Jamia Banuria Darsamand Distt: Hangu KPK

الحمد للّٰہ! 4 جنوری 2026 بروز اتوار جامعہ بنوریہ درسمند، ضلع ہنگو میں سالانہ عظیم الشان جلسہ دستار بندی پروگرام نہایت جوش و خروش اور دینی جذبے کے ساتھ منعقد ہوا۔ اس بابرکت تقریب میں جامعہ ہٰذا کے فاضل طلبہ کی تکمیلِ حفظ، ناظرہ قرآن و درسِ نظامی کے موقع پر اُن کی دستار بندی کی گئی، جو یقیناً علاقے بھر کے لئے ایک تاریخی اور قابلِ فخر لمحہ تھا۔
جلسہ کا آغاز تلاوتِ کلامِ پاک سے ہوا جس کے بعد بارگاہِ رسالت ﷺ میں ہدیۂ نعت پیش کیا گیا۔ اس موقع پر ملک کے جید علمائے کرام، مشائخِ عظام اور معزز مہمانانِ گرامی شیخ الحدیث حضرت مولانا محمد عباس صاحب ۔ شیخ الحدیث حضرت مولانا زاہد پشاوری صاحب اور حضرت مولانا محمد اعظیم صاحب نے شرکت فرمائی۔ علماء نے اپنے خطابات میں علمِ دین کی اہمیت، مدارسِ دینیہ کی خدمات اور نئی نسل کی دینی تربیت کے حوالے سے نہایت قیمتی نصیحتیں ارشاد فرمائیں۔
پروگرام میں فارغ التحصیل طلبہ کی محنت اور اُن کے والدین کی قربانیوں کو خصوصی طور پر سراہا گیا۔ جامعہ کے اساتذہ کرام کی شبانہ روز کاوشوں کا ذکر کیا گیا جن کی بدولت آج یہ طلبہ قرآن و سنت کے پیغام کو آگے پہنچانے کے قابل ہوئے ہیں۔ جلسہ میں اہلِ علاقہ کی بڑی تعداد موجود تھی، جنہوں نے جامعہ بنوریہ درسمند کی دینی و تعلیمی خدمات پر بھرپور اعتماد کا اظہار کیا۔
جامعہ بنوریہ درسمند کے مہتممِ اعلیٰ محترم حاجی خان زمان صاحب اور معاونِ مہتمم محمد زمان صاحب نے اس کامیاب اور روح پرور تقریب کے انعقاد میں کلیدی کردار ادا کیا۔ اُن کی مخلصانہ جدوجہد اور دینی فکر کی بدولت یہ ادارہ دن بدن ترقی کی منازل طے کر رہا ہے۔ دونوں حضرات نے اپنے مختصر خطاب میں تمام مہمانوں، علماء، والدین اور اہلِ علاقہ کا شکریہ ادا کیا اور جامعہ کی مزید بہتری کے عزم کا اعادہ فرمایا۔
جلسہ کے اختتام پر فارغ ہونے والے خوش نصیب طلبہ کے سروں پر دستارِ فضیلت سجائی گئی، طلباء کرام میں انعامات تقسیم کئے گئے اور اجتماعی دعا کی گئی اور امتِ مسلمہ، ملکِ پاکستان اور جامعہ کی ترقی کے لئے خصوصی مناجات پیش کی گئیں۔ یہ تقریب اس بات کا عملی ثبوت تھی کہ دینی مدارس آج بھی قرآن کی روشنی پھیلانے اور معاشرے کی اصلاح میں مصروفِ عمل ہیں۔
اللہ تعالیٰ جامعہ بنوریہ درسمند کو مزید ترقی عطا فرمائے، مہتممین، اساتذہ اور طلبہ کی محنتوں کو قبول فرمائے اور اس ادارے کو علاقے کے لئے صدقۂ جاریہ بنائے۔ آمین یا رب العالمین۔
منجانب:
انتظامیہ جامعہ بنوریہ درسمند ضلع ہنگو، خیبر پختونخوا

جامعہ بنوریہ درسمند، تحصیل ٹل
علم و عمل، اخلاص و تربیت کا روشن مینار 🌙

جامعہ بنوریہ درسمند اُس علمی، روحانی اور تربیتی فضا کی عکاس ہے جہاں قرآن و سنت کی روشنی میں نسلِ نو کی کردار سازی کی جاتی ہے۔ یہ ادارہ نہ صرف علمِ دین کا گہوارہ ہے بلکہ اخلاق، صبر، تقویٰ اور خدمتِ دین کا عملی درسگاہ بھی ہے۔

یہاں کے اساتذۂ کرام کی محنت، طلبۂ عزیز کی جدوجہد اور اس مقدس ادارے کا روشن مستقبل امت کے لیے امید کی کرن ہے۔
دعا ہے کہ اللہ تعالیٰ جامعہ بنوریہ درسمند کو دن دُگنی رات چَوگنی ترقی عطا فرمائے، اسے دینِ اسلام کی خدمت کا مضبوط ذریعہ بنائے اور اس سے اٹھنے والی روشنی پوری امت کے لیے نفع بخش ثابت ہو۔ آمین 🤲

📍 جامعہ بنوریہ درسمند – تحصیل ٹل، ضلع ہنگو

الحمدللہ! آج بروز بدھ جامعہ بنوریہ درسمند ضلع ھنگو میں چار نیماہی امتحان کے نتائج کے حوالے سے روح پرور تقریب کا انعقاد کیا گیا۔ اس پر وقار محفل میں
تقریب کا آغاز تلاوتِ کلامِ پاک سے ہوا، جس کی سعادت مفتی عابد الرحمن صاحب نے خوش الحانی کے ساتھ حاصل کی۔ اس کے بعد طالب العلم سید عمر نے نظم سے محفل کو معطر کیا۔
طلبۂ کرام نے بھی نہایت جوش و جذبے سے شرکت کی جو محفل کی روحانیت اور تاثیر میں اضافے کا باعث بنے۔ اس میں خاص کردار ناظم عمومی مولانا شیر زمان صاحب نے بھی ادا کیا۔
تقریب کی رونق بڑھانے کے لیے جید علماء کرام اور مہمانانِ خصوصی نے بھی شرکت فرمائی۔ بالخصوص شیخ الحدیث حضرت مولانا قاری قابل بادشاہ صاحب، شیح الحدیث حضرت مولانا عبداللہ صاحب ، حضرت مولانا مفتی عبد الوھاب صاحب نے امتحان کی اہمیت پر ایمان افروز خطابات کیے، جنہیں حاضرین نے بڑے انہماک اور ذوق و شوق سے سماعت کیا۔
۔
اللّٰہ تعالیٰ سے دعا ہے کہ جامعہ بنوریہ درسمند کو مزید ترقی عطاء فرمائے
آمین