06/11/2025
#طالبعلم کا اعزاز
تعلیمی میدان میں کامیابیاں حاصل کرنے والے طلباء و طالبات ہمارے معاشرے کا فخر اور مستقبل کا روشن چراغ ہیں۔ اسی تسلسل میں گورنمنٹ گرلز ہائی اسکول غریب اباد ہرنائی کی باصلاحیت طالبہ تنزیلہ خان دختر عابد نصیر نے "پوسٹر سازی" کے صوبائی مقابلے میں پہلی پوزیشن حاصل کر کے نہ صرف اپنے والدین، اساتذہ بلکہ ضلع ہرنائی کا بھی نام روشن کیا ہے۔
کرپشن کے خلاف عالمی دن کے موقع پر منعقدہ تقریب میں ڈائریکٹر ایجوکیشن جناب اختر محمد کھتران نے تنزیلہ خان کو اپنی دستِ مبارک سے انعام اور اعزازی سند عطا کی۔ اس موقع پر موجود سول انتظامیہ، اساتذہ اور حاضرین نے طالبہ کی شاندار کامیابی پر مبارکباد پیش کی اور اسے آئندہ بھی اسی طرح محنت جاری رکھنے کی تلقین کی۔
یہ کامیابی اس بات کا ثبوت ہے کہ اگر جذبہ، محنت اور لگن کو اپنا شعار بنایا جائے تو کامیابی کے دروازے خود بخود کھل جاتے ہیں۔ تنزیلہ خان کی یہ کامیابی پورے ضلع کے لیے باعثِ فخر ہے، اور امید ہے کہ وہ مستقبل میں بھی اپنی صلاحیتوں کے بل بوتے پر مزید کامیابیاں سمیٹ کر اپنے علاقے اور صوبے کا نام مزید روشن کریں گی۔
— ادارہ مبارک باد پیش کرتا ہے 🌸
