نمبل پروگریسو فورم, گھمیر نمبل بالا ضلع پونچھ آزاد کشمیر, Hajira (2026)

We are struggling to build a best society which consists on brotherhood and should not have division on basis of casts and tribals.

20/04/2026

# **اعلامیہ: نمبل پروگریسیو فورم (اجلاسِ نو)**
**مقام:** سہر کناس
**تاریخ:** 20 اپریل 2026
**وقت:** سہ پہر 3:00 بجے
آج مورخہ 20 اپریل 2026 بروز اتوار، سہر کناس کے مقام پر **نمبل پروگریسیو فورم** کا ایک اہم مشاورتی اجلاس منعقد ہوا، جس کا بنیادی مقصد فورم کی تنظیمِ نو، فعالیت اور مستقبل کے لائحہ عمل کا تعین کرنا تھا۔ اجلاس میں علاقے کی فلاح و بہبود اور سماجی بہتری کے لیے دور رس فیصلے کیے گئے۔
# # # **اہم فیصلے اور نکات:**
* **تنظیمِ نو و فعالیت:** فورم کو مکمل طور پر فعال کرنے کے لیے اتفاقِ رائے سے نئی انتظامی باڈی تشکیل دی گئی ہے۔ زمینی سطح پر کام کرنے والے اراکین کو ایک سال کی مدت کے لیے ذمہ داریاں تفویض کی گئی ہیں۔
* **مرکزی / ورکنگ کمیٹی کا قیام:** فورم کے معاملات کی نگرانی، دیکھ بھال اور تمام انتظامی و تنظیمی فیصلوں پر نظرثانی کے لیے ایک بااختیار **ورکنگ کمیٹی** تشکیل دی گئی ہے۔ یہ کمیٹی فورم کی شفافیت اور نظم و ضبط کو برقرار رکھنے کی ذمہ دار ہوگی۔
* **اغراض و مقاصد:** فورم نے اپنے اس پختہ عہد کی تجدید کی ہے کہ وہ معاشرے میں پھیلی غیر ضروری رسومات، فضول اخراجات اور سماجی برائیوں کے خاتمے کے لیے جدوجہد جاری رکھے گا۔
* **غیر سیاسی تشخص:** اعلامیہ میں واضح کیا گیا کہ **نمبل پروگریسیو فورم** ہر قسم کی سیاسی وابستگیوں سے پاک ایک خالص فلاحی ادارہ ہے، جس کا واحد مقصد انسانیت کی خدمت اور معاشرے کی فلاح و بہبود ہے۔
* **ماضی کی کارکردگی کا اعتراف:** اجلاس میں فورم کی جانب سے ماضی میں غریب اور نادار افراد کی امداد کے لیے کی گئی کوششوں کو سراہا گیا اور عزم کیا گیا کہ مستقبل میں ان خدمات کا دائرہ کار مزید وسیع اور مؤثر بنایا جائے گا۔
# # # **تشکیل شدہ باڈی و عہدیداران:**
اجلاس میں درج ذیل تنظیمی ڈھانچے کی منظوری دی گئی:
* **نگران سپریم ہیڈ:** محمد ظفرسدوزئی صاحب
* **صدر:** مسعود الحق صاحب
* **سیکرٹری جنرل:** چوہدری منور حسین صاحب
* **ترجمان:** کامران صاحب
* **مالیاتی بورڈ:** شفقت صاحب، ذوالفقار صاحب، وحید عزیز صاحب اور عرفان الحق صاحب
**نمبل پروگریسیو فورم** تمام اراکین اور مخلص دوستوں سے اپیل کرتا ہے کہ وہ معاشرے کی تعمیر و ترقی اور فلاحی کاموں میں ہمارا ساتھ دیں تاکہ ہم مل کر ایک بہتر اور خوشحال معاشرہ تشکیل دے سکیں۔
**جاری کردہ:**
کامران کشمیری
ترجمان، نمبل پروگریسیو فورم

13/04/2026

﷽
*ﺍﻟﺴَّـــــــﻼَﻡُ ﻋَﻠَﻴــْــﻜُﻢ وَرَحْمَةُ اللّٰهِ وَبَرَڪَاتُ*

اٹھیں تو اس یقین کے ساتھ کہ رحمٰن نے رحم کر دیا ہے، کریم نے کرم کر دیا ہے، رزاق نے رزق لکھ دیا ہے، سمیع نے دعا سن لی ہے، بصیر نے اشک ندامت دیکھ لیا ہے، غفار نے معاف کر دیا ہے اور قدوس نے پاک کر دیا ہے۔رب کی رضا کے ساتھ زندگی کی تمام خوشگوار بہاریں آپ کو میسر ہوں۔ دنیا و آخرت میں عزت و وقار نصیب ہو۔ہمیشہ اللہ کریم کی رحمتوں کے سائے میں رہیں۔ خوش رہیں اور خوشیاں بانٹیں۔

*آمیـــــــــن‎ ثمہ آمیـــــــــن‎ یا رب العالمیـــــــــن‎*

11/04/2026

اج مورخہ 10 اپریل بروز ہفتہ نمبل پروگیسو فورم کے زیر اہتمام تقریب کا انعقاد کیا گیا تقریب سے خطاب کرتے ہوے مقررین نے نمبل پروگریسو فورم کو دوبارہ متحرک کرنے پر خوشی کا اظہار کرتے ہوے سردار ظفرصأحب ، عابد حمیدصأحب ، وحید عزیزصأحب ، ،مسعود الحق صأحب ،کامران بشیر صأحب ،منور چوہدری صأحب ،ڈاکٹر محمود صأحب ،زولفقار شفیع صأحب، عرفان الحق صاحب اور زبیر الحق صأحب سمیت جن لوگوں نے دوبارہ فورم کو متحرک کیا ان کو مبارکباد دی۔
مقریرین نے اس نمبل پروگریسو فورم کے ماضی کے کاموں بھی سراہا اور مستقبل کے حوالے سے نیک خواہشات کا پیغأم دیا۔
نمبل پروگریسو فورم کے کمیٹی کے ممبران نے اس عزم کا اظہار کیا۔کہ یہ فورم نمبل بالا کے اندر سوشل ورک پر کام کرے گا۔
سیاست سے بالاتر ہو کر عوام علاقہ۔نمبل بالا کی خدمت کرے گا۔
یہ فورم صرف فلاحی کاموں کے لیے استعمال ہو گا۔
غریب اور مستحق لوگوں کی ہر طرح کی مدد کرے گا۔
فورم سیاسی معاملات سے پاک رہے گا۔فورم کا مقصد صرف عوام کی خدمت کرنی ہے۔
معزیزین نے نمبل پروگریسو فورم کے کام کو سراہا اور فورم کی ہر طرح کی سپورٹ کا اعلان کیا۔

تقریب کے اخر پر نمبل پروگریسو فورم کے پلیٹ فارم سے بچوں میں کتابیں تقسیم ہوہی۔
اور جن بچوں نے سنٹر ٹأپ کیا تھا۔ان کو انعامات دیے۔
اللہ پاک سے دعا ہے۔کہ جو لوگ بھی اس نیک مقصد میں شامل ہوے۔اللہ پاک ان کو صحت و تندرستی دے۔اور مزید اچھے کام کرنے کی توفیق عطا فرما

05/02/2025

عجب کرپشن کی غضب کہانی۔

یونین کونسل گھمیر کے چوہدری نصیر صاحب
عرصہ دراز سے ٹھکیداری کے شعبے سے منسلک ہیں اور اس شعبہ میں وسیع تجربہ رکھتے ہیں۔
جناب کے پاس نمبل بالا میں ایک کلومیٹر روڈ کا پروجیکٹ ہے۔اور اپنے ایک بڑے تجربے کی بنیاد پر اس پروجیکٹ میں موصوف نے کرپشن کی انتہا کر دی ہے۔۔

اس پروجیکٹ کی دیواریں جو گورنمنٹ کے ورک آرڈر کے مطابق(Plum Concrete) یعنی آر سی سی تھیں۔
جناب نے وہ دیواریں پتھروں کی لگا دی ہیں۔ورک آرڈر کے اندر لارنس پور کا ریت اور بجری کا سائز 19 ایم ایم تھا۔
لیکن اس بندے کی دیدہ دلیری کی انتہا دیکھیں۔کہ اس نے پتھر کی دیواریں بنا کر اس پہ رنگڑ کے گیڑے سے ٹیپ کر کے لوگوں کی آنکھوں میں پسر ڈالنے کی کوشش کی۔

یونین کونسل گھمیر کی بدقسمتی یہ ہے۔کہ یہاں مختلف پارٹیوں کے بڑے بڑ ے لیڈران صاحبان ہیں۔اور کچھ لیڈران کے ان ٹھکیداروں سے خاص تعلق ہیں۔

اگر گورنمٹ ہمیں کوئی پروجیکٹ دے بھی دیتی ہے۔تو ہمیں چاہیے کہ اس کو ایسے تعمیر کریں کہ لوگ اس سے فائدہ اٹھائیں ۔اور عوام کے حقوق پر ڈاکہ ڈالنے کے بجاے۔ان کے کسی پروجیکٹ سے کرپشن کر کے حرام کھانے سے اجتناب کریں۔

نمبل بالا گھمیر کی عوام نے ایک درخواست بھی اینٹی کرپشن میں دی ہوئی ہے۔لیکن ابھی تک اینٹی کرپشن سے اس کرپٹ اور فراڈیے ٹھکیدار کے خلاف کوئی ایکشن نہیں لیا گیا۔
کیونکہ ان کرپٹ عناصر کی پہنچ ہر محکمہ تک ہے۔
اینٹی کرپشن اگر اس کیس کو ہنگامی بنیادوں پر نہیں دیکھتی ۔تو عوام علاقہ احتجاج کا بھی حق رکھتے ہیں۔
خاص طورپر نمبل بالا کے
چوہدری عبدالعزیز صاحب
چوہدری ارشد صاحب
سردار کبیر صاحب
سردار لطیف صاحب
سردار زاہد صاحب
سردار محمد صابر صاحب
سردار محمد افتخار صاحب
چوہدری محمد امین صاحب
چوہدری محمد مرتضی صاحب
ان لوگوں کا شکریہ اور انکو خراج تحسین پیش کرتے ہیں جنوں نے اس کرپشن اور دو نمبری کے خلاف آواز بلند کی۔اور اینٹی کرپشن کا دروازہ کھٹکھٹایا۔

اینٹی کرپشن میں دی گئی درخواست, ورک آرڈر اور دیواروں کی تصاویر بھی پوسٹ کے ساتھ لگی ہیں۔

ہم یونین کونسل گھمیر عباسپور ,ہجیرہ اور ضلع پونچھ کی سیاسی سماجی و مذہبی قائدین و معززین سے ہم درخواست کرتے ہیں۔کہ ان کرپٹ اور بے ایمان لوگوں کی سیاسی پشت پناہی کے بجائے انھیں ہر چوراہے پر بے نقاب کیا جائے ۔اور انکے کرتوت ہرعام و خاص کو بتائے جائیں۔تاکہ ایسے لوگوں کے ہاتھوں عوام کا مزید استحصال نہ ہو سکے۔

30/01/2025

پاکستان مسلم لیگ ن کے سرکردہ راہنما ٹھیکدار سردار طاہر بشیر صاحب کسی تعارف کے محتاج نہیں۔
جناب سیاسی لوگوں کی بیٹھک میں ہمشیہ فوٹوسیشن میں سر فہرست پائے جاتے ہیں۔
کچھ عرصہ قبل سیاست کے ساتھ ٹھکیداری میں بھی اپنا نام کمانے کے چکر میں پڑھ گے۔اور اپنی ہی یونین کونسل گھمیر کے ایک دور افتادہ علاقہ نمبل بالا میں دو ٹھیکے سڑکوں کے لے اوڑھے
اور وہ بھی انتہاہی کم ریٹ پر
ایک ٹھیکہ 2020 میں لیا۔جو چٹا پڑھ سے ڈھارے والا کھیت تک کا تھا۔
لیکن بدقسمتی سے عرصہ پانچ سال گزرنے کے بعد بھی وہ روڈ پیدل چلنے کے قابل بھی نہ رہی۔پہلے جیپں تو لوگوں کی ضروریات پوری کرتی تھی۔لیکن اس مسلم لیگ ن کے شیر نے اس کی حالت بھی بگاڑ دی۔
دوسری روڈ کناس سے کسیاں جس کا ٹھیکہ اسی مرد حر نے لیا۔اور اس کو بھی کم بیش تین سال ہو گے۔وہ بھی اس ٹھیکدار کی نالائقی کی سزا عوام بھگت رہی ہے۔

موصوف پی ایم ایل این کے مرکزی مجلس عاملہ کے ممبر بھی ہیں۔
اور حلقہ ایل اے اٹھارہ ون کے جو ن لیگی قیادت ہے۔اس کے ساتھ موصوف کسی بھی پروگرام کی سلیفی ہاتھ سے نہیں جانے دیتے۔
اس لیے ن لیگ کی قیادت سے درخواست ہے۔کہ اپنے اس ٹھکیدار بھائی سے بات کریں۔کہ سیاست بعد میں کرنا۔جو اپنی یونین کونسل کی عوام کو جس عذاب میں ڈالا ہوا ہے۔ان کا اس سے نکالنے میں اپنی توانائیاں خرچ کر۔

تمام ن لیگی قیادت سیاسی زعما ان سڑک کی تصاویروں کو دیکھ کر اس رہنما سے درخواست کریں۔
کہ عوام نمبل بالا پر کچھ ترس کھا
عوام علاقہ نے ن لیگی اس شیر کے خلاف ایس ڈی ایم ہجیرہ اور محکمہ شاہرات کو درخوستیں بھی دے رکھی ہیں لیکن ابھی تک کوئی حل نا نکل سکا۔ اب عوام علاقہ اپنا آخری حل تلاش کرے گی اور اس کے لیے ہجیرہ عباسپور روڈ پر اس وقت تک دھرنا دیا جائے گا جبتک ان سڑکوں کا کام باقاعدگی سے شروع نہیں ہو جاتا۔

Address

گھمیر نمبل بالا ضلع پونچھ آزاد کشمیر
Hajira

Telephone

+923479976947

Website

https://wa.me/message/NL2WS5WA2LJRC1

Alerts

Be the first to know and let us send you an email when نمبل پروگریسو فورم posts news and promotions. Your email address will not be used for any other purpose, and you can unsubscribe at any time.

نمبل پروگریسو فورم