Apna pothwer

09/09/2026

فیضان علی شہید تعزیتی کانفرنس ( منعقدہ شاہ مقیم شادی ہال مین بائی پاس روڈ نزد الائیڈ سکول کلرسیداں) سے وقاص کیانی ایڈووکیٹ کا اظہارِ خیال
یاد رہے وقاص کیانی فیضان علی شہید کا کیس فی سبیل للّٰہ لڑ رہے ہیں

08/09/2026

06/09/2026

کلر سیداں مدرسہ تشدد کیس میں جاں بحق ہونے والے 9سالہ بچے فیضان کا قاتل مولوی ثنا اللہ اور دیگر سہولتکار علاقہ مجسٹریٹ کلر سیداں مہر النساء کی عدالت میں پیش،پولیس نے ملزمان کے جسمانی ریمانڈ کی استدعا کی جو ملزمان کو مزید 5 دن جسمانی ریمانڈ پر پولیس کے حوالے کر دیا گیا۔مدعی مقدمہ کی طرف سے وقاص کیانی ایڈوکیٹ پیش ہوئے جو مدعی کا مقدمہ فی سبیل اللہ لڑ رہے ہیں

05/09/2026

اللّٰہ توبہ معصوم فیضان کی پیٹھ پر جو تشدد کیے گئے کچھہ بھی نہیں اگر بچے کی ٹانگیں آپ لوگ دیکھ لیں آپ لوگ خون کے آنسو روئیں اللّٰہ تشدد کرنے والے اور پردہ ڈالنے والے تمام سہولت کاروں کو تباہ برباد کرے آف ظالمو

05/09/2026

کلر سیداں: مدرسہ تشدد کیس میں شہید 9 سالہ بچے فیضان کے قاتل مولوی ثناء اللہ اور دیگر سہولت کار علاقہ مجسٹریٹ کلر سیداں مہر النساء کی عدالت میں پیش ،

پولیس نے ملزمان کے مزید جسمانی ریمانڈ کی استدعا کی، جس پر عدالت نے ملزمان کو 5 روزہ جسمانی ریمانڈ پر پولیس کے حوالے کر دیا۔
مدعی مقدمہ کی جانب سے وقاص کیانی ایڈووکیٹ عدالت میں پیش ہوئے، جو فیضان کے اہلِ خانہ کی جانب سے فی سبیل اللہ مقدمہ لڑ رہے ہیں۔

05/09/2026

کلر سیداں مدرسہ تشدد کیس: 10 سالہ فیضان کی ہلاکت کے مقدمے میں ملزمان مزید 5 روزہ جسمانی ریمانڈ پر پولیس کے حوالے
کلر سیداں مدرسہ تشدد کیس میں جاں بحق ہونے والے 10 سالہ فیضان کے مقدمے میں نامزد ملزمان کو علاقہ مجسٹریٹ مہر النساء کی عدالت میں پیش کیا گیا۔
پولیس نے مزید تفتیش کے لیے ملزمان کے جسمانی ریمانڈ کی استدعا کی، جسے عدالت نے منظور کرتے ہوئے انہیں مزید 5 روز کے لیے پولیس کے حوالے کر دیا۔
مدعی مقدمہ کی جانب سے وقاص کیانی ایڈووکیٹ عدالت میں پیش ہوئے، جو مقدمے کی پیروی فی سبیل اللہ کر رہے ہیں۔
نوٹ: مقدمہ زیرِ سماعت ہے، اس لیے ملزمان سے متعلق حتمی فیصلہ عدالت کرے گی۔
کلر سیداں نیوز ٹایمز

04/09/2026

اہلیانِ جنوبی کھناہدہ اور اس روڈ پر سفر کرنے والے ہر شخص سے اہم گزارش
تمام اہلِ علاقہ سے گزارش ہے کہ اس پوسٹ کو زیادہ سے زیادہ شیئر کریں اور متعلقہ افراد سے ضرور پوچھیں کہ گاؤں کی نکاسیٔ آب کے نظام کے ساتھ یہ کام کس نے کیا اور کیوں کیا؟
گاؤں کی نکاسیٔ آب کے پائپ، جو سرکاری روڈ کے اندر بچھائے گئے ہیں اور میلاد چوک سے لے کر نیچے گراؤنڈ تک نکاسیٔ آب کا نظام موجود ہے، انہیں سرکاری روڈ پر مٹی ڈال کر آخر کس کے حکم پر بند کیا گیا؟
جب سڑک کے ساتھ نکاسیٔ آب کے لیے نالہ بھی موجود ہے تو پھر گاؤں کے نکاسیٔ آب کے پائپ بند کرنے کی کیا ضرورت پیش آئی؟
مزید تشویش کی بات یہ ہے کہ میلاد چوک سے آنے والے نالے پر مبینہ طور پر دکان بھی تعمیر کر دی گئی ہے، جس کی وجہ سے گاؤں کے پانی کے بہاؤ میں رکاوٹ پیدا ہو رہی ہے۔ نتیجتاً پانی سڑک پر آ رہا ہے اور ہر آنے جانے والے راہگیر کو شدید مشکلات کا سامنا کرنا پڑ رہا ہے
اہم سوالات یہ ہیں:
🔹 یہ پائپ کس نے بند کیے؟
🔹 کس کے حکم پر بند کیے گئے؟
🔹 سرکاری راستے اور نکاسیٔ آب کے نظام کو بند کرنے کی اجازت کس نے دی؟
🔹 اگر یہ سرکاری راستہ اور گاؤں کے نکاسیٔ آب کا نظام ہے تو کسی کو اپنی مرضی سے اسے بند کرنے کا اختیار کس نے دیا؟
ہماری بااختیار متعلقہ اداروں اور ذمہ دار حکام سے گزارش ہے کہ اس معاملے کا فوری نوٹس لیا جائے، موقع کا معائنہ کیا جائے، نکاسیٔ آب کا راستہ بحال کیا جائے اور سڑک پر کھڑے پانی کا مسئلہ حل کیا جائے
ساتھ ہی ستھرا پنجاب کے ذمہ داران سے بھی گزارش ہے کہ سڑک پر جمع گندگی اور پانی کی صفائی کا فوری انتظام کیا جائے تاکہ اہلِ علاقہ اور راہگیروں کو درپیش مشکلات ختم ہو سکیں
یہ کسی ایک شخص کا نہیں بلکہ پورے گاؤں کے بنیادی نکاسیٔ آب اور عوامی آمدورفت کا مسئلہ ہے
تمام اہلِ علاقہ سے اپیل ہے کہ آواز اٹھائیں، پوسٹ کو زیادہ سے زیادہ شیئر کریں اور ذمہ دار اداروں تک یہ مسئلہ پہنچانے میں اپنا کردار ادا کریں
ہم کسی پر الزام نہیں لگا رہے، صرف یہ چاہتے ہیں کہ حقیقت سامنے آئے اور عوام کو اس مسئلے سے نجات ملے۔