Homeschool Advance

22/06/2025

گریڈ 3 اور 4 میں جب چھے ہندسوں والے نمبروں سے پالا پڑتا ہے تو ایک ٹاپک سامنے آتا ہے Number names کا۔۔

اب کہیں پہ lac لکھا نظر آئے گا اور کہیں پہ Hundred thousand... بچے کنفیوز ہوتے ہیں کہ کس کو فالو کرنا ہے؟

ہمارے Pakistani place value system میں چھٹے نمبر کو lac پڑھا جاتا ہے جبکہ International place value system میں Hundred thousand...

بہتر ہے کہ ابتداء انٹرنیشنل سسٹم سے کروائیں جب بچوں کا کانسیپٹ بن جائے تو لوکل سسٹم انٹروڈیوس کروا دیں۔۔

نوٹ: ہمارے ملک کی یکساں تعلیمی نصاب کے مطابق جو میتھس کی ٹیکسٹ بکس بنائ گئی ہیں زیادہ تر میں دونوں سسٹمز کو شامل کیا گیا ہے۔

05/03/2025

کمپیوٹر پڑھانے کی نہیں بلکہ سکھانے کی چیز ہے۔
مثال کے طور پہ جو موبائل ہم استعمال کرتے ہیں اس کے فنکشنز ہمیں کسی نے نہیں پڑھائے ، روز استعمال کرتے کرتے خود ہی سیکھ جاتے ہیں ۔ یہ ہی حال لیپ ٹاپ یا کمپیوٹر کا بھی ہے جس کو روزانہ کچھ وقت دیا جائے تو کافی کچھ سیکھا جا سکتا ہے۔

27/08/2024

اگر بچہ گریڈ 5 یا 6 میں ہے تو tenses اور creative writing کے لئے یہ ایک بہترین کتاب ہے۔۔ یہ اسٹوڈنٹ بک ہے اس کے ساتھ ایک ورک بک بھی ملے گی۔ کسی بھی دکان سے لے لیں لیکن گھر پہ لازمی کروائیں ۔۔۔ اس کو مکمل کرنے کے بعد بچوں کی انگلش میں بہت improvement نظر آتی ہے👌

20/08/2024

انگلش گرامر کا بہت ہی سادہ سا اصول ہے کہ اگر verb + ing ہو گا تو اس سے پہلے is, am ,are ,was ,were میں سے ہی کوئ helping verb لگے گا۔۔۔
اس طرح یہ progressive tense بن جاتا ہے یعنی کوئ کام ہو رہا ہے یا پہلے کچھ وقت کے لئے ہوتا رہا ہے۔

12/08/2024

ون کے بچوں کی اردو کی کتاب لازمی چیک کریں ،اگر ان کے لیول سے بہت اوپر کے الفاظ اور جملے لکھے ہوں تو کتاب سائڈ پہ رکھ دیں۔۔ ایسی کتاب وہ پڑھ بھی لیں گے تو یہ رٹہ کہلائے گا۔۔۔
بہتر ہے کہ سارے اہم ٹاپکس کی لسٹ بنائیں، انھیں وائٹ بورڈ اور ورک شیٹس کے ذریعے پریکٹس کرائیں اور جب کچھ بہتری آ جائے تو کتاب پہ چلے جائیں۔
#اردو

12/08/2024

سوال: اسلامیات کی کون سی کتاب لیں جسے بچہ خود پڑھ کے سمجھ بھی سکے ، سوال/جواب بھی خود کر لے اور جو مستقبل میں کام بھی آئے ؟

جواب : نیلما کنول صاحبہ کی اسلامک اسٹڈیز کی بکس سب سے بہترین چوائس ہیں، کیسے؟؟؟
سب سے پہلے تو یہ کہ یہ کتابیں بہت آسان انداز میں تصاویر کے ساتھ ڈیزائن کی گئی ہیں ۔۔ گریڈ ون سے ان کی کتابوں کے لیولز شروع ہوتے ہیں، بچہ اپنے گریڈ کے مطابق علم حاصل کرتا ہے ،ایسا نہیں کہ ون کے بچے کو اخوت، رواداری اور حج کے اراکین کروانے کو کہا جائے۔
دوسرا یہ انگلش اور اردو دونوں زبانوں میں دستیاب ہیں۔
تیسرا جن بچوں نے آگے او لیولز کرنا ہے ان کے لئے بھی یہ بہترین آپشن ہیں ۔

نوٹ: کسی بھی بک شاپ سے مل جائیں گی ،ہمارے پاس نہیں ہیں اور چھے سال سے اوپر کے بچوں کے لئے ہیں۔

24/07/2024

تخلیقی ذہن کیسے بنے گا ؟
✍️روبینہ یاسمین

کئی سوالات کے درست یا غلط جوابات نہیں بس متبادل جواب ہوتے ہیں یا سوچ کے مختلف زاویے ہوتے ہیں ۔

ہم کہتے ہیں کہ ہمارا ذہن تخلیقی نہیں ہے۔ ہمارے ذہن میں نئی باتیں نہیں آتیں۔
کیسے آئیں؟

جب تک دوسرا روایتی باتیں جو سب کے لئے قابل قبول ہوتی ہیں کرتا ہے، ہم سر ہلاتے رہتے ہیں۔ جیسے ہی کسی نے روایت سے ہٹ کر بات کی ہم ڈنڈے سوٹے لے کر اس کی وہ خاطر تواضع کرتے ہیں کہ کچھ ہٹ کے سوچنے کا سوچنا بھی بھول جائے۔

ہم تخلیقی ذہن کیسے بنائیں ؟

اسکول میں ٹیچر تختہ سیاہ پر سوال لکھتے ہیں۔
ٹھیک
اب جواب تو طالبعلموں کو لکھنا چاہیے۔
نہیں
جواب بھی ٹیچر ہی یا تو بلیک بورڈ پر لکھیں گے اور طالب علم چھاپیں گے یا پھر کتاب پر ہی نشان لگوائے جائیں گے اور جتنا کہا جائے گا اتنا ہو بہو لکھ کر پیش کیا جائے گا۔ اگر کچھ بھی کمی بیشی ہوئی تو کاٹ دیا جائے گا کیونکہ استاد کے پاس اتنا وقت ہی نہیں کہ تیس پینتیس الگ الگ جواب پڑھے اور انہیں چیک کرے۔
بعد میں اہم سوالات کلاس میں امتحان سے پہلے بتا دئے جائیں گے۔ بچے وہی یاد کریں گے امتحان میں لکھیں گے۔ نمبر پائیں گے اور ماں باپ فخر سے بتائیں کے میرے بچے کا اے ون گریڈ آیا ہے۔

اب اسی بچے کو ایک بھی سوال نصاب سے باہر پوچھ کر دیکھیں وہ کہے گا یہ آوٹ آف سلیبس ہے۔ مجھے کیا پتہ۔

ملازمت کے لئے انٹرویو دینے جائے گا ایک مضمون بھی خود سے نہیں لکھ سکے گا۔
تخلیقی ذہن کیسے بنے گا؟

جب ہم نے اسے سارا تعلیمی سال مکھی پر مکھی بٹھانا سکھایا تو اس کے ذہن میں نئی سوچ کیسے آئے گی؟

جب اسے تجربات کرنے ، لفظوں سے کھیلنے، سوچ کو آزاد کرنے کی سہولت دی ہی نہیں جائے گی تو تخلیقی ذہن کیسے بنے گا؟

گھڑا گھڑایا سانچہ نہ دیں ، بہنے دیں گرنے دیں، سنبھلنے دیں، پرفیکٹ نہ مانگیں بس اوریجنل مانگیں۔
کلاس میں تیس بچے اپنی اپنی مرضی سے جوابات لکھیں گے تو تیس نئے زاویے کھلیں گے۔ اگر استاد کا لکھوایا ہوا جواب سب نے ہو بہو یاد کیا تو پینتیس سال پرانی سوچ ہی منتقل ہو گی نئی سوچ کہاں سے آئے گی۔

تخلیقی ذہن کیسے بنے گا؟

Copied

10/07/2024

میتھ کرانے کا سب سے بہترین طریقہ یہ ہے کہ پہلے آسان الفاظ میں بچے کو وہ ٹاپک سمجھا دیں۔۔۔ اسے لگے کہ میتھ تو حلوہ ہے🤩
اب وہ روزانہ صرف آسان سوالوں کی پریکٹس کرے گا جب ایک بار وہ اس میں ماسٹر ہو جائے تو اگلا concept دے دیں اور اسی طرح آگے بڑھتے رہیں۔۔

جیسے perfect squares سکھانے ہوں تو ویڈیو میں جو اسٹیپ بتائے گئے ہیں ان کو فالو کریں۔۔

09/07/2024

بڑی کلاسز میں بھی اگر آپ کو لگے کہ بچے کی ریڈنگ اور رائٹنگ میں روانی نہیں ہے تو سارے کام چھوڑ کے پہلے انگلش اردو کے فونکس، بلینڈنگ اور rules کروائیں اس کے ساتھ گریڈ ون کی ورک بکس لا کر پریکٹس کروائیں کیونکہ جب تک وہ خود پڑھیں گے نہیں ،خود سمجھیں گے نہیں۔ أپ جتنی مرضی سائنس، میتھ ،انگلش پڑھا لیں سمجھ ان کو تب ہی آئے گی جب وہ خود پڑھنا جانتے ہوں گے۔۔

30/06/2024

27/06/2024

13/06/2024

الگ الگ الفاظ کی پریکٹس بہت ضروری ہے ورنہ بچے 5th میں پہنچ کے بھی صوفہ کو سوفہ لکھیں گے۔۔