30/09/2025
سابق فاسٹ باؤلر عبد الرؤف خان 🗣️💥
میں پاکستانی عوام کے سامنے چند سوالات رکھتا ہوں، ہماری سپورٹس اور کرکٹ برباد کر دی گئی مگر کچھ لوگوں کی لاٹریاں کیوں لگی ہوئی ہیں؟
گیری کرسٹن کو T20 ورلڈ کپ کے بعد نکال دیا گیا حالانکہ اس ورلڈ کپ سے چند دن پہلے اس کو appoint کیا گیا تھا۔ محسن نقوی نے تمام اختیارات وہاب ریاض جیسے شخص کو دئیے ہو ئے تھے، سلیکشن یوسف، عبدالرزاق، وہاب ریاض جیسے بھانڈوں نے کی تھی، عامر اور عماد وسیم جیو پر بیٹھ کر پاکستان کرکٹ کا مذاق اڑاتے تھے وہاں سے اٹھا کر انھیں ورلڈ کپ جیسے میگا ایونٹ میں ڈالا گیا، نہ انکی فٹنس تھی نہ فارم، عثمان خان کو یو اے ای سے پکڑ کر لائے، شاداب خان کو بدترین پرفارمنس پر ورلڈ کپ جیسا ایونٹ عنایت کیا۔وہاب ریاض سلیکٹر بھی تھا اور ایک عہدہ اسسٹنٹ مینیجر کا تخلیق کیا گیا اس کو نوازنے کیلئے۔
مجھے بتائیں اس میں گیری کرسٹن کا کیا قصور تھا۔ عاقب جاوید جیسوں نے اسکے خلاف سازش تیار کی، محسن نقوی نے گیری کرسٹن جیسے highly educated, visionary ماسٹر کوچ کو نکال کر عاقب جاوید اظہر محمود جیسے میٹرک پاس مسخروں کے ہاتھ میں کرکٹ تھما دی۔ پانچ مینٹور ساٹھ ساٹھ لاکھ روپے ماہانہ تنخواہ پر رکھ لئے،وہاب ریاض کو مینٹورز کا بھی ہیڈ لگا دیا۔ جن کے پاس نہ ایجوکیشن ہے نہ سوچ اور نہ عقل۔ اب رزلٹ آپکے سامنے انتہائی ناقص اور شرمناک ترین نکل رہے ہیں اور بار بار ملک کو شرمندگی کا سامنا ہے، تو سوال یہ ہے کہ یہ کیوں پی سی بی میں بیٹھے ہیں، کون ان کے پیچھے ہے، کس کی سفارش سے یہ کرکٹ کا خون چوس رہے ہیں، یہ کیوں نہیں نکالے جا رہے باوجود شرمناک ترین شکستوں کے۔
جواب خود ڈھونڈ لیں۔
