Ahle Bait Media

17/09/2026

16/09/2026

پریس ریلیز
16 ستمبر
ارضِ مقدس حرمین شریفین پر حملہ پوری امتِ مسلمہ کے جذبات و عقیدت پر حملہ ہے
کھلابٹ ٹاؤن شپ، ہری پور ہزارہ:
جامعہ اہل بیت تعلیم القرآن، مین چوک سیکٹر نمبر 2، کھلابٹ ٹاؤن شپ ہری پور ہزارہ کی انتظامیہ نے مکہ مکرمہ، مدینہ منورہ سمیت سعودی عرب کے مختلف شہروں پر ہونے والے حملوں کی شدید مذمت کرتے ہوئے کہا ہے کہ ارضِ مقدس حرمین شریفین کی طرف اٹھنے والا کوئی بھی قدم پوری امتِ مسلمہ کے دلوں کو زخمی کرنے کے مترادف ہے۔
جامعہ کی انتظامیہ نے اپنے بیان میں کہا کہ مکہ مکرمہ اور مدینہ منورہ دنیا بھر کے مسلمانوں کے ایمان، عقیدت اور محبت کے مراکز ہیں۔ حرمین شریفین کی حرمت و تقدس ہر مسلمان کے دل میں رچا بسا ہے، اس لیے مقدس سرزمین پر کسی بھی قسم کی جارحیت پوری امتِ مسلمہ کے لیے ناقابلِ قبول ہے۔
انتظامیہ نے کہا کہ سعودی عرب کی سلامتی، خودمختاری اور دفاع کو یقینی بنانے کے لیے مسلم ممالک کو باہمی اتحاد و اتفاق کے ساتھ مؤثر کردار ادا کرنا چاہیے۔ پاکستان سمیت تمام اسلامی ممالک کو موجودہ حساس صورتحال میں سعودی عرب کے ساتھ یکجہتی کا اظہار کرتے ہوئے حرمین شریفین کے تحفظ کے لیے اپنا ذمہ دارانہ کردار ادا کرنا چاہیے۔
جامعہ اہل بیت تعلیم القرآن کی انتظامیہ نے کہا کہ موجودہ عالمی حالات اور امتِ مسلمہ کو درپیش چیلنجز اس امر کے متقاضی ہیں کہ مسلم ممالک اپنے باہمی اختلافات سے بالاتر ہو کر اتحاد و اتفاق کو فروغ دیں اور مقدس مقامات کے تحفظ، مسلم امہ کے اجتماعی مفادات اور اسلامی تشخص کے دفاع کے لیے مشترکہ اور مؤثر حکمتِ عملی اختیار کریں۔

انہوں نے کہا کہ حرمین شریفین کی حرمت و تقدس ہر مسلمان کے ایمان اور عقیدت کا بنیادی حصہ ہے۔ مقدس مقامات کی سلامتی کے لیے عالمِ اسلام کو متحد اور متحرک ہو کر اپنا کردار ادا کرنا چاہیے۔
جامعہ اہل بیت تعلیم القرآن کی انتظامیہ نے اس عزم کا اظہار کیا کہ حرمین شریفین کی حرمت و تقدس، ناموسِ رسالت ﷺ اور شعائرِ اسلام کے تحفظ سے متعلق ہر جائز، پُرامن اور آئینی جدوجہد میں بھرپور یکجہتی کا اظہار کیا جائے گا۔
آخر میں جامعہ اہل بیت تعلیم القرآن کی انتظامیہ، اساتذہ کرام، طلبہ اور تمام متعلقین نے سعودی عرب کی سلامتی، حرمین شریفین کے تحفظ اور عالمِ اسلام کے اتحاد و اتفاق کے لیے دعا کی۔
پیر سید عالم زیب شاہ
بانی ادارہ
مولانا سید شاہ ابراہیم
مہتمم ادارہ
مولانا محمد صہیب اشرف
ناظم اعلیٰ
جامعہ اہل بیت تعلیم القرآن
مین چوک سیکٹر نمبر 2، کھلابٹ ٹاؤن شپ، ہری پور ہزارہ

11/09/2026

04/09/2026

جامعہ اہل بیت تعلیم القرآن کھلابٹ ٹاؤن شپ، ہری پور ہزارہ
ہر دینی تحریک کا مرکز اور ہر حق آواز کا ترجمان
جامعہ اہل بیت تعلیم القرآن کھلابٹ ٹاؤن شپ، ہری پور ہزارہ ماضی میں بھی مختلف دینی و ملی تحریکوں کا مرکز رہا ہے اور ان شاء اللہ آئندہ بھی اعلائے کلمۃ اللہ کے لیے ہر پُرامن، شرعی اور دینی جدوجہد میں اپنا بھرپور کردار ادا کرتا رہے گا۔
جامعہ کے علماء کرام، قراء کرام اور عوام الناس اس عزم کا اظہار کرتے ہیں کہ نبی کریم ﷺ کی ناموس و حرمت، تحفظِ ختمِ نبوت، دفاعِ صحابہ کرامؓ و اہلِ بیت عظامؓ اور دیگر تمام دینی و اصلاحی تحریکوں میں، جو کتاب و سنت کے مطابق اور اعلائے کلمۃ اللہ کے لیے ہوں، اپنی استطاعت کے مطابق وقت، صلاحیت اور قربانی پیش کرنے کے لیے ہمہ وقت تیار رہیں گے۔
ہم دینِ اسلام کی اشاعت، قرآن و حدیث کی ترویج، دینی تعلیم کے فروغ اور معاشرے کی اصلاح کے لیے اپنی جدوجہد کو مزید مؤثر انداز میں جاری رکھنے کا عزم رکھتے ہیں۔
مولانا سید ابراہیم شاہ
مدیرِ جامعہ
مولانا محمد صہیب اشرف
ناظمِ اعلیٰ جامعہ ہٰذا
وجملہ انتظامیہ جامعہ اہل بیت تعلیم القرآن
کھلابٹ ٹاؤن شپ، ہری پور ہزارہ

03/09/2026

🌹 *کارگزاری علماء جوڑ* 🌹
*حلقہ غازی علم الدین شہیدؒ، کھلابٹ ٹاؤن شپ ہری پور*
*بسم اللہ الرحمن الرحیم*
عقیدۂ ختمِ نبوت ﷺ کے تحفظ، دینی بیداری، باہمی اتحاد اور علماء کرام کے درمیان رابطے کو مضبوط بنانے کے لیے حلقہ غازی علم الدین شہیدؒ، کھلابٹ ٹاؤن شپ کے زیرِ اہتمام ایک عظیم الشان علماء جوڑ کا انعقاد کیا گیا، جو غیر معمولی شرکت کے باعث ایک بڑے جلسے کی صورت اختیار کر گیا۔
پروگرام کا باقاعدہ آغاز نمازِ مغرب کے متصل تلاوتِ کلامِ پاک سے ہوا۔ تلاوتِ قرآنِ مجید کی سعادت قاری آصف صاحب نے حاصل کی، جس کے بعد شاعرِ اسلام اطہر ہاشمی صاحب نے بارگاہِ رسالت مآب ﷺ میں نعتیہ کلام پیش کیا۔
بعد ازاں شیخ الحدیث حضرت مولانا مشتاق احمد صاحب نے علماء کرام سے نہایت اہم اور فکر انگیز خطاب فرمایا، جبکہ ناظمِ اعلیٰ عالمی مجلس تحفظ ختم نبوت، مولانا ہارون الرشید شامی صاحب نے عقیدۂ ختمِ نبوت ﷺ کے مختلف پہلوؤں پر مدلل اور جامع گفتگو فرمائی۔
مولانا مفتی محمد عمر صاحب حفظہ اللہ نے بھی علماء کرام سے خطاب کرتے ہوئے نہایت قیمتی اور بصیرت افروز نکات بیان فرمائے اور دینی ذمہ داریوں کی طرف خصوصی توجہ دلائی۔
اس موقع پر امیرِ حلقہ غازی علم الدین شہیدؒ، مولانا مفتی عامر شہزاد صاحب نے حلقہ کی کابینہ اور جامعہ اہل بیت تعلیم القرآن کی انتظامیہ کی جانب سے تمام معزز مہمانانِ گرامی، علماء کرام، قراء کرام، ائمۂ مساجد اور شرکاء کا تہہ دل سے شکریہ ادا کیا۔
پروگرام کے اختتامی مرحلے میں امیرِ عالمی مجلس تحفظ ختم نبوت ہری پور، مولانا فداء محمد خان صاحب نے علماء کرام سے مختصر مگر جامع گفتگو فرمائی اور بالآخر دعا بھی کروائی۔
🌹 *علماء کرام کا بھرپور اظہارِ مسرت*
یہ پروگرام بنیادی طور پر علماء کرام کے باہمی رابطے اور دینی مشاورت کے لیے منعقد کیا گیا علماء جوڑ تھا، تاہم علماء کرام کی غیر معمولی شرکت اور بھرپور جوش و جذبے کے باعث یہ اجتماع ایک بڑے اور یادگار جلسے کی صورت اختیار کر گیا۔
شرکاء علماء کرام نے اس اجلاس کی شاندار اور بہترین کامیابی پر خوشی کا اظہار کیا اور باہمی اتحاد، اتفاق اور دینی و ملی امور میں مل جل کر آگے بڑھنے کے عزم کا اظہار کیا۔
یہ اجتماع اس امر کا واضح مظہر تھا کہ علماء کرام دینِ اسلام، عقیدۂ ختمِ نبوت ﷺ اور امت کی رہنمائی کے لیے باہمی تعاون اور اتحاد کو وقت کی اہم ضرورت سمجھتے ہیں۔
اللہ تعالیٰ اس بابرکت اجتماع کو شرفِ قبولیت عطا فرمائے، تمام علماء کرام کی کاوشوں کو قبول فرمائے اور ہمیں اخلاص و اتحاد کے ساتھ دینِ اسلام کی خدمت کرنے کی توفیق عطا فرمائے۔
آمین یا رب العالمین 🤲
*ناظمِ نشر و اشاعت*
مولانا محمد صہیب اشرف
عالمی مجلس تحفظ ختم نبوت حلقہ غازی علم الدین شہید رحمۃ اللہ کھلابٹ ٹاؤن شپ ہری پور
مولانا محمد صہیب اشرف

03/09/2026

🌹 *اظہارِ تشکر و سپاس* 🌹
حلقہ غازی علم الدین شہیدؒ کے امیر مولانا مفتی عامر شہزاد صاحب و کابینہ، مدیر جامعہ مولانا سید ابراہیم شاہ صاحب، مولانا محمد صہیب اشرف صاحب اور انتظامیہ جامعہ اہل بیت تعلیم القرآن، کھلابٹ ٹاؤن شپ ہری پور کی جانب سے تمام معزز مہمانانِ گرامی، علماء و مشائخ، قراء کرام، ائمۂ مساجد اور تاجر برادری کا تہہ دل سے شکریہ ادا کرتے ہیں۔
خصوصاً شیخ الحدیث مولانا مشتاق صاحب، مولانا فداء محمد خان صاحب، مولانا مفتی محمد عمر صاحب اور مولانا ہارون الرشید شامی صاحب سمیت تمام معزز علماء کرام کا خصوصی شکریہ کہ آپ حضرات نے مختصر سی دعوت اور رابطے پر عقیدۂ ختمِ نبوت ﷺ کے تحفظ کے لیے بھرپور شرکت فرما کر نہ صرف اس اجتماع کو رونق بخشی بلکہ ہماری حوصلہ افزائی بھی فرمائی۔
آپ حضرات کی محبت، تعاون اور خلوص ہمارے لیے قیمتی سرمایہ ہے۔ ان شاء اللہ! اگر آپ احباب کی سرپرستی، محبت اور تعاون کا سایہ ہمارے سروں پر قائم رہا تو ہم تحفظِ ختمِ نبوت ﷺ اور ناموسِ رسالت ﷺ کے لیے اس سے بھی زیادہ منظم، مؤثر اور بھرپور انداز میں اپنی ذمہ داریاں ادا کرتے رہیں گے۔
ہم عہد کرتے ہیں کہ عقیدۂ ختمِ نبوت ﷺ اور ناموسِ رسالت ﷺ کے تحفظ کے لیے اپنی تمام تر صلاحیتیں، وقت اور وسائل بروئے کار لائیں گے اور اس مقدس مشن کے لیے ہر جائز اور پُرامن جدوجہد کو اپنا شعار بنائیں گے۔
اللہ تعالیٰ ہم سب کی اس دینی کاوش کو شرفِ قبولیت عطا فرمائے، اتحاد و اخوت کو قائم رکھے اور ہمیں ہمیشہ ختمِ نبوت ﷺ کے عقیدے کی حفاظت اور فروغ کے لیے اخلاص کے ساتھ کام کرنے کی توفیق عطا فرمائے۔
آمین یا رب العالمین 🤲🌹
*منجانب:*
*حلقہ غازی علم الدین شہیدؒ، کھلابٹ ٹاؤن شپ
جامعہ اہل بیت تعلیم القرآن، کھلابٹ ٹاؤن شپ ہری پور*

03/09/2026

جامعہ اہل بیت تعلیم القرآن کھلابٹ ٹاؤن شپ ہری پور ہزارہ

معروف عالمِ دین، داعیِ اسلام مولانا احسان الحق کی رحلت پر جامعہ اہل بیت تعلیم القرآن کا اظہارِ تعزیت

ہری پور (3 ستمبر 2026ء) جامعہ اہل بیت تعلیم القرآن کھلابٹ ٹاؤن شپ ہری پور ہزارہ کے مہتمم مولانا سید ابراہیم شاہ صاحب اور ناظمِ اعلیٰ مولانا محمد صہیب اشرف نے معروف عالمِ دین، ممتاز داعی و مبلغِ اسلام مولانا احسان الحق مرحوم کے انتقال پر گہرے رنج و غم کا اظہار کرتے ہوئے کہا ہے کہ مولانا احسان الحق مرحوم کی وفات دینی، علمی اور دعوتی حلقوں کے لیے ایک عظیم سانحہ اور بڑا نقصان ہے۔

جامعہ کی انتظامیہ نے اپنے تعزیتی بیان میں کہا کہ مولانا احسان الحق مرحوم نے اپنی پوری زندگی دینِ اسلام کی خدمت، درس و تدریس، دعوت و تبلیغ اور اصلاحِ امت کے لیے وقف کیے رکھی۔ مرحوم ایک مخلص، باعمل اور ممتاز داعی تھے، جن کی دینی و دعوتی خدمات ایک عرصہ تک یاد رکھی جائیں گی۔

انہوں نے کہا کہ مولانا احسان الحق مرحوم نے درس و تدریس کے ذریعے علمِ دین کی اشاعت اور دعوت و تبلیغ کے ذریعے لوگوں کو دین سے وابستہ کرنے کے لیے مسلسل جدوجہد کی۔ ان کی علمی، تربیتی اور دعوتی کاوشوں سے بڑی تعداد میں افراد نے استفادہ کیا، جبکہ ان کے تلامذہ اور متعلقین مختلف علاقوں میں دین کی خدمت میں مصروفِ عمل ہیں۔

جامعہ اہل بیت تعلیم القرآن کی انتظامیہ نے مرحوم کے اہلِ خانہ، متعلقین، تلامذہ اور تمام احباب سے دلی تعزیت اور ہمدردی کا اظہار کرتے ہوئے دعا کی کہ اللہ تعالیٰ مولانا احسان الحق مرحوم کی کامل مغفرت فرمائے، ان کی تمام دینی، علمی اور دعوتی خدمات کو شرفِ قبولیت عطا فرمائے، درجات بلند فرمائے، جنت الفردوس میں اعلیٰ مقام نصیب فرمائے اور تمام پسماندگان و متعلقین کو صبرِ جمیل عطا فرمائے۔

آمین یا رب العالمین

جاری کردہ:
جامعہ اہل بیت تعلیم القرآن
کھلابٹ ٹاؤن شپ، ہری پور ہزارہ