Sadiq Public Higher Secondary School Hub

صادق پبلک ھائیر سیکنڈری اسکول حب وہ ادارہ ہے جہاں کی انتظامیہ اور مدرسین کی ہر ممکن کوشش ہوتی ہے کہ ہر بچے پر انفرادی توجہ دی جائے، کیونکہ باغ میں وہی درخت نمایاں ہوتا ہے، ہرا بھرا رہتا ہے اور زیادہ پھل بھی دیتا ہے جس کی بہتر انداز میں رکھوالی کی جائے،

صادق پبلک سیکنڈری اسکول و کالج حب میں درجہ ہفتم سے میٹرک تک کے طلباء و طالبات کے مابین اردو اور انگریزی زبانوں میں ایک شاندار اور بامقصد مضمون نویسی مقابلے کا انعقاد کیا گیا۔ اس سرگرمی کا بنیادی مقصد طلبہ کو مضمون نویسی کے بنیادی اصولوں سے روشناس کرانا، ان کی تخلیقی و تحریری صلاحیتوں کو نکھارنا اور انہیں مؤثر انداز میں اپنے خیالات کے اظہار کی تربیت دینا تھا۔
اس موقع پر اساتذہ کرام نے طلباء و طالبات کی بھرپور رہنمائی کرتے ہوئے انہیں یہ سکھایا کہ کس طرح اپنے خیالات کو منظم، واضح اور دلکش انداز میں تحریر کیا جائے۔ اس مقابلے کے ذریعے طلبہ میں نہ صرف مقابلے کا صحت مند رجحان فروغ پایا بلکہ ان میں یہ شعور بھی اجاگر ہوا کہ وہ مستقبل میں اپنی بہترین تحریری صلاحیتوں کو بروئے کار لاتے ہوئے معاشرے کی مثبت تشکیل میں اہم کردار ادا کر سکتے ہیں۔

صادق پبلک ھائیر سیکنڈری اسکول حب میں مضمون نویسی/ایسے رائٹنگ کے حوالے سے ایک معلوماتی اور تربیتی سیشن کا انعقاد کیا گیا، جس میں طلباء و طالبات کو مضمون نویسی کے بنیادی اصولوں سے آگاہ کیا گیا۔ اس سیشن میں موضوع کے انتخاب، خیالات کو مؤثر انداز میں ترتیب دینے اور بہتر طرزِ تحریر اپنانے پر خصوصی رہنمائی فراہم کی گئی۔

اساتذہ نے عملی مثالوں کے ذریعے طلباء کو سکھایا کہ ایک اچھا مضمون کس طرح لکھا جاتا ہے اور اسے دلکش اور بامقصد کیسے بنایا جا سکتا ہے۔

مزید برآں، طلباء و طالبات کے درمیان انگریزی اور اردو زبان میں مضمون نویسی کا ایک بہترین مقابلہ منعقد کیا جائے گا، ان شاءاللہ، جس کا مقصد طلباء کی تخلیقی صلاحیتوں کو اجاگر کرنا اور ان کی تحریری مہارتوں کو مزید نکھارنا ہے۔

“Artwork is the key to success.” Montessori section art work.