ٹاؤن میونسپل کارپوریشن میاں سرفراز ، حیدرآباد

قَالَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم۔۔۔ 💚

پاکستان پیپلز پارٹی کے نامزد امیدوار ایڈووکیٹ امجد حسین صاحب کو گلگت بلتستان کا وزیرِ اعلیٰ منتخب ہونے پر دلی مبارکباد پیش کرتے ہیں۔

یہ کامیابی عوام کے اعتماد، جمہوری اقدار اور پاکستان پیپلز پارٹی کی عوامی خدمت کی سیاست کا مظہر ہے۔ امید ہے کہ آپ کی قیادت میں گلگت بلتستان ترقی، خوشحالی اور عوامی فلاح کے نئے سفر کا آغاز کرے گا۔

مصطفیٰ بلال شیخ
چیئرمین
ٹاؤن میونسپل کارپوریشن میاں سرفراز، حیدرآباد

پاکستان پیپلز پارٹی کی قیادت میں ترقی، خدمت اور عوامی خوشحالی کا سفر جاری رہے گا۔

ٹاؤن میونسپل کارپوریشن میاں سرفراز، حیدرآباد

پیر، 22 جون 2026ء | 6 محرم الحرام 1448ھ

محرم الحرام کے انتظامات کا جائزہ، ٹاؤن چیئرمین مصطفیٰ بلال شیخ کا امام بارگاہ ابو تراب کا دورہ

ٹاؤن چیئرمین میاں سرفراز مصطفیٰ بلال شیخ نے محرم الحرام کے انتظامات کے سلسلے میں امام بارگاہ ابو تراب کا دورہ کیا، جہاں انہوں نے امام بارگاہ کے متولیان راول اور لالو سے ملاقات کی۔ اس موقع پر محرم الحرام کے جلوسوں اور مجالس کے دوران بلدیاتی سہولیات، صفائی ستھرائی، نکاسیٔ آب، اسٹریٹ لائٹس اور دیگر انتظامی امور پر تفصیلی گفتگو کی گئی۔

ٹاؤن چیئرمین مصطفیٰ بلال شیخ نے یقین دہانی کرائی کہ محرم الحرام کے دوران عزاداران کو ہر ممکن بلدیاتی سہولیات فراہم کی جائیں گی اور ٹاؤن میونسپل کارپوریشن میاں سرفراز کی تمام متعلقہ ٹیمیں اپنی ذمہ داریاں بھرپور انداز میں انجام دیں گی۔ انہوں نے کہا کہ محرم الحرام کے مقدس ایام میں امن، احترام اور بہترین انتظامات کو یقینی بنانا ہماری اولین ترجیح ہے۔

امام بارگاہ کے متولیان نے ٹاؤن چیئرمین کی آمد کا خیرمقدم کرتے ہوئے بلدیاتی انتظامات میں دلچسپی لینے پر ان کا شکریہ ادا کیا۔

جاری کردہ:
شعبہ اطلاعات
ٹاؤن میونسپل کارپوریشن میاں سرفراز، حیدرآباد

ٹاؤن میونسپل کارپوریشن میاں سرفراز، حیدرآباد

پیر، 22 جون 2026ء | 6 محرم الحرام 1448ھ

محرم الحرام کے سلسلے میں ٹاؤن چیئرمین میاں سرفراز مصطفیٰ بلال شیخ کا میمن چیریٹیبل ہسپتال کا دورہ ۔

ٹاؤن چیئرمین میاں سرفراز مصطفیٰ بلال شیخ نے محرم الحرام کے انتظامات اور عزادارانِ امام حسینؑ کو فراہم کی جانے والی طبی سہولیات کا جائزہ لینے کے لیے میمن چیریٹیبل ہسپتال کا دورہ کیا۔ اس موقع پر ریجنل ڈائریکٹر لوکل گورنمنٹ کراچی رمضان پٹھان، میمن چیریٹیبل ہسپتال کے ایڈمنسٹریٹر عطا محمد قائم خانی، سابق ایڈمنسٹریٹر حیدرآباد رفیق احمد راجپوت اور حیدرآباد کی دیگر معزز شخصیات بھی موجود تھیں۔

دورے کے دوران محرم الحرام کے جلوسوں اور مجالس کے شرکاء کو فراہم کی جانے والی طبی سہولیات، ایمرجنسی انتظامات اور ہسپتال کی مجموعی تیاریوں کا تفصیلی جائزہ لیا گیا۔ ٹاؤن چیئرمین میاں سرفراز مصطفیٰ بلال شیخ نے ہسپتال انتظامیہ کی خدمات کو سراہتے ہوئے کہا کہ محرم الحرام کے دوران عزاداران کو بہترین طبی سہولیات کی فراہمی ہم سب کی مشترکہ ذمہ داری ہے اور اس سلسلے میں تمام متعلقہ اداروں کے درمیان مؤثر رابطہ اور تعاون انتہائی ضروری ہے۔

انہوں نے اس عزم کا اظہار کیا کہ ٹاؤن میونسپل کارپوریشن میاں سرفراز محرم الحرام کے دوران صفائی ستھرائی، سینیٹیشن، سبیلوں اور دیگر بلدیاتی سہولیات کی فراہمی کے لیے اپنی تمام تر صلاحیتیں بروئے کار لائے گی تاکہ عزاداران کو کسی قسم کی دشواری کا سامنا نہ کرنا پڑے۔

جاری کردہ:
شعبہ اطلاعات
ٹاؤن میونسپل کارپوریشن میاں سرفراز، حیدرآباد

ٹاؤن میونسپل کارپوریشن میاں سرفراز، حیدرآباد

پیر، 22 جون 2026ء | 6 محرم الحرام 1448ھ

محرم الحرام کے جلوسوں اور مجالس کے انتظامات کے سلسلے میں ٹاؤن چیئرمین میاں سرفراز مصطفی بلال شیخ کی مختلف شعبہ جات کے ذمہ داران سے الگ الگ ملاقاتیں

ٹاؤن چیئرمین میاں سرفراز مصطفی بلال شیخ نے محرم الحرام کے دوران ٹاؤن میاں سرفراز کی حدود میں برآمد ہونے والے ماتمی جلوسوں، مجالس اور ان کے تمام روٹس پر شہری سہولیات کی فراہمی کو یقینی بنانے کے لیے میڈیکل کیمپ، سینیٹیشن، سبیل، صفائی ستھرائی اور دیگر میونسپل سروسز سے متعلق تمام شعبہ جات کے افسران و عملے کے ساتھ الگ الگ اجلاس منعقد کیے۔ اس موقع پر چیئرمین نے تمام متعلقہ ٹیموں کو ان کی ذمہ داریاں تفصیل سے سمجھائیں اور ہدایت کی کہ عزادارانِ امام حسینؑ اور جلوسوں میں شرکت کرنے والے تمام افراد کی خدمت کو اپنا اولین فریضہ سمجھتے ہوئے مکمل جذبۂ خدمت کے ساتھ فرائض انجام دیے جائیں۔

انہوں نے کہا کہ محرم الحرام کے دوران شہریوں کو ہر ممکن سہولت، صاف ستھرا ماحول، بروقت طبی امداد اور پرامن و پرسکون ماحول کی فراہمی ٹاؤن انتظامیہ کی ذمہ داری ہے۔ تمام عملہ اپنی ڈیوٹی کے دوران مستعدی، ذمہ داری اور نظم و ضبط کا مظاہرہ کرے تاکہ عزاداران کو کسی قسم کی دشواری کا سامنا نہ کرنا پڑے۔

ٹاؤن چیئرمین میاں سرفراز مصطفی بلال شیخ نے سختی سے ہدایت کرتے ہوئے کہا کہ فرائض کی انجام دہی میں کسی بھی قسم کی غفلت، کوتاہی یا لاپروائی ناقابلِ معافی ہوگی۔ اگر کسی ملازم کی جانب سے ذمہ داریوں میں کوتاہی ثابت ہوئی تو اس کے خلاف محکمانہ کارروائی عمل میں لائی جائے گی۔ انہوں نے کہا کہ محرم الحرام کے دوران عوامی خدمت، نظم و نسق اور عزاداران کے احترام کو ہر صورت یقینی بنایا جائے گا۔

جاری کردہ:
شعبہ اطلاعات
ٹاؤن میونسپل کارپوریشن میاں سرفراز، حیدرآباد

جامع مک مسجد روڈ، مدینہ مارکیٹ پھلیلی حیدرآباد میں محفل شان مصطفیٰ ﷺ کا انعقاد ہوا۔ یہ محفل عظیم الشان تھی، اور اس میں شرکت سعادت سے کم نہ تھی۔

نبی کریم ﷺ کی شان میں منعقد ہونے والی ایسی محافل ہمارے شہر کی روحانی پہچان ہیں۔ جب حیدرآباد کی گلیوں میں درود کی صدائیں گونجتی ہیں تو دل کو سکون ملتا ہے۔

ایسی محافل کا انعقاد کرنے والے اور ان میں شریک ہونے والے سب لائق تحسین ہیں۔ یہ سلسلہ جاری رہنا چاہیے۔

عشق مصطفیٰ ﷺ ہی وہ بنیاد ہے جس پر ہر نیک کام کھڑا ہوتا ہے۔

مصطفیٰ بلال شیخ
ٹاؤن چیئرمین، ٹاؤن میاں سرفراز، حیدرآباد

دختر مشرق شہید محترمہ بے نظیر بھٹو کی غیر معمولی جرات، غیر متزلزل وابستگی اور عظیم قربانی آج بھی پاکستان سمیت دنیا بھر میں نسلوں کے لیے مشعل راہ ہے۔

بے نظیر بھٹو نے مشکل ترین حالات میں بھی جمہوریت کا ساتھ نہ چھوڑا اور عوام کے حقوق کی خاطر ہر قربانی دی۔ ان کی استقامت نے ثابت کیا کہ سچی قیادت خوف سے نہیں بلکہ عزم سے پہچانی جاتی ہے۔

مصطفیٰ بلال شیخ نے کہا کہ شہید بی بی کا کردار آج بھی پاکستان پیپلز پارٹی کے ہر کارکن کے لیے رہنمائی کا ذریعہ ہے، اور ٹاؤن میاں سرفراز میں عوامی خدمت اسی جذبے کے تحت جاری ہے۔

عوام شہید محترمہ کی جرات کو یاد رکھیں اور اس مشن کو آگے بڑھانے میں پارٹی کا ساتھ دیں۔

بے نظیر بھٹو کا نام تاریخ میں ہمیشہ زندہ رہے گا۔

مصطفیٰ بلال شیخ
ٹاؤن چیئرمین، ٹاؤن میاں سرفراز، حیدرآباد

ٹاؤن میونسپل کارپوریشن میاں سرفراز، حیدرآباد

پیر، 22 جون 2026ء | 6 محرم الحرام 1448ھ

7 محرم کے تاریخی "جماعتین جو پڑ" کے روٹ کا دورہ، انتظامات کا جائزہ، مسائل کے فوری حل کے احکامات ۔

ٹاؤن چیئرمین میاں سرفراز مصطفیٰ بلال شیخ نے محرم الحرام کے سلسلے میں 7 محرم کو نکالے جانے والے تاریخی "جماعتین جو پڑ" کے انتظامات کا جائزہ لینے کے لیے انجمنِ سفینہ حسینی کے منتظمین میر بلاج اور دیگر ذمہ داران کے ہمراہ جلوس کے مقررہ روٹ کا تفصیلی دورہ کیا۔ اس موقع پر فقیر کے پڑ کے معروف تاجر رہنما اسد پشوری، معززینِ علاقہ اور دیگر متعلقہ افراد بھی موجود تھے۔

دورے کے دوران ٹاؤن چیئرمین نے جلوس کے راستوں، صفائی ستھرائی، نکاسیٔ آب، روشنی اور دیگر بلدیاتی سہولیات کا جائزہ لیا جبکہ مقامی تاجروں اور شہریوں سے ملاقات کر کے ان کے مسائل اور تجاویز بھی سنیں۔ ٹاؤن چیئرمین میاں سرفراز مصطفیٰ بلال شیخ نے متعلقہ افسران کو ہدایت جاری کرتے ہوئے تمام درپیش مسائل کے فوری حل اور جلوس سے قبل تمام انتظامات مکمل کرنے کے احکامات صادر کیے۔

اس موقع پر انہوں نے کہا کہ محرم الحرام کے دوران عزادارانِ امام حسینؑ کو ہر ممکن سہولیات فراہم کرنا ہماری اولین ترجیح ہے۔ انہوں نے اس عزم کا اعادہ کیا کہ ہر سال کی طرح اس سال بھی تاریخی "جماعتین جو پڑ" پرامن، پُرسکون اور خوشگوار ماحول میں اپنے مقررہ راستوں سے گزرے گا اور مقررہ وقت پر اختتام پذیر ہوگا۔ انہوں نے شہریوں، تاجروں اور منتظمین کے تعاون کو سراہتے ہوئے کہا کہ باہمی ہم آہنگی اور تعاون سے محرم الحرام کے تمام پروگرام بہترین انداز میں منعقد کیے جائیں گے۔

جاری کردہ:
شعبہ اطلاعات
ٹاؤن میونسپل کارپوریشن میاں سرفراز، حیدرآباد

محرم الحرام کے مقدس ایام میں عزادارانِ حسینؑ، متولیان، پرماننٹ ہولڈرز اور جلوس منتظمین کو بہترین بلدیاتی سہولیات کی فراہمی ہماری اولین ترجیح ہے۔

ٹاؤن میونسپل کارپوریشن میاں سرفراز، حیدرآباد لائٹنگ، صفائی ستھرائی، نکاسیٔ آب اور دیگر شہری سہولیات کی فراہمی کے لیے ہمہ وقت متحرک ہے۔ کسی بھی ضرورت یا مسئلے کی صورت میں فوری رابطہ کریں، ہماری ٹیم آپ کی خدمت کے لیے ہر وقت تیار ہے۔

دانش احمد راجپوت:
0313-3236333
سید علی رضا شاہ:
0313-2696990

عوامی خدمت ہماری اولین ترجیح

گرمی کی یہ لہر جان لیوا ہے اور ہیٹ اسٹروک کسی کو بھی چند گھنٹوں میں شدید متاثر کر سکتا ہے۔

اگر 104°F سے زیادہ بخار ہو، چکر آئیں، سر درد ہو، متلی ہو یا دل کی دھڑکن تیز ہو جائے تو یہ ہیٹ اسٹروک کی علامات ہیں، فوری توجہ دیں۔

بچاؤ کے لیے یاد رکھیں: پانی زیادہ پیئیں، دھوپ میں نکلنے سے گریز کریں، ہلکے اور ڈھیلے کپڑے پہنیں، دوپہر 12 سے 4 بجے تک گھر سے باہر نہ نکلیں اور ٹھنڈی جگہ پر رہیں۔

اپنا خیال رکھیں، اپنے گھر والوں کو بتائیں ایک لمحے کی غفلت بھاری پڑ سکتی ہے۔

مصطفیٰ بلال شیخ
ٹاؤن چیئرمین، ٹاؤن میاں سرفراز، حیدرآباد