06/02/2023
ترجمہ:
ابي هريره رضی اللّٰه عنہ سے روایت ہے، کہتے ہیں:
فرمایا رسول اللّٰه صلی اللہ علیہ وسلم نے:
"نہیں قبول کرتا اللّٰه پاک تم میں سے کسی کی نماز اگر اس سے حدث واقع ہوجائے، یہاں تک کہ وہ وضو کرلے۔"
حوالہ: البخاری نمبر (6904)، اور مسلم نمبر (225)۔
مشکل الفاظ:
حدث: حدث سے مراد استنجا والی دونوں جگہوں سے کسی شے کا خارج ہونا (مراد قضائے حاجت سے ہے) یا وضو توڑنے والا کوئی اور عمل۔
حدیث سے کیا اخذ کیا گیا ہے:
1 - یہاں اللّٰه تعالٰی نے نماز پڑھنے والوں کو ہدایت کی کہ جب وہ نماز کا ارادہ کریں تو پہلے اچھی، پاکیزہ اور صاف ستھری حالت اختیار کریں، کیونکہ یہ نماز رب تعالٰی اور اس کے بندے کے درمیان گہرا تعلق ہے، اور یہ نماز اس بندے کی دعاؤں کا راستہ ہے، اس لیے اسے حکم دیا گیا ہے کہ نماز کے لیے وضو اور طہارت اختیار کرے، اور اسے یہ تاکید کی گئی ہے کہ کی نماز وضو کے بغیر قبول نہیں ہوگی۔
2 - نماز اس وقت تک قبول نہیں ہوتی جب تک کہ انسان بڑی اور چھوٹی نجاست سے پاک نہ ہو جائے۔
3 - چھوٹی نجاست: جس سے صرف وضو واجب ہو۔
بڑی نجاست: جس سے غسل واجب ہو جائے۔
02/07/2022
ترجمہ:
امیر المومنین ابو حفص عمر بن الخطاب رضی اللّٰه عنہ سے روایت ہے کہ میں نے رسول اللّٰه صلی اللّٰه علیہ وسلم کو فرماتے ہوئے سنا:
بے شک اعمال کا دارومدار نیتوں پر ہے، اور ہر شخص کو وہی ملے گا جس کی اس نے نیت کی، پس جس نے خدا اور اس کے رسول کے لیے ہجرت کی، تو اس کی ہجرت اللّٰه اور اس کے رسول کے لیے ہی تھی، اور جس نے کسی دنیاوی فائدے کے لیے ہجرت کی تو اسے وہی حاصل ہوگا، یا کسی عورت کے لیے ہجرت کی کہ وہ اس سے شادی کرے، تو پس اس کی ہجرت اس ہی لیے ہے جس کے لیے اس نے ہجرت کی۔
حوالہ: البخاری نمبر (1)، مسلم نمبر 1907۔
حدیث سے کیا اخذ کیا گیا ہے:
1 - اعمال کے اچھے ہونے یا برے ہونے، کامل ہونے یا ناقص ہونے، اطاعت پر یا معصیت (نافرمانی) پر مبنی ہونے کا دارومدار صرف نیتوں پر ہے، پس جس نے اپنے کسی نیک عمل سے ریاکاری (دکھلاوے) کا ارادہ کیا تو اس نے گناہ حاصل کیا، مثلًا جس نے جہاد سے اعلائے کلمۃ اللّٰه کا ارادہ کیا تو اس نے پورا پورا ثواب حاصل کیا، اور جس نے جہاد کی نیت میں مال غنیمت حاصل کرنے کا ارادہ شامل کیا اس نے اپنا ثواب ناقص (آدھا، ادھورا) کیا، اور جس نے صرف مال غنیمت کا ارادہ کیا تو اس پر کوئی گناہ تو نہیں لیکن اسے جہاد کا ثواب بھی نہیں حاصل ہوگا،
پس حدیث سے یہ پتہ چلا کہ ہر عمل چاہے وہ اطاعت کی صورت میں ہو یا نافرمانی کی، نیت میں تبدیلی سے تبدیل ہوتا رہتا ہے۔
2 - نیت عمل کے لیے بنیادی شرط ہے۔
3- نیت کی جگہ دل ہے اور اسے زبان سے کہنا بدعت ہے۔
4- ضروری ہے کہ بچا جائے دکھلاوے، شہرت، یا دنیا کے لئے عمل کرنے سے کیونکہ ان میں سے کوئی بھی چیز عبادت اور اس کے مقصد کو فاسد (خراب) کر دیتی ہے ۔
5- دلوں کے اعمال (خیالات اور نیتوں) کا خیال رکھنا اور ان کا مشاہدہ کرنا ضروری ہے۔
6- شرک کی سرزمین سے اسلام کی سرزمین کی طرف ہجرت کرنا افضل ترین عبادات میں سے ہے اگر اس کا مقصد اللّٰه تعالیٰ کی رضا کے لیے ہو.
02/06/2020
For Quran tuitions (Hifz-o-Nazra) Online or at home contact:⬇
Phone & Whatsapp: +923469151505
Email: [email protected]
