Reads Educational System

ریڈز اسکول کی جماعت ہفتم کے طالب علم محمد عاصم بن محمد فیاض نے 35 نیشنل گیمز میں شطرنج کے مقابلے میں اپنے اسکول کی نمائندگی کرتے ہوئے دوم پوزیشن حاصل کی اور اپنے اور اپنے اسکول کے لئے فخر کا باعث بنے۔
محمد عاصم کا نیشنل لیول پر سلور میڈل حاصل کرنا اس بات کی علامت ہے کہ ہمارے بچوں میں بہت ٹیلنٹ موجود ہے بس انہیں مواقع دینے کی ضرورت ہے۔ ریڈز اسکول ہمیشہ سے ہم نصابی سرگرمیوں میں اپنے بچوں کو مواقع فراہم کئے ہیں اور آئندہ بھی انشاءاللہ اس سے بھی بڑے پلیٹ فارم پر اپنے ادارے کا نام فخر سے بلند کریں گے ۔

محترم والدین
موسم سرما شروع ہو چکا ہے اور سردی کی شدت میں دن بدن اضافہ ہوتا جا رہا ہے لہذا اپنے بچوں کو صبح اسکول آتے وقت سویٹر ، کوٹ , بنیان یا جرسی وغیرہ پہنا کر بھیجیں۔
کوشش کریں کہ نیلے رنگ کا سویٹر ہو لیکن اگر نیلے رنگ کا سویٹر نہ ہو تو کسی بھی رنگ کا سویٹر ، بنیان ، یا کوٹ پہنا کر بھیج دیں اسکول کو اس پر کوئی اعتراض نہیں ہو گا۔
شکریہ

ریڈز اسکول میں جاری سال 26-2025 کے ششماہی امتحانات شروع ہو چکے ہیں۔
اللہ تعالیٰ تمام بچوں اور والدین کی محنت کو قبول فرمائے اور تمام بچوں کو کامیاب فرمائے ۔

یوم اقبال میں حصہ لینے والے طلباء کو ریڈز اسکول کے اساتذہ انعامات پیش کر رہے ہیں۔

آج بروز جمعہ مورخہ 7 نومبر کو ریڈز اسکول کے بچوں کے لئے 'یوم اقبال ' کی مناسبت سے پروگرام رکھا گیا جس میں بچوں نے تقاریر ، نظمیں ، قرات، نعتیں اور ترانے پیش کئے اور اپنی بھرپور صلاحیتیں دکھائیں۔
پروگرام کے بعد ریڈز اسکول کے پرنسپل سر دانیال حسین بچوں سے مخاطب ہوئے اور بچوں کے تزکیہ کا باعث بنے ساتھ ہی آج کے پروگرام کے مہمان خصوصی 'ٹیچر ڈیولپمنٹ سوسائٹی' کے زمہ داران قاری محمد علی اور مفتی خالد ہارون نے خصوصی شرکت کی اور طلبہ سے مخاطب ہوئے۔
پروگرام میں حصہ لینے والے طلباء کو آخر میں انعامات سے بھی نوازا گیا اور اس دعا کے ساتھ اس خوبصورت محفل کا اختتام ہوا کہ اللّٰہ تعالیٰ ہمارے بچوں کی صلاحیتوں میں دن دگنی رات چوگنی ترقی عطا فرمائے (آمین)

حصہ اول: استاد کا جذبہ اور بے چینی
کبھی آپ نے کلاس روم میں بیٹھ کر غور کیا ہے؟
سامنے بیٹھا استاد بول رہا ہوتا ہے ....
آواز میں علم بانٹنے کی لگن چہرے پر سنجیدگی اور آنکھوں میں ایک خاموش تھکن ایسی تھکن جو کسی کتاب میں درج نہیں، کسی رپورٹ میں لکھی نہیں جاتی۔ ...
یہ تھکن صرف صبح سویرے اٹھنے یا مسلسل لیکچرز دینے کی نہیں ... یہ اُس وقت جنم لیتی ہے جب
۔ استاد دن بھر بچوں کو پڑھائے، اور آخر میں کوئی شکایت اس کے حصے میں آ جائے۔
۔ وہ اپنے ذاتی دکھ پَس پُشت ڈال کر دوسروں کے خواب سنوارنے نکلے۔
۔ کوئی شاگرد کامیاب ہو تو سب تالیاں بجائیں، مگر استاد کا ذکر تک نہ ہو۔
کبھی کبھی وہ خود کسی کرب تکلیف و بے چینی میں ہوتا ہے گھر کی پریشانی، بچوں کی فیس والدین کی دوا یا دل کا بوجھ
لیکن وہ سب چھپا کر مدرسے آتا ہے، مسکراتا ہے، اور پڑھانا شروع کر دیتا ہے... جیسے کچھ ہوا ہی نہیں
کیا یہ سب صرف تنخواہ کے لیے ہوتا ہے؟
نہیں ... یقین جانئیے استاد کا جذبہ کاغذی نوٹ سے کہیں آگے ہے۔
وہ چاہتا ہے کہ اس کی کلاس کا ہر بچہ کامیابی کی چوٹی چھوئے۔
حصہ دوم: دل کی تھکن اور روشنی کا سفر
.. جو شاید خود استاد نہ بن سکا۔
کبھی آپ نے کسی استاد کو خاموش بیٹھے دیکھا ہے؟ ....
ممکن ہے وہ تھک چکا ہو ...
ممکن ہے اس کی محنت کو نظر انداز کیا گیا ہو ...
ممکن ہے وہ نیا علم دینا چاہتا ہو، مگر نظام نے اسے باندھ دیا ہو۔
یہ تھکن جسم میں نہیں، دل میں اترتی ہے
پھر بھی استاد ہار نہیں مانتا۔
وہ روز نئے حوصلے سے کلاس میں آتا ہے - اس امید پر کہ شاید آج کا دن کسی بچے کی زندگی بدل دے۔
اگر ہم چاہتے ہیں کہ ہمارے بچوں کا مستقبل روشن ہو تو ہمیں پہلے اُن ہاتھوں کا خیال رکھنا ہوگا جو انہیں روشنی تک پہنچاتے ہیں۔
استاد کو صرف کام کرنے والا نہ سمجھیں. وہ بھی انسان ہے، جذبات رکھتا ہے، کمزوریاں رکھتا ہے، اور سب سے بڑھ کر ایک دل رکھتا ہے، جو چاہتا ہے کہ کوئی اس کی بات سنے اس کی تھکن محسوس کرے، اور کبھی کبھار بس ایک شاباش دے دے ... کیونکہ ...
اگر استاد کا جذبہ بجھ گیا تو کسی اور کا چراغ روشن نہیں رہ سکے گا.
یہ تحریر کسی کتاب یا مضمون کی نہیں یہ ان سب خاموش تھکے ہوئے مگر روشنی بانٹنے والے، اساتذہ کے لیے ہے
جنہیں ہم نے شاید کبھی سنا نہیں ... محسوس نہیں ... کیا مگر جنہوں نے ہمیں زندگی میں کھڑا ہونا سکھایا....
حصہ سوم: طالب علم کے نام پیغام
اے طالب علم
عام حالات پر بسر کی زندگی تو نے تو کیا
کچھ تو کر ایسا کہ عالم بھر میں افسانے رہے
تحریر نامہ

کھیل کھیل میں تربیت 🌱🌱
ریڈز کوچنگ سینٹر کے طلباء اور اساتذہ کا آپس میں دوستانہ کرکٹ میچ ہوا۔ یہ کھیل صرف کرکٹ کا کھیل ہی نہیں بلکہ طلبہ کی آپس میں محبت اور بھائی چارہ سکھانے کی تربیت تھی جس میں باقاعدہ درس قرآن ہوا اور آپس میں محبت و بھائی چارہ قائم کرنے پر سر دانیال حسین نے بہترین گفتگو کی۔

ریڈز کوچنگ سینٹر کے طلبہ کے لئے ماہانہ درس 💝🌱

الائنس آف پرائیوٹ اسکول سندھ کے تحت آل کراچی قرات، نعت ، تقریر و کوئز (بعنوان: ختم نبوت ، شعور و آگاہی پیغام ) کے مقابلے ہوئے۔ جس میں ریڈز اسکول کی طرف سے جماعت پنجم کے طالب علم 'معاویہ بن احمد شاہ' نے اپنے اسکول کی نمائندگی کرتے ہوئے تقریر میں تیسری پوزیشن حاصل کی اور ثابت کیا کہ اگر ہمارے بچوں کو مواقع ملیں تو وہ اپنی قابلیت ہر ہر میدان میں ثابت کر سکتے ہیں۔
کراچی کے ہزاروں طالب علموں نے اس پروگرام میں شرکت کی اور سب بچوں نے اپنی بھرپور صلاحیت دکھائی، ایسے طلباء بھی ان میں موجود ہونگے جن کے پاس ہر طرح کی آسانیاں، بہترین علمی ماحول، اعلیٰ درجے کے اساتذہ اور ہر قسم کی جدید سہولیات موجود ہوں گی لیکن ان سب کے باوجود پرانی سبزی منڈی کے ایک کم سن بچے کا کراچی لیول پر تیسری پوزیشن حاصل کرنا نہایت ہی خوش آئند بات ہے ۔
ریڈز اسکول کی انتظامیہ معاویہ بن احمد شاہ کے والدین کو مبارکباد پیش کرتی ہے کہ وہ اپنے اور اپنے ادارے کے لئے فخر کا باعث بنے اور دعا کرتے ہیں اللہ تعالیٰ آنے والے ہر امتحان اور ہر مقابلوں میں ہمیشہ کامیابی عطا فرمائے ۔

ریڈز کوچنگ سینٹر میں بورڈ کے امتحانات کی تیاری کے لئے ہر ماہ ماہانہ ٹیسٹ لئے جاتے ہیں جس میں گزشتہ مہینے میں جو بھی پڑھایا جاتا ہے اس کا ٹیسٹ لیا جاتا ہے۔
الحمدللہ ریڈز کوچنگ سینٹر کے جماعت نہم کے بچے ماہانہ ٹیسٹ دے رہے ہیں 💫💫