HAB Tunio Public Library

15/08/2026

اسان کي اهو اعلان ڪندي خوشي ٿي رهي آهي ته صوفي انسٽيٽيوٽ اي-لرننگ اين جي وي اسڪول سان (MOU) تي دستخط ڪيا آهن.

هن تعاون تحت، اين جي وي اسڪول جا استاد هاڻي اسان جي ڊجيٽل لرننگ پليٽ فارم ذريعي صوفي انسٽيٽيوٽ جي شاگردن لاءِ اي-ڪلاسز هلائيندا.

هی ڀائيچاري اسان جي شاگردن لاءِ معياري تعليم ۽ ڊجيٽل لرننگ جا موقعا وڌائڻ ڏانهن هڪ اهم قدم آهي.

اسان سر نذير تونيو صاحب جي قيادت ۽ هن اقدام کي ممڪن بڻائڻ جي ڪوششن لاءِ سندن دلي ٿورا مڃيون ٿا.

تصوير ۾:
رِضوان شيخ (اي-لرننگ ڪوآرڊينيٽر)
ڪاشف رضا تونيو (سي اي او، صوفي انسٽيٽيوٽ)


Kashif Raza Tunio

Sufi Institute Signs MOU with E-Learning NJV School

We are pleased to announce that Sufi Institute has signed a Memorandum of Understanding with E-Learning NJV School.

Under this collaboration, teachers from NJV School will now conduct E-Classes for the students of Sufi institute through our digital learning platform.

This partnership marks a significant step toward expanding quality education and digital learning opportunities for our students.

We extend our sincere gratitude to Sir Nazir Tunio for his leadership and efforts in making this initiative possible.

Picture:
Rizwan Sheikh (coordinator E-learning)
Kashif Raza Tunio (CEO Sufi Institute)

10/08/2026

ساهتي پرڳڻي لاءِ هڪ ٻيو اعزاز .

ساهتي پرڳڻي جي خانواهڻ ڀرسان قائم ڳوٺ پريل تنيو جي تعليمدان ۽ نامور پروفيسر محمد عارف تنيو صاحب جي نياڻي رباب تنيو علمي ميدان ۾ هڪ وڏي ڪاميابي حاصل ڪئي آھي.

پروفيسر محمد عارف تنيو صاحب پاڻ ڊگهي عرصي تائين گورنمينٽ ڊگري ڪاليج ڪنڊيارو ۾ ليڪچرار کان وٺي ايسوسيئيٽ پروفيسر تائين پنهنجون علمي ۽ تدريسي خدمتون سرانجام ڏئي چڪا آهن. 19هين گريڊ ۾ ترقي ماڻڻ کان پوءِ هن وقت گورنمينٽ ڊگري ڪاليج نوشهروفيروز ۾ پنهنجا فرض نڀائي رهيا آهن.

سندن وڏي نياڻي رباب تنيو جيڪا شاهه عبداللطيف يونيورسٽي خيرپور مان انگريزي ۾ ماسٽرس جي ڊگري حاصل ڪئي.
ان کان پوءِ سنڌ پبلڪ سروس ڪميشن جو امتحان پاس ڪري گورنمينٽ گرلس هائير سيڪنڊري اسڪول نوشهروفيروز ۾ سبجيڪٽ اسپيشلسٽ طور مقرر ٿي، پنهنجيون تدريسي خدمتون سرانجام ڏئي رهي آهي.

هاڻي رباب تنيو پنهنجي قابليت، محنت ۽ علمي صلاحيتن جي بنياد تي آمريڪا جي انتهائي معزز Fulbright FLTA Scholarship حاصل ڪرڻ ۾ ڪامياب ٿي آهي. هن اعزازي پروگرام تحت هوءَ اعليٰ تعليم ۽ تدريسي تربيت جي مقصد سان آمريڪا وڃي رهي آهي، جتي Arizona State University سان لاڳاپيل تدريسي ذميواريون پڻ سرانجام ڏيندي.

هي ڪاميابي رڳو رباب تنيو جي ذاتي ڪاميابي ناهي، پر سندس والدين، خاندان، استادن، ڳوٺ پريل تنيو، خانواهڻ ۽ سڄي ساهتي پرڳڻي لاءِ فخر ۽ خوشيءَ جو لمحو آهي.

اڄ جي دور ۾ جڏهن علم ۽ تعليم ئي قومن جي ترقيءَ جو بنياد آهن، تڏهن رباب تنيو جهڙين نياڻين جون ڪاميابيون اسان جي نوجوان نسل لاءِ اتساهه ۽ اميد جو روشن پيغام آهن.

رباب تنيو جي هن شاندار علمي ڪاميابيءَ تي کيس، سندس والد محترم پروفيسر محمد عارف تنيو صاحب، سندس والده، سموري خاندان، استادن ۽ سڄي ساهتي پرڳڻي جي علم دوست ماڻهن کي دل جي گهراين سان کوڙ ساريون واڌايون پيش ڪريون ٿا.

30/07/2026

سڀئي شاگرد (اسڪالرشپ بيچ-1 کان بيچ-5 تائين) جن صوفي انسٽيٽيوٽ آف سائنس اينڊ ٽيڪنالاجي مان ڪمپيوٽر ڪورس ڪاميابيءَ سان مڪمل ڪيو آهي، انهن کي هدايت ڪئي وڃي ٿي ته هو پنهنجي سرٽيفڪيٽ لاءِ درخواست جمع ڪرائين.
سرٽيفڪيٽ 15 آگسٽ تي سڀني اهل درخواست ڏيندڙن ۾ تقسيم ڪيا ويندا.

ڊائريڪٽر انسٽيٽيوٽ
ڪاشف رضا

All students( Scholarship Batch-1 to Batch-5) who have successfully completed the Computer Course at Sufi Institute of Science and Technology are required to apply for their certificate.
Certificates will be distributed on *15 August* to all eligible applicants.

*Director Institute*
*Kashif Raza Tunio*

18/07/2026

Grandson of Hakeem Allah Bux Tunio.

01/07/2026

سائين ڪاشف رضا نه صرف هڪ بهترين استاد آهن، پر هڪ بهترين انسان پڻ آهن. هو پنهنجن سڀني شاگردن جو تمام گهڻو خيال رکن ٿا، هر هڪ سان محبت، عزت ۽ شفقت سان پيش اچن ٿا. ساڳئي وقت، هو سڀني استادن سان به نهايت سٺو ورتاءُ ڪن ٿا، جيڪو سندن اعليٰ اخلاق ۽ شاندار شخصيت جو ثبوت آهي.
اسان جي ڳوٺ لاءِ سائين ڪاشف رضا جهڙو استاد هڪ فخر، هڪ اعزاز ۽ هڪ بهترين مثال آهي.
الله پاڪ سائين کي هميشه سلامت، آباد ۽ خوش رکي، سندن علم، عزت ۽ خدمت ۾ وڌيڪ برڪتون عطا فرمائي. آمين.
Regards,
Wakeel Ahmed Tunio

20/06/2026