01/04/2026
گورنمنٹ ماڈل ہائی سکول شیرگڑھ میں آج رزلٹ ڈے کی تقریب نہایت شاندار انداز میں منعقد ہوئی۔ اس موقع پر طلبہ کی محنت، لگن اور شاندار کارکردگی کو بھرپور انداز میں سراہا گیا۔
نمایاں پوزیشن حاصل کرنے والے طلبہ کو ٹرافیاں اور میڈلز سے نوازا گیا، جبکہ پہلی پوزیشن حاصل کرنے والے بچوں کو خصوصی اور قیمتی تحائف پیش کیے گئے۔ یہ لمحات طلبہ، اساتذہ اور والدین کے لیے باعثِ فخر اور خوشی کا سبب بنے۔
یہ تقریب نہ صرف کامیابیوں کا جشن تھی بلکہ تمام طلبہ کے لیے ایک نئی امید، حوصلہ اور عزم کا پیغام بھی تھی کہ وہ آئندہ بھی اسی محنت اور جذبے کے ساتھ اپنی تعلیمی سفر کو جاری رکھیں۔
گورنمنٹ ماڈل ہائی سکول شیرگڑھ تمام کامیاب طلبہ کو دل کی گہرائیوں سے مبارکباد پیش کرتا ہے اور ان کے روشن مستقبل کے لیے نیک خواہشات کا اظہار کرتا ہے۔
