مسجد سیدنا حسین رضی اللہ

🌸 *ششمائی امتحان کے نتائج اور انعامات* 🌸
*الحمدللہ* ! آج *حسین اسلامک سینٹر* میں ششمائی امتحان کے نتائج نہایت خوش اسلوبی کے ساتھ تقسیم کیے گئے۔ اس ششمائی امتحان میں *26 بچوں* نے نمایاں نمبر حاصل کر کے انعامات حاصل کیے اور اپنی بہترین کارکردگی سے سب کے دل خوش کر دیے۔
نمایاں کارکردگی دکھانے والے بچوں کو خوبصورت گھڑیاں بطور تحفہ و انعام پیش کی گئیں، تاکہ ان کی حوصلہ افزائی ہو اور وہ مزید محنت اور لگن کے ساتھ دینی تعلیم میں ترقی کریں۔
اساتذۂ کرام کی محنت، بچوں کی کوشش اور والدین کی دعاؤں کا نتیجہ ہے کہ ہمارے طلبہ نے شاندار کامیابی حاصل کی۔ اسی خوشی کے موقع پر اساتذۂ کرام کی حوصلہ افزائی کے لیے کیش انعامات بھی پیش کیے گئے، جو ان کی انتھک محنت کا اعتراف ہے۔
ہم اللہ تعالیٰ کے حضور دعاگو ہیں کہ
ہمارے بچوں کو دین و دنیا میں کامیاب فرمائے،
انہیں علمِ نافع عطا کرے،
اور والدین کی آنکھوں کی ٹھنڈک بنائے۔
آمین یا رب العالمین
آپ تمام والدین کے تعاون اور دعاؤں کا دل سے شکریہ۔
انشاءاللہ ادارہ اسی جذبے کے ساتھ آپ کے بچوں کی تعلیم و تربیت میں مزید بہتری لاتا رہے گا۔
*حسین اسلامک سینٹر*

*الحمدللہ ثم الحمدللہ!*
آج ہمارے مدرسے *حسین اسلامک سینٹر* کے ہونہار طالبِ علم *حافظ عبداللہ راشد* نے اپنی بیماری کے باوجود مسلسل محنت، لگن اور ثابت قدمی کے ساتھ مکمل حفظِ قرآن کی سعادت حاصل کر لی۔
*ماشاءاللہ!* یہ اللہ تعالیٰ کا بڑا فضل اور والدین و اساتذہ کی دعاؤں اور محنت کا نتیجہ ہے۔
ہم سب کی طرف سے *حافظ عبداللہ راشد* کو دل کی گہرائیوں سے مبارکباد! 🌹
🤲 *دعا ہے:*
اللّٰہ ربّ العزت حافظ عبداللہ کے حفظ کو قبول فرمائے، اس کی صحت میں کامل شفایابی عطا فرمائے، علم و عمل میں برکتیں نازل فرمائے، اور اسے دین و قرآن کی خدمت کا عظیم ذریعہ بنائے۔
اللہ تعالیٰ اس کے والدین کو خوشیاں، آسانیاں اور اجرِ عظیم عطا فرمائے، اور اس کے اساتذہ کی محنت کو شرفِ قبولیت عطا فرمائے۔
یا رب! ہمارے ادارے کو بھی اپنی خاص رحمتوں کا مرکز بنائے۔
*آمین یا رب العالمین۔*

🌸 *الحمدللہ علیٰ کل حال* 🌸
آج *حسین اسلامک سینٹر* (ڈیفنس ویو)، *مدرسہ عمر بن خطاب* (مہران ٹاؤن) اور آن لائن کلاسز کی تمام طالبات و طلبہ کے ششماہی امتحانات بخیر و خوبی منعقد ہوئے۔
*الحمدللہ* ! تقریباً 250 کے قریب طلبہ و طالبات نے بھرپور تیاری، محنت اور سنجیدگی کے ساتھ امتحان میں حصہ لیا۔
اساتذہ کرام کی محنت، والدین کی دعا اور طلبہ کی لگن آج کے امتحانات میں نمایاں نظر آئی۔ 🌿
اللہ تعالیٰ تمام طلبہ و طالبات کو شاندار کامیابی عطا فرمائے،
ان کے نمبرات میں برکت عطا فرمائے،
اور انہیں دین و دنیا دونوں جہانوں میں کامیاب فرمائے۔ آمین 🤲
📘 *نوٹ* :
تمام طلبہ کے لیے دو دن (منگل اور بدھ) کی چھٹی ہوگی۔
جمعرات سے ان شاءاللہ باقاعدہ تعلیم و تدریس کا سلسلہ دوبارہ شروع ہوگا۔
*جزاکم اللہ خیراً کثیراً*
🌺 *حسین اسلامک سینٹر* 🌺

📖 *حفظ کلاس کے نمایاں طلباء کی حوصلہ افزائی* 📖
*الحمدللہ ثم الحمدللہ*
*حسین اسلامک سینٹر* ایک باعزت دینی ادارہ ہے جو قرآن و سنت کی روشنی میں بچوں کے دلوں میں محبتِ قرآن اور خدمتِ دین کا جذبہ بیدار کرنے کے لیے کوشاں ہے۔
اپنے قیام سے آج تک یہ ادارہ تعلیم، تربیت اور اخلاقی اصلاح کے میدان میں نمایاں خدمات انجام دے رہا ہے۔
اسی سلسلے کی ایک خوبصورت کاوش کے طور پر اس ماہ حفظ کلاس کے اُن بچوں کو جنہوں نے اپنی بہترین کارکردگی اور لگن سے نمایاں مقام حاصل کیا،
*خوبصورت گھڑیوں سے نوازا گیا۔* ⏱️
یہ انعامات *محترم مہتمم قاری عزیز محمد صاحب* نے اپنے دستِ مبارک سے عطا فرمائے اور بچوں کے لیے خوبصورت دعائیں کیں۔ 🌿
اللّٰہ تعالیٰ ان ننھے طلباء کو پورے قرآنِ کریم کا حافظ بنائے، ان کے سینوں کو نورِ قرآن سے منوّر فرمائے،
ان کے والدین کے لیے انہیں آنکھوں کی ٹھنڈک اور دل کا سکون بنائے،
اور دونوں جہانوں میں عزت و کامیابی عطا فرمائے۔ 🤲
اللّٰہ تعالیٰ ان کے گھروں میں برکت، راحت اور سکون نازل فرمائے،
اور جو احباب و معاونین ادارے کے ساتھ تعاون کرتے ہیں،
اللّٰہ تعالیٰ ان کے رزق، عمر اور اعمال میں بے پناہ برکت عطا فرمائے،
اور ان کے لیے یہ عمل صدقۂ جاریہ بنائے۔
🌸 *جزاکمُ اللّٰہُ أحسنَ الجزاء* 🌸
*حسین اسلامک سینٹر*

🕌 *کارگزاری*
📌 *جامع مسجد سیدنا حسین*
*جامع مسجد سیدنا حسین* ہمیشہ سے نمازیوں کی دینی و اصلاحی فکر کا مرکز رہی ہے۔ یہاں وقتاً فوقتاً مختلف دینی و تربیتی پروگرام منعقد کیے جاتے ہیں تاکہ عوام الناس کو قرآن و سنت کی روشنی میں بہتر زندگی گزارنے کی ترغیب دی جا سکے۔ ربیع الاول کے موقع پر ایک شاندار *سیرت النبوی ﷺ* کانفرنس کا انعقاد کیا گیا، جس میں:
قراء کرام نے دلنشین تلاوت کی۔
علماء کرام نے سیرتِ *رسول ﷺ* پر پُر اثر اور اصلاحی بیانات فرمائے۔
معروف نعت خواں حضرات نے *حضور ﷺ* کی بارگاہ میں عقیدت کے پھول نچھاور کیے۔
اس کے ساتھ ساتھ ہر اتوار کو مسجد میں *سیرت النبوی ﷺ* کے سلسلہ وار بیانات کا آغاز کیا گیا ہے، جس میں *رسول اکرم ﷺ* کی ابتدائی زندگی سے لے کر مکمل سیرت کو مرحلہ وار بیان کیا جا رہا ہے۔
مزید برآں، اس ماہ ایک خصوصی عمرہ ورکشاپ کا بھی اہتمام کیا گیا، جس میں *المعلم ٹریول* کے بانی *حضرت مفتی فرقان صاحب* نے نہایت خوبصورت اور مؤثر انداز میں مناسکِ عمرہ کی عملی تربیت دی۔
📌 *حسین اسلامک سینٹر*
*حسین اسلامک سینٹر* ایک دینی و تعلیمی ادارہ ہے جہاں بچوں کو:
قاعدہ، ناظرہ، اور حفظ قرآن کریم کی تعلیم دی جاتی ہے۔
اس کے ساتھ ساتھ ان کی کردار سازی اور عملی تربیت پر بھی خصوصی توجہ دی جاتی ہے تاکہ یہ بچے آگے چل کر باعمل اور ذمہ دار مسلمان بن سکیں۔ ربیع الاول کے موقع پر یہاں بھی *سیرت النبوی ﷺ* پروگرام منعقد کیے گئے، جن میں:
بچوں نے سیرت کے موضوعات پر حصہ لیا۔
شجرہ نسب یاد کر کے سنایا۔
سوال و جواب کے سیشن رکھے گئے۔
نمایاں کارکردگی پر بچوں کو انعامات دیے گئے۔
ایسے تربیتی پروگرام ادارے کی مستقل روایت ہیں، جو بچوں میں دین سے محبت اور سیرتِ *رسول ﷺ* کی پیروی کا جذبہ پیدا کرتے ہیں۔

📌 *حسین ٹرسٹ*
*حسین ٹرسٹ* ایک فلاحی ادارہ ہے جو اپنے وسائل اور مخیر حضرات کے تعاون سے مستحقین کی خدمت میں مصروف ہے۔
ہر ماہ 25 سے زائد گھرانوں کو باعزت طریقے سے راشن فراہم کیا جاتا ہے۔
غریب و نادار مریضوں کی مدد کے لیے علاج اور ادویات کی مد میں مالی مدد کی جاتی ہے۔
فلسطین کے مظلوم مسلمانوں کی امداد میں بھی بڑھ چڑھ کر حصہ لیا جا رہا ہے، جہاں پانی، کھانے اور دیگر ضروری اشیاء فراہم کی جا رہی ہیں۔
یہ تمام خدمات اللہ تعالیٰ کے فضل اور اہلِ خیر حضرات کے تعاون سے جاری ہیں۔
🤝 آپ بھی اس کارِ خیر میں شامل ہو کر صدقہ جاریہ کا حصہ بن سکتے ہیں۔
📞 مزید معلومات یا تعاون کے لیے رابطہ کریں: *03218282199*

🌸 *ربیع الاول اور سیرتِ رسول ﷺ پروگرام* 🌸
*الحمدللہ!*
مدرسہ حسین اسلامک سینٹر میں آج ایک پُر نور اور بابرکت پروگرام کا انعقاد کیا گیا جس کا مقصد بچوں کے دلوں میں *حضور نبی کریم صلی اللہ علیہ وسلم* کی محبت اور سیرتِ طیبہ کو اجاگر کرنا تھا۔
اس پروگرام میں بچوں نے بڑے شوق اور محنت سے *حضور صلی اللہ علیہ وسلم* کا شجرۂ نسب اور ازواجِ مطہرات رضی اللہ عنہنَّ کے اسمائے مبارکہ یاد کرکے سنائے۔ جن بچوں نے یہ سب کچھ صحیح اور خوبصورتی کے ساتھ سنایا، ان کی حوصلہ افزائی کے لیے انہیں انعامات بھی دیے گئے۔
*اللہ تعالیٰ* ان تمام بچوں کو دین و دنیا میں کامیابیاں عطا فرمائے، ان کے علم میں برکت دے اور ہمارے ادارے کو مزید ترقی اور برکت عطا فرمائے۔
چونکہ یہ بابرکت مہینہ ربیع الاول ہے، اس موقع پر مدرسہ حسین اسلامک سینٹر نے اسی مناسبت سے مختلف تعلیمی و تربیتی پروگرام ترتیب دیے ہیں تاکہ بچوں میں *حضور اکرم صلی اللہ علیہ وسلم* کی سیرت کا شعور اور محبت مزید پروان چڑھے۔

*اللّٰهُمَّ صَلِّ عَلٰی مُحَمَّدٍ وَعَلٰی آلِ مُحَمَّد*
*جزاکم اللہ خیراً*

***حسین اسلامک سینٹر***
***سیرت النبی کانفرنس ***