ٹاؤن میونسپل کارپوریشن میاں سرفراز ، حیدرآباد

ٹاؤن میونسپل کارپوریشن میاں سرفراز ، حیدرآباد بہترین دنوں کے لئے برے دنوں سے لڑنا پڑتا ہے ۔۔۔ !!

its a golden chance for students to show their hidden talent... Our organization STUDENTS' HIDDEN TALENT (dikha do jazba) is organizing a event in which multiple activities will be held among different schools. !! Its a great chance for student... They will get a chance to enhance their abilities nd build up their confidence level...!!!

گلیوں اور نالیوں میں گندگی پھینکنے سے گریز کریں، کیونکہ یہی عادت بیماریوں، مچھروں کی افزائش اور کیڑوں مکوڑوں کے پھیلاؤ ک...
21/08/2026

گلیوں اور نالیوں میں گندگی پھینکنے سے گریز کریں، کیونکہ یہی عادت بیماریوں، مچھروں کی افزائش اور کیڑوں مکوڑوں کے پھیلاؤ کا سبب بنتی ہے۔ کوڑا کرکٹ مقررہ جگہ پر ٹھکانے لگائیں اور اپنے محلے کی صفائی میں تعاون کریں، صاف ماحول ہی صحت مند زندگی کی ضمانت ہے۔

مصطفیٰ بلال شیخ
ٹاؤن چیئرمین، ٹاؤن میاں سرفراز، حیدرآباد

ٹاؤن میونسپل کارپوریشن میاں سرفراز، حیدرآبادجمعہ، 21 اگست 2026ء | 7 ربیع الاول 1448ھمدرسہ زینت القرآن کے بچوں کا میلادِ ...
21/08/2026

ٹاؤن میونسپل کارپوریشن میاں سرفراز، حیدرآباد

جمعہ، 21 اگست 2026ء | 7 ربیع الاول 1448ھ

مدرسہ زینت القرآن کے بچوں کا میلادِ مصطفیٰ ﷺ جلوس، ٹاؤن چیئرمین مصطفیٰ بلال شیخ کی قیادت میں منعقد ۔۔۔

پاکستان سنی تحریک حیدرآباد کے ڈویژنل صدر و تنظیماتِ اہلسنت حیدرآباد کے ترجمان عابد قادری اور مدرسہ زینت القرآن کے مہتمم قاری فیضان عطاری کی جانب سے مدرسہ زینت القرآن کے بچوں کا میلادِ مصطفیٰ ﷺ جلوس ٹاؤن چیئرمین میاں سرفراز مصطفیٰ بلال شیخ کی قیادت میں نکالا گیا۔

میلادِ مصطفیٰ ﷺ جلوس قاضی قیوم روڈ سے ہوتا ہوا حیدر چوک، اسٹیشن روڈ اور تلسی داس کے راستے سے گزرا، جہاں عاشقانِ رسول ﷺ اور اہلِ علاقہ نے جلوس کا بھرپور استقبال کیا۔ جلوس میں مدرسہ زینت القرآن کے معصوم بچوں، علماء کرام، مذہبی و سماجی شخصیات اور عاشقانِ رسول ﷺ نے بڑی تعداد میں شرکت کی اور درود و سلام، نعتِ رسولِ مقبول ﷺ اور ذکرِ مصطفیٰ ﷺ سے اپنی عقیدت و محبت کا اظہار کیا۔

جلوس کا اختتام غوثیہ اللہ دی مسجد پر ہوا، جہاں ملک و قوم کی سلامتی، شہرِ حیدرآباد کی ترقی، امن و خوشحالی اور امتِ مسلمہ کے اتحاد و سربلندی کے لیے خصوصی دعا کی گئی۔

ٹاؤن چیئرمین مصطفیٰ بلال شیخ نے اس موقع پر کہا کہ میلادِ مصطفیٰ ﷺ محبت، عقیدت، امن، بھائی چارے اور سیرتِ طیبہ پر عمل پیرا ہونے کا پیغام دیتا ہے۔ حیدرآباد میں مذہبی و روحانی پروگراموں کے انعقاد میں ہر ممکن تعاون جاری رکھا جائے گا۔

جاری کردہ:
شعبہ اطلاعات
ٹاؤن میونسپل کارپوریشن میاں سرفراز، حیدرآباد

عوامی رسائی، دفتر ہر روز حاضرٹاؤن چیئرمین میاں سرفراز مصطفیٰ بلال شیخ روزانہ صبح 10:00 بجے سے شام 4:00 بجے تک اپنے دفتر ...
21/08/2026

عوامی رسائی، دفتر ہر روز حاضر

ٹاؤن چیئرمین میاں سرفراز مصطفیٰ بلال شیخ روزانہ صبح 10:00 بجے سے شام 4:00 بجے تک اپنے دفتر میں موجود رہتے ہیں تاکہ شہریوں کے مسائل کا فوری حل ممکن بنایا جا سکے۔ کسی بھی شکایت یا عوامی خدمت سے متعلق درخواست کے لیے ٹاؤن آفس تشریف لائیں، آپ کے مسائل کو ترجیحی بنیادوں پر سنا اور حل کیا جائے گا۔

مصطفیٰ بلال شیخ
ٹاؤن چیئرمین، ٹاؤن میاں سرفراز، حیدرآباد

ٹاؤن میونسپل کارپوریشن میاں سرفراز، حیدرآبادجمعہ، 21 اگست 2026ء | 8 ربیع الاول 1448ھ کھائی روڈ پر شاہ جی کمیونیکیشن کی ج...
21/08/2026

ٹاؤن میونسپل کارپوریشن میاں سرفراز، حیدرآباد

جمعہ، 21 اگست 2026ء | 8 ربیع الاول 1448ھ

کھائی روڈ پر شاہ جی کمیونیکیشن کی جانب سے منعقدہ محفلِ میلاد میں ٹاؤن چیئرمین میاں سرفراز مصطفیٰ بلال شیخ کی خصوصی شرکت ۔۔۔

چیئرمین مصطفیٰ بلال شیخ نے کھائی روڈ پر شاہ جی کمیونیکیشن کی جانب سے منعقدہ بابرکت محفلِ میلاد میں خصوصی شرکت کی۔ محفل میں شہر حیدرآباد کی سیاسی و سماجی شخصیات، وکلا، صحافیوں، انجینیئرز، ڈاکٹرز، مختلف شعبہ ہائے زندگی سے تعلق رکھنے والی معزز شخصیات، علاقہ مکینوں اور عاشقانِ رسول ﷺ نے بڑی تعداد میں شرکت کی۔

محفلِ میلاد کے دوران فضا درود و سلام سے معطر رہی اور نعت خواں حضرات نے بارگاہِ رسالت مآب حضرت محمد مصطفیٰ ﷺ میں عقیدت و محبت کے پھول پیش کرتے ہوئے خوبصورت نعتیں پیش کیں۔ مقررین نے سیرتِ طیبہ، عشقِ رسول ﷺ، محبتِ مصطفیٰ ﷺ اور آپ ﷺ کی تعلیمات و اسوۂ حسنہ پر ایمان افروز اور پُرجوش بیانات کرتے ہوئے حاضرین کے دلوں کو منور کیا۔

اس موقع پر چیئرمین میاں سرفراز مصطفیٰ بلال شیخ نے کہا کہ محافلِ میلاد محبتِ رسول ﷺ کے فروغ، اتحاد و بھائی چارے اور دینی اقدار کو اجاگر کرنے کا بہترین ذریعہ ہیں۔ نبی کریم حضرت محمد مصطفیٰ ﷺ کی سیرتِ طیبہ ہمارے لیے مکمل ضابطۂ حیات ہے، ہمیں چاہیے کہ آپ ﷺ کی تعلیمات پر عمل کرتے ہوئے اپنی زندگیوں کو سنواریں اور معاشرے میں محبت، امن، اخوت اور بھائی چارے کو فروغ دیں۔

محفل کے اختتام پر ملک و قوم، شہر حیدرآباد کی سلامتی، خوشحالی اور امن و استحکام کے لیے خصوصی دعا کی گئی۔

جاری کردہ:
شعبہ اطلاعات
ٹاؤن میونسپل کارپوریشن میاں سرفراز، حیدرآباد

یہ بابرکت دن سکون، روشنی اور رحمتوں کا پیغام لے کر آتا ہے۔ نماز جمعہ کی پابندی، ذکرِ الٰہی اور دعا کے ساتھ اس مقدس گھڑی ...
21/08/2026

یہ بابرکت دن سکون، روشنی اور رحمتوں کا پیغام لے کر آتا ہے۔ نماز جمعہ کی پابندی، ذکرِ الٰہی اور دعا کے ساتھ اس مقدس گھڑی سے فیض حاصل کریں۔

جمعہ مبارک

مصطفیٰ بلال شیخ
ٹاؤن چیئرمین، ٹاؤن میاں سرفراز، حیدرآباد

ٹاؤن میونسپل کارپوریشن میاں سرفراز، حیدرآبادجمعہ، 21 اگست 2026ء | 8 ربیع الاول 1448ھٹاؤن چیئرمین مصطفیٰ بلال شیخ کی گورن...
21/08/2026

ٹاؤن میونسپل کارپوریشن میاں سرفراز، حیدرآباد

جمعہ، 21 اگست 2026ء | 8 ربیع الاول 1448ھ

ٹاؤن چیئرمین مصطفیٰ بلال شیخ کی گورنمنٹ ڈاکٹر آئی۔ایچ۔ زبیری ڈگری گرلز کالج آف ہوم اکنامکس میں پلانٹیشن ڈے کی تقریب میں بطور چیف گیسٹ شرکت ۔۔۔

ٹاؤن چیئرمین میاں سرفراز مصطفیٰ بلال شیخ نے گورنمنٹ ڈاکٹر آئی۔ایچ۔ زبیری ڈگری گرلز کالج آف ہوم اکنامکس، حیدرآباد کی پرنسپل پروفیسر بینظیر جونیجو کی خصوصی دعوت پر پلانٹیشن ڈے اور شجرکاری مقابلے کی تقریب میں بطور چیف گیسٹ شرکت کی۔ تقریب کا انعقاد پرنسپل پروفیسر بینظیر جونیجو کی متحرک قیادت میں ایونٹ آرگنائزنگ کمیٹی کی جانب سے کیا گیا، جس میں اساتذہ، اسٹاف اور طالبات نے بھرپور حصہ لیا۔

ٹاؤن چیئرمین مصطفیٰ بلال شیخ نے کالج کے مختلف شعبہ جات اور اسٹالز کا دورہ کیا اور کالج کیمپس کو خوبصورتی سے سرسبز، صاف ستھرا اور ماحول دوست انداز میں سجانے پر اساتذہ، اسٹاف اور طالبات کی کاوشوں کو سراہا۔ انہوں نے کہا کہ تعلیمی اداروں میں شجرکاری اور ماحول دوست سرگرمیوں کا انعقاد نہ صرف ماحول کی بہتری کے لیے اہم ہے بلکہ نوجوان نسل میں درختوں اور قدرتی ماحول کی حفاظت کا شعور بھی اجاگر کرتا ہے۔

پلانٹیشن مقابلے میں کالج کے مختلف بلاکس اور شعبہ جات نے انتہائی محنت اور تخلیقی صلاحیتوں کا مظاہرہ کیا۔ ٹاؤن چیئرمین مصطفیٰ بلال شیخ اور پرنسپل پروفیسر بینظیر جونیجو نے مشترکہ طور پر مقابلے کا جائزہ لیا۔ مقابلے میں پہلی پوزیشن تہذیب شاہ بلاک نے حاصل کی، جبکہ دوسری پوزیشن آرٹ اینڈ ڈیزائن، کلاتھنگ اور بائیولوجی ڈیپارٹمنٹس نے حاصل کی۔ اسی طرح تیسری پوزیشن ہوم مینجمنٹ، فیملی اینڈ کمیونٹی ڈویلپمنٹ اور کیمسٹری ڈیپارٹمنٹس کے حصے میں آئی۔

اس موقع پر ٹاؤن چیئرمین نے مقابلے میں نمایاں کارکردگی کا مظاہرہ کرنے والے شعبہ جات اور طالبات میں پہلی، دوسری اور تیسری پوزیشن کی شیلڈز اور انعامات تقسیم کیے۔ انہوں نے کالج انتظامیہ، پرنسپل، اساتذہ، اسٹاف اور طالبات کی محنت اور بہترین انتظامات کو خصوصی طور پر سراہا۔

پرنسپل پروفیسر بینظیر جونیجو اور کالج انتظامیہ کی جانب سے ٹاؤن چیئرمین مصطفیٰ بلال شیخ کو ان کی عوامی و سماجی خدمات کے اعتراف میں اعزازی تحفہ بھی پیش کیا گیا، جبکہ کالج انتظامیہ نے ٹاؤن چیئرمین کی جانب سے تعلیمی اور ماحول دوست سرگرمیوں کی حوصلہ افزائی کو بھی سراہا۔

ٹاؤن چیئرمین مصطفیٰ بلال شیخ نے اس عزم کا اظہار کیا کہ شہر میں شجرکاری، سرسبزی، صفائی اور ماحول کے تحفظ کے لیے ٹاؤن میونسپل کارپوریشن کی جانب سے ہر ممکن تعاون جاری رکھا جائے گا اور نوجوان نسل کو ماحول دوست سرگرمیوں میں زیادہ سے زیادہ شامل کیا جائے گا۔

جاری کردہ:
شعبہ اطلاعات
ٹاؤن میونسپل کارپوریشن میاں سرفراز، حیدرآباد

عبادت اور دعا کا یہ مقدس دن ہر مسلمان کے لیے رحمت اور برکت کا پیغام لے کر آتا ہے۔ نماز جمعہ کی ادائیگی، ذکر اور دعا کے س...
21/08/2026

عبادت اور دعا کا یہ مقدس دن ہر مسلمان کے لیے رحمت اور برکت کا پیغام لے کر آتا ہے۔ نماز جمعہ کی ادائیگی، ذکر اور دعا کے ساتھ اس دن کی برکتیں سمیٹیں اور اپنے پیاروں کے لیے خیر و عافیت کی دعا کریں۔

جمعہ مبارک

مصطفیٰ بلال شیخ
ٹاؤن چیئرمین، ٹاؤن میاں سرفراز، حیدرآباد

مصطفیٰ بلال شیخ، ٹاؤن چیئرمین ٹاؤن میاں سرفراز، حیدرآباد نے شہریوں کو ڈینگی سے بچاؤ کے حوالے سے اہم ہدایات دیتے ہوئے کہا...
21/08/2026

مصطفیٰ بلال شیخ، ٹاؤن چیئرمین ٹاؤن میاں سرفراز، حیدرآباد نے شہریوں کو ڈینگی سے بچاؤ کے حوالے سے اہم ہدایات دیتے ہوئے کہا اپنے اردگرد کے ماحول کو خشک اور صاف رکھا جائے، کیونکہ کہیں بھی کھڑا پانی ڈینگی مچھر کی افزائش کا سبب بنتا ہے۔ گملوں، ٹینکیوں، پرانے ٹائروں اور برتنوں میں پانی جمع نہ ہونے دیں، کباڑ فوری ٹھکانے لگائیں اور کولر و دیگر برتنوں کا پانی باقاعدگی سے تبدیل کرتے رہیں۔

مچھر کے کاٹنے سے بچاؤ کے لیے مچھر بھگانے والا لوشن استعمال کریں اور پوری آستین کے کپڑے پہنیں تاکہ جسم مکمل طور پر ڈھکا رہے۔

ٹاؤن انتظامیہ کی جانب سے فیومیگیشن اور صفائی مہم جاری ہے، تاہم شہریوں کا انفرادی تعاون ہی ڈینگی کے مکمل خاتمے کو ممکن بنا سکتا ہے۔

احتیاط علاج سے بہتر ہے۔

مصطفیٰ بلال شیخ
ٹاؤن چیئرمین، ٹاؤن میاں سرفراز، حیدرآباد

قَالَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم۔۔۔ 💚
21/08/2026

قَالَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم۔۔۔ 💚

ٹاؤن میونسپل کارپوریشن میاں سرفراز، حیدرآبادجمعرات، 20 اگست 2026ء | 6 ربیع الاول 1448ھربیع الاول کے مرکزی جلوسوں کی گزرگ...
20/08/2026

ٹاؤن میونسپل کارپوریشن میاں سرفراز، حیدرآباد

جمعرات، 20 اگست 2026ء | 6 ربیع الاول 1448ھ

ربیع الاول کے مرکزی جلوسوں کی گزرگاہوں اور انفراسٹرکچر کا جائزہ، تمام انتظامات جلد مکمل کرنے کی ہدایت ۔۔۔

ٹاؤن چیئرمین میاں سرفراز مصطفیٰ بلال شیخ نے حیدرآباد ٹریفک مینجمنٹ کے اعزازی سیکریٹری جاوید اقبال کے ہمراہ ربیع الاول کی مناسبت سے منعقد ہونے والے مرکزی جلوسوں کی گزرگاہوں، محافلِ میلاد اور دیگر مذہبی تقریبات کے مقامات کا تفصیلی دورہ کیا۔ اس موقع پر مختلف سڑکوں، نکاسیٔ آب کے نظام اور دیگر ضروری انفراسٹرکچر کا جائزہ لیا گیا۔

ٹاؤن چیئرمین مصطفیٰ بلال شیخ نے متعلقہ افسران کو ہدایت کی کہ تمام مرکزی جلوسوں کی گزرگاہوں پر سڑکوں اور انفراسٹرکچر کی مرمت، نکاسیٔ آب کے مؤثر انتظامات اور صفائی کے کام جلد از جلد مکمل کیے جائیں۔ جہاں گٹروں پر مین ہول کور موجود نہیں ہیں وہاں فوری طور پر حفاظتی کور نصب کیے جائیں تاکہ عاشقانِ رسول ﷺ اور شہریوں کو کسی قسم کی دشواری کا سامنا نہ کرنا پڑے۔

انہوں نے کہا کہ ربیع الاول کے مقدس مہینے میں شہر بھر میں جلوس، محافلِ میلاد اور مذہبی تقریبات منعقد ہوں گی، اس لیے تمام ضروری انتظامات بروقت مکمل کرنا ہماری ذمہ داری ہے۔ ان شاء اللہ تعالیٰ تمام گزرگاہوں کا انفراسٹرکچر بہتر بنایا جائے گا اور نکاسیٔ آب سمیت دیگر بلدیاتی سہولیات کو یقینی بنایا جائے گا۔

ٹاؤن چیئرمین مصطفیٰ بلال شیخ نے کہا کہ حضور اکرم حضرت محمد مصطفیٰ ﷺ ہم سب کے لیے مشعلِ راہ ہیں اور آپ ﷺ کی آمدِ مبارک ہمارے لیے بہت بڑا اعزاز ہے۔ ان شاء اللہ تعالیٰ ہم سب مل کر آمدِ رسول حضرت محمد مصطفیٰ ﷺ کی خوشیاں محبت، عقیدت، روشنیوں اور بہاروں کے ساتھ منائیں گے۔

جاری کردہ:
شعبہ اطلاعات
ٹاؤن میونسپل کارپوریشن میاں سرفراز، حیدرآباد

Address

Hyderabad Lines
71000

Telephone

03213065075

Website

Alerts

Be the first to know and let us send you an email when ٹاؤن میونسپل کارپوریشن میاں سرفراز ، حیدرآباد posts news and promotions. Your email address will not be used for any other purpose, and you can unsubscribe at any time.

Contact The School

Send a message to ٹاؤن میونسپل کارپوریشن میاں سرفراز ، حیدرآباد:

Shortcuts

Share