Govt English Medium Primary School Sarai Niamat khan

GPS S.N.Khan
2nd ( Final) Semester Exam 2026

ڈی ای او جناب محمد اشرف صاحب گورنمنٹ پرائمری اسکول سرائے نعمت خان وزٹ کے دوران ای سی ای جماعت کے چھوٹے بچوں کے ساتھ انتہائی خوشگوار موڈ میں کھیلوں کی سرگرمیوں میں مشغول رہے۔اس موقع پر ان کہنا تھا کہ ان چھوٹےبچوں کی پڑھائی سے زیادہ تربیت پر توجہ دی جائے۔اور بچوں کے ساتھ دوستانہ ماحول رکھا جائے۔

سرائے نعمت خان: ڈسٹرکٹ ایجوکیشن آفیسر مردانہ ہری پور محمد اشرف صاحب نے ایس ڈی ای او ہری پور صبغت اللہ آفریدی صاحب کے ہمراہ گورنمنٹ پرائمری سکول سرائے نعمت خان کا دورہ کیا۔ دورے کے دوران انہوں نے نئے داخل ہونے والے طلباء کو خوش آمدید کہا اور نئے بچوں کو حکومت خیبرپختونخوا کی طرف سے دئیے گئے فری اسکول بیگ ،کاپیاں، جیومیٹری باکس اور نئی کتابیں تقسیم کیں۔اور کلاس رومز کا تفصیلی معائنہ کیا اور تدریسی عمل کا جائزہ لیا۔ اس موقع پر انہوں نے اساتذہ کو پیشہ ورانہ رہنمائی فراہم کرتے ہوئے تدریسی معیار کو مزید بہتر بنانے پر زور دیا۔اور ہیڈ ٹیچر اور سٹاف کو سراہا۔
انہوں نے طلبہ سے بھی بات چیت کی اور انہیں تعلیم کی اہمیت سے آگاہ کرتے ہوئے محنت اور لگن کے ساتھ علم حاصل کرنے کی تلقین کی۔ اس کے علاوہ ای سی ای روم میں چھوٹے بچوں کے ساتھ کھیل کی سرگرمیوں میں حصہ لیا۔

آج گورنمنٹ پرائمری اسکول پنڈ ہاشم خان میں انرولمنٹ مہم کے حوالے سے ایک نہایت پروقار اور شاندار تقریب کا انعقاد کیا گیا۔ اس تقریب میں ننھے منے بچوں نے اپنی خوبصورت اور دلکش پرفارمنس کے ذریعے حاضرین کے دل جیت لیے۔

علاقہ کے معززین نے بھرپور شرکت کی اور تعلیم کی اہمیت پر زور دیا۔ ان کا کہنا تھا کہ سرکاری سکول معیاری تعلیم فراہم کرنے میں اہم کردار ادا کر رہے ہیں اور ہمیں اپنے بچوں کو ان اداروں میں داخل کروانا چاہیے۔

تقریب کے اختتام پر بچوں میں اسکول بیگز بھی تقسیم کیے گئے جس سے ان کی خوشی دیدنی تھی۔ یہ اقدام نہ صرف بچوں کی حوصلہ افزائی کا باعث بنا بلکہ والدین کے لیے بھی ایک مثبت پیغام ثابت ہوا۔

ہم تمام والدین سے اپیل کرتے ہیں کہ وہ اپنے بچوں کو تعلیم کے زیور سے آراستہ کریں اور انہیں قریبی سرکاری سکولوں میں داخل کروائیں تاکہ ایک روشن مستقبل کی بنیاد رکھی جا سکے۔

اے ایس ڈی ای او سرکل ہری پور صالح مشتاق صاحب کا گورنمنٹ پرائمری سکول سرائے نعمت خان کے وزٹ اس دوران داخلہ مہم کے سلسلے میں نئے داخلے ہونے والے بچوں کا اندراج کیا اور ان کو خوش آمدید کہا۔

گورنمنٹ پرائمری اسکول سرائے نعمت خان میں نئے داخلوں کا سلسلہ جاری ہے۔

گورنمنٹ پرائمری سکول سرائے نعمت خان نئے داخلوں کا سلسلہ جاری ہے۔