست نوں دو نویں دیس بنے، تاں پنجاب نوں دو حصیاں وچ ونڈ دتا گیا۔ ایس لکیر (رڈکلف لائن) دے دونوں پاسے لکھاں بے گناہ لوکاں نوں اپنا گھر بار، مال اسباب اتے پیارے چھڈن پئے تے ہجرت کرنی پئی۔
ونڈ دے ویلے مذہبی فسادات دی اگ وچ لکھاں معصوم زنانی، مرد، نکے بال اتے بزرگ مارے گئے۔ تاریخ داناں دے مطابق، ونڈ دیاں ایہناں خونیں وارداتاں وچ مرن والیاں دی گنتی لکھاں وچ سی، جدوں کہ کروڑاں لوک بے گھر ہو گئے۔
ا
یس ہولوکاسٹ نے صدیاں پرانی سانجھی ساہجھ، بھائی چارے اتے پنجابی رہتل نوں وڈا دھکا لایا۔ لکھاں لوک راتوں رات پناہ گزین بن گئے۔
17 اگست نوں پنجاب ہولوکاسٹ ڈے منان دا مقصد انّاں ساریاں قربانیاں، درداں اتے مظلومیت نوں یاد کرنا اے جو عام پنجابی لوکاں نے اِس سیاسی ونڈ دی بھینٹ چڑھ کے سہے سن۔ ایہ دن اس گل دی یاد دہانی کراندا اے کہ نفرت تے عصبیت انسانیت لئی کتنا وڈا ناسور اے
#پنجابی
