Qur'an Teachings

رب الرحمھما کما رب ینی صغیرہ

غزہ میں جاری سخت سردی اور امدادی پابندیوں کے باعث انسانی بحران خطرناک حد تک بڑھ چکا ہے۔
ڈاکٹرز ودآؤٹ بارڈرز (MSF) نے اسرائیل سے مطالبہ کیا ہے کہ وہ فوری طور پر غزہ میں زندگی بچانے والی امداد داخل ہونے دے، کیونکہ سرد موسم کے باعث بچے ٹھٹھر کر جان کی بازی ہار رہے ہیں۔
طبی اداروں کے مطابق حالیہ دنوں میں کم از کم تیرہ افراد سردی اور مناسب پناہ گاہوں کی عدم دستیابی کے باعث جاں بحق ہو چکے ہیں، جن میں دو ہفتے اور ایک ماہ کے معصوم بچے بھی شامل ہیں۔
متاثرہ خاندان خستہ حال خیموں میں رہنے پر مجبور ہیں، جہاں نہ مناسب کمبل ہیں، نہ گرم کپڑے اور نہ ہی دوائیں دستیاب ہیں۔
ایم ایس ایف کا کہنا ہے کہ اسرائیلی پابندیوں کے باعث ادویات، ایندھن اور طبی سامان کی شدید قلت پیدا ہو چکی ہے، جس سے اسپتالوں اور فیلڈ کلینکس کا کام تقریباً مفلوج ہو گیا ہے۔
ڈاکٹروں کے مطابق اگر فوری طور پر امداد نہ پہنچی تو مزید بچے اور بزرگ سردی کا مقابلہ نہیں کر پائیں گے۔
ادھر انسانی حقوق کے اداروں نے خبردار کیا ہے کہ امداد کو روکنا بین الاقوامی قوانین کی سنگین خلاف ورزی ہے، کیونکہ عام شہریوں کو اجتماعی سزا دی جا رہی ہے۔
غزہ میں رہنے والے لاکھوں بے گھر افراد اس وقت سردی، بھوک اور بیماری کے درمیان زندگی کی جنگ لڑ رہے ہیں۔
یہ بحران محض اعداد و شمار نہیں بلکہ ہر اُس ماں کی چیخ ہے جو اپنے بچے کو سردی سے بچا نہیں پا رہی۔
دنیا کی خاموشی اس المیے کو مزید گہرا کر رہی ہے۔