Dy.Deo Office Tehsil Kamalia

تعلیمی اداروں اور ان کے انتظامی دفاتر میں بنیادی ڈھانچے (Infrastructure) کی بہتری، ایک سازگار اور فعال کام کے ماحول کے لیے انتہائی ضروری ہے۔"اسی سلسلے کو جاری رکھتے ہوئے
​آج13 جون 2026 چیف ایگزیکٹو آفیسر ڈسٹرکٹ ایجوکیشن اتھارٹی ٹوبہ ٹیک سنگھ محترمہ راحیلہ جمیل صاحبہ نےدفتر ڈپٹی ڈسٹرکٹ ایجوکیشن آفیسر (مردانہ) کمالیہ میں برآمدے کا سنگِ بنیاد رکھا۔ یہ اقدام نہ صرف دفتر کی عمارت کو وسعت اور خوبصورتی فراہم کرے گا، بلکہ سائلین، اساتذہ کرام اور دفتری عملے کے لیے شدید موسموں میں ایک بہترین سایہ دار اور آرام دہ جگہ بھی ثابت ہوگا۔
امید ہے کہ یہ تعمیراتی کام اعلیٰ معیار اور مقررہ وقت کے اندر مکمل ہوگا،
District Education Authority, Toba Tek Singh
School Education Department, Government of the Punjab

الوداعی و استقبالیہ تقریب دفتر ڈپٹی ڈسٹرکٹ ایجوکیشن آفیسر مردانہ تحصیل کمالیہ
"الوداع کہنا ہمیشہ بوجھل ہوتا ہے، خصوصاً تب جب رخصت ہونے والی شخصیت مخلص اور محنتی ہو"
مرکز عنایت شاہ کے سابقہ اسسٹنٹ ایجوکیشن آفیسر (مردانہ) جناب محمد عظیم ارشد صاحب کو ان کی گراں قدر تعلیمی و انتظامی خدمات پر دل کی گہرائیوں سے خراجِ تحسین پیش کیا جاتا ہے۔
آپ نے اپنے دورِ تعیناتی میں مرکز عنایت شاہ کے اسکولوں کی بہتری، اساتذہ کی رہنمائی اور تعلیمی معیار کو بلند کرنے کے لیے جو انتھک کوششیں کیں، وہ محکمہ تعلیم کے لیے ایک روشن مثال ہیں۔ آپ کا پیشہ ورانہ رویہ، ماتحت عملے سے شفقت اور فرائض سے مخلصی ہمیشہ یاد رکھی جائے گی۔ ہم آپ کے اگلے تعلیمی سفر بطور اسسٹنٹ کنٹرولر امتحانات کمالیہ یونیورسٹی کے لیے دعاگو ہیں کہ اللہ پاک آپ کو مزید کامیابیوں اور صحت و تندرستی سے نوازے۔
شکریہ جناب محمد عظیم ارشد صاحب!
نئی قیادت اور نئی توانائیاں
ہم اپنے محکمے میں نئے شامل ہونے والے معزز افسران اور عملے کو دل کی گہرائیوں سے خوش آمدید (جی آیاں نوں) کہتے ہیں:
جناب احسان اللہ صاحب (اضافی چارج اسسٹنٹ ایجوکیشن آفیسر، مردانہ مرکز واہگی) آپ کی مرکز واہگی میں بطور AEO تعیناتی پر ہم آپ کو مبارکباد پیش کرتے ہیں۔ ہمیں قوی امید ہے کہ آپ کی علمی قابلیت، متحرک شخصیت اور انتظامی صلاحیتوں کی بدولت مرکز واہگی کے اسکولوں میں تعلیمی و تدریسی سرگرمیاں ایک نئے عزم کے ساتھ آگے بڑھیں گی۔
جناب خالد محمود صاحب (ہیڈ کلرک، دفتر ڈپٹی ڈسٹرکٹ ایجوکیشن آفیسر مردانہ تحصیل کمالیہ) دفتر ڈپٹی ڈسٹرکٹ ایجوکیشن آفیسر (مردانہ) تحصیل کمالیہ میں بطور ہیڈ کلرک آمد پر آپ کو خوش آمدید کہتے ہیں۔ ایک مضبوط دفتری نظام اور بہترین ریکارڈ مینجمنٹ کے لیے آپ کا تجربہ اور مہارت ہمارے مروجہ انتظامی امور کو مزید فعال اور شفاف بنانے میں کلیدی کردار ادا کرے گی۔
ہم سب مل کر تحصیل کمالیہ میں تعلیم کے فروغ، اسکولوں کے مسائل کے حل اور محکمہ کے وقار کو بلند رکھنے کے لیے ایک ٹیم کے طور پر کام کرتے رہیں گے۔ اللہ تعالیٰ آپ سب کا حامی و ناصر ہو۔ (آمین)

اسسٹنٹ ایجوکیشن آفیسرمرکز عنایت شاہ کمالیہ جناب خلیل الرحمن صاحب کے چچا ریٹائرڈ ٹیچر غلام رسول جو کے بقضائے الٰہی سے وفات پا گئے ہیں۔ان کی نماز جنازہ عصر کی نماز کے بعد 6 بجے کمیٹی پارک میں ادا کی جائے گی ۔۔

بسم اللہ الرحمن الرحیم
​محترم اساتذہ کرام!
​السلام علیکم ورحمۃ اللہ وبرکاتہ
​عید الاضحٰی کا بابرکت موقع آپ سب کی زندگیوں میں خوشیاں، سکون اور ڈھیروں برکتیں لے کر آئے۔ اللہ تعالیٰ آپ کی عبادات اور قربانیوں کو شرفِ قبولیت عطا فرمائے اور آپ کے علم و عمل میں مزید برکتیں شامل کرے۔
​ایک استاد معاشرے کا معمار ہوتا ہے، اور آپ کی محنت و لگن قوم کا روشن مستقبل ہے۔ اس پر مسرت موقع پر میری دعا ہے کہ آپ کا یہ تہوار آپ کے گھرانوں کے لیے خوشیوں کا پیغام ثابت ہو۔
​عید الاضحٰی مبارک!
​منجانب:
ڈپٹی ڈسٹرکٹ ایجوکیشن آفیسر (مردانہ)
تحصیل کمالیہ

اسسٹنٹ ایجوکیشن آفیسر مردانہ مرکز کمالیہ سٹی کی جانب سے پرائیویٹ سکولوں کی سخت نگرانی جاری۔ محکمہ تعلیم حکومت پنجاب کی جاری کردہ ہدایات بابت موسم گرما تعطیلات پر سختی سے عمل درآمد جاری۔

شاندار ایک سال! 🌟
ڈپٹی ڈسٹرکٹ ایجوکیشن آفیسر (مردانہ) تحصیل کمالیہ محترم جناب روف بشیر صاحب کو عہدے پر ایک سال مکمل ہونے پر بہت بہت مبارکباد!
​"بہترین قیادت وہی ہے جو اپنی ٹیم کو ساتھ لے کر چلے اور تعلیمی نظام میں مثبت تبدیلی لائے۔"
​محترم ڈپٹی ڈی ای او صاحب نے گزشتہ ایک سال میں اپنی انتھک محنت، بہترین حکمتِ عملی اور مخلصانہ فیصلوں سے تحصیل کمالیہ کے سرکاری اسکولوں اور تعلیمی ڈھانچے کو ایک نئی اور مثبت سمت دی ہے۔ اساتذہ کی عزتِ نفس کی بحالی اور طلبہ کے لیے بہتر ماحول کی فراہمی ان کا خاصہ رہی ہے۔
​اللہ تعالیٰ سے دعا ہے کہ آپ کا یہ تعلیمی اور انتظامی سفر یوں ہی کامیابی کے ساتھ جاری و ساری رہے اور آپ کمالیہ کے روشن مستقبل کی تعمیر میں مزید اہم سنگِ میل عبور کریں۔