Al Hijaz Academy Primary & Secondary School

*🌿 استاد کی تھکن – وہ دکھ جو نصاب میں نہیں لکھا جاتا 🌿*

کبھی آپ نے کلاس روم میں بیٹھ کر غور کیا ہے؟
سامنے بیٹھا استاد بول رہا ہوتا ہے…
آواز میں علم بانٹنے کی لگن، چہرے پر سنجیدگی، اور آنکھوں میں ایک خاموش تھکن — ایسی تھکن جو کسی کتاب میں درج نہیں، کسی رپورٹ میں لکھی نہیں جاتی۔

یہ تھکن صرف صبح سویرے اُٹھنے یا مسلسل لیکچرز دینے کی نہیں…
یہ اُس وقت جنم لیتی ہے جب:
• استاد دن بھر بچوں کو پڑھائے، اور آخر میں کوئی شکایت اس کے حصے میں آ جائے۔
• وہ اپنے ذاتی دکھ پسِ پشت ڈال کر دوسروں کے بچوں کے خواب سنوارنے نکلے۔
• کوئی شاگرد کامیاب ہو تو سب تالیاں بجائیں، مگر استاد کا ذکر تک نہ ہو۔

کبھی کبھی وہ خود کسی کرب میں ہوتا ہے — گھر کی پریشانی، بچوں کی فیس، والدین کی دوا، یا دل کا بوجھ — لیکن وہ سب چھپا کر مدرسے آتا ہے، مسکراتا ہے، اور پڑھانا شروع کر دیتا ہے… جیسے کچھ ہوا ہی نہیں۔

کیا یہ سب صرف تنخواہ کے لیے ہوتا ہے؟
نہیں… یقین جانیے! استاد کا جذبہ کاغذی نوٹ سے کہیں آگے ہے۔
وہ چاہتا ہے کہ اس کی کلاس کا ہر بچہ کامیابی کی چوٹی چھوئے، وہ بنے جو شاید خود استاد نہ بن سکا۔

کبھی آپ نے کسی استاد کو خاموش بیٹھے دیکھا ہے؟
ممکن ہے وہ تھک چکا ہو…
ممکن ہے اس کی محنت کو نظر انداز کیا گیا ہو…
ممکن ہے وہ نیا علم دینا چاہتا ہو، مگر نظام نے اسے باندھ دیا ہو۔

یہ تھکن جسم میں نہیں، دل میں اُترتی ہے…
پھر بھی استاد ہار نہیں مانتا۔
وہ روز نئے حوصلے سے کلاس میں آتا ہے — اس امید پر کہ شاید آج کا دن کسی بچے کی زندگی بدل دے۔

اگر ہم چاہتے ہیں کہ ہمارے بچوں کا مستقبل روشن ہو،
تو ہمیں پہلے اُن ہاتھوں کا خیال رکھنا ہوگا جو انہیں روشنی تک پہنچاتے ہیں۔

استاد کو صرف “کام کرنے والا” نہ سمجھیں — وہ بھی انسان ہے، جذبات رکھتا ہے، کمزوریاں رکھتا ہے، اور سب سے بڑھ کر… ایک دل رکھتا ہے، جو چاہتا ہے کہ کوئی اس کی بات سنے، اس کی تھکن محسوس کرے، اور کبھی کبھار بس ایک شاباش دے دے۔

کیونکہ…
اگر استاد کا جذبہ بجھ گیا، تو کسی اور کا چراغ بھی روشن نہیں رہ سکے گا۔

یہ تحریر کسی کتاب یا مضمون کی نہیں…
یہ اُن سب خاموش، تھکے ہوئے مگر روشنی بانٹنے والے اساتذہ کے لیے ہے،
جنہیں ہم نے شاید کبھی سنا نہیں… محسوس نہیں کیا…
مگر جنہوں نے ہمیں زندگی میں کھڑا ہونا سکھایا۔

عزیز دوستو ۔۔۔
آج الحجاز اکیڈمی اپنے کامیاب سفر
کے 42سال مکمل کر رھا ہے ۔
الحجاز اکیڈمی سیکنڈری اسکول کے42 سالہ شاندار تعلیمی سفر میں اج یہ ادارہ ایک مضبوط درخت کی مانند ہے، جس کی جڑیں محنت، قربانی اور خلوص کے پانی سے سیراب ہوئیں۔ اس درخت کو لگانے اور پروان چڑھانے کا سہرا ہمارے محترم بانی مولانا حافظ الحق مرحوم کے سر ہے، جنہوں نے اپنی بصیرت، اخلاص اور محنت سے ایک تعلیمی چراغ روشن کیا، جو آج بھی نسلوں کو علم کی روشنی دے رہا ہے۔

ادارےکے سابقہ اساتذہ کرام جیسے کہ جناب مولانا بھار احمد صاحب، جناب گل محمد مینگل صاحب، جناب شہزاد حسین صاحب، جناب محمد سرور صاحب مرحوم، جناب محمد نذیر صاحب مرحوم، جناب زبیر احمد صاحب، جناب ابرار صاحب، جناب وزیر حسن صاحب، جناب مولانا امداد اللہ صاحب، جناب شمس الرحمن ایڈوکیٹ صاحب، جناب جمیل اختر صاحب ،، جناب ریاض صاحب، جناب یار محمد صاحب، جناب شیربھادر صاحب، جناب نکیر عالم صاحب، جناب سیف الرحمن اور کئ دیگر مرد و خواتین اساتذہ، کرام نے نہ صرف علم فراہم کیا بلکہ کردار کی تعمیر، اخلاق کی آبیاری اور حوصلے کی توانائی دی۔

ان عظیم اساتذہ نے اپنی زندگی کے قیمتی لمحات طلبہ کی تعلیم و تربیت کے لیے وقف کیے، اور اپنی محنت و لگن سے اس ادارے کو کامیابی کی منزلوں تک پہنچایا۔

ہم ان مرحوم و حاضر اساتذہ کی خدمات کو کبھی فراموش نہیں کر سکتے۔ ان کی دعائیں، تربیت اور قربانیاں ہمارے لیے ہمیشہ مشعلِ راہ رہیں گی۔ ہم دعا گو ہیں کہ اللہ تعالیٰ مرحومین کو جنت الفردوس میں اعلیٰ مقام عطا فرمائے اور حاضر اساتذہ کو صحت، خوشی اور مزید کامیابیوں سے نوازے۔

یہ 42 سالہ سالگرہ دراصل ان سب عظیم ہستیوں کے لیے شکریہ اور خراجِ تحسین ہے، جنہوں نے اس علمی چراغ کو روشن رکھا اور آنے والی نسلوں تک اس کی روشنی پہنچائی۔

طالب دعا ؛ فضل قیوم۔

اُستاد اور شاگرد کا رشتہ اعتماد، محبت، عزت اور اخلاص پر مبنی ہوتا ہے۔ اگر یہ رشتہ مضبوط ہو، تو نہ صرف علم عام ہوتا ہے بلکہ ایک مہذب، باکردار اور روشن خیال معاشرہ بھی تشکیل پاتا ہے۔ ہمیں چاہیے کہ اس رشتے کی قدر کریں اور اسے مضبوط بنانے کی کوشش کریں۔

40th anniversary of Al Hijaz Academy ,💝

During Physics Practical

Free Eye and Ear camp at Al Hijaz Academy
Organized by Selany welfare trust .

Al Hijaz Academy's logo
1986

اے وطن تو سلامت رھے سدا۔۔۔