Al-Barr Academy البر اکیڈمی

17/09/2026

11/09/2026

10/09/2026

*خاندان کی اصل طاقت؛ محبت اور اتحاد*
بسم اللّٰہ الرحمن الرحیم
السلام علیکم و رحمۃ اللّٰہ وبرکاتہ
ایک مضبوط خاندان وہ نہیں جہاں کبھی اختلاف نہ ہو؛ بلکہ وہ ہے جہاں اختلاف کے باوجود رشتے، احترام اور خیرخواہی باقی رہیں۔ *اللّٰہ تعالیٰ فرماتے ہیں*
*وَاعْتَصِمُوا بِحَبْلِ اللّٰهِ جَمِيعًا وَلَا تَفَرَّقُوا* ’’سب مل کر اللّٰہ کی رسی کو مضبوطی سے تھام لو اور تفرقے میں نہ پڑو۔‘‘ (آل عمران: 103) اور *نبی کریم ﷺ نے مسلمانوں کے باہمی تعلق کو ایک جسم سے تشبیہ دیتے ہوئے فرمایا کہ جب جسم کا ایک عضو تکلیف میں ہوتا ہے تو پورا جسم اس کی تکلیف میں شریک ہوتا ہے* (صحیح بخاری: 6011، صحیح مسلم: 2586) خاندان میں محبت پیدا کرنے کے لیے ضروری نہیں کہ ہر شخص ہر بات میں متفق ہو؛ ضروری یہ ہے کہ اختلاف کو دشمنی نہ بنایا جائے، غلطی کو ناقابلِ معافی نہ سمجھا جائے اور معمولی بات کو انا کا مسئلہ نہ بنایا جائے۔ ایک دوسرے کی عزت، بزرگوں کا احترام، چھوٹوں پر شفقت، ضرورت مند کی مدد اور غم و خوشی میں شرکت۔۔۔ یہی وہ چیزیں ہیں جو خاندان کو خاندان بناتی ہیں۔ گھر دیواروں سے نہیں، دلوں کے جڑنے سے بنتا ہے؛ اور خاندان خون کے رشتے سے نہیں، محبت و وفا سے مضبوط ہوتا ہے۔ *یا اللّٰہ!* ہمارے گھروں اور خاندانوں میں ایمان، محبت، سکون، اتفاق اور برکت عطا فرما، دلوں کو جوڑ دے اور ہمیں ایک دوسرے کے حقوق ادا کرنے کی توفیق عطا فرما۔ آمین ثم آمین۔ محتاجِ دعا: احقر محمد سیف البر سکرگاہی
من بیت البر گلشن اقبال،کراچی،پاکستان