18/09/2026
👈کُلُّ نَفْسٍ ذَائِقَتُہ المَوت (القرآن)
👈اِنَّالِلّٰہِ وَاِنَّآ اِلَیْہِ رَاجِعُوْن
گاؤں کیدام سے غم کی خبر
آج دل شدید اداس اور آنکھیں نم ہیں، ایک انتہائی شفیق اور بزرگ ہستی کا سایہ ہمارے سر سے اٹھ گیا ہے۔ بڑے گہرے دکھ اور رنج کے ساتھ یہ اطلاع دے رہا ہوں کہ ہمارے محترم اور عزیز آدم کاکا اس فانی دنیا کو چھوڑ کر خالقِ حقیقی سے جا ملے ہیں۔آدم کاکا سے جڑی یادیں آج میرے دل و دماغ میں تازہ ہو رہی ہیں۔ سال 2022 میں میری ان سے ایک یادگار ملاقات ہوئی تھی، جہاں ہم نے گھنٹوں ڈھیروں باتیں کی تھیں۔ اس ملاقات میں انہوں نے مجھے ماضی کے جھروکوں سے دیکھتے ہوئے میرے دادا، اور میرے بابا کے بارے میں ایسی خوبصورت باتیں اور قصے سنائے جو میرے لیے کسی سرمائے سے کم نہیں تھے۔ ان کی باتیں سن کر یوں لگتا تھا جیسے پرانا وقت دوبارہ زندہ ہو گیا ہو۔ ان کا خلوص، محبت اور وہ دھیما لہجہ ہمیشہ میرے دل میں زندہ رہے گا۔
