ساڈی پنجابی Sadi Punjabi

"ربّا! ساڈے پنجاب دے کساناں دی محنت نوں ہڑھ توں بچا لیں۔ جدوں مینہہ قہر بن جاوے، تے تیرے باہجوں کوئی سہارا نہیں ہندا۔ ساڈی سونا اگلدی زمین تے اپنا کرم کر تے کسے کسان دی اکھ وچ اتھرو نہ آون دے۔"

21 فروری ماں بولی دا عالمی دیہاڑ ساڈی پہچان، ثقافت تے ورثے نال محبت دا دن اے۔ ایس موقعے تے پنجابی ماں بولی دی اہمیت اُجاگر کرن لئی جیل چوک توں پریس کلب گجرات تک ایک پروقار واک دا اہتمام کیتا گیا۔ واک وچ ڈاکٹر صاحبان، وکلاء برادری تے علاقے دیاں نامور شخصیات نے بھرپور شرکت کیتی تے پنجابی دے فروغ لئی اپنے عزم دا اظہار کیتا۔

پنجابی صرف اک زبان نئیں، ایہہ ساڈی تاریخ، ساڈے جذبات تے ساڈی ثقافتی شناخت دی بنیاد اے۔ ایہہ اوہ مٹھڑی بولی اے جیہڑی ساڈے لوک گیتاں، کہانیاں تے روایتاں نوں نسل در نسل زندہ رکھدی آئی اے۔

آؤ ایس ماں بولی دے دن تے عہد کریے کہ پنجابی نوں اپنے گھراں، تعلیمی اداریاں تے ہر محفل وچ فخر نال بولیئے تے اپنی آنے والی نسلاں تک منتقل کریے۔
پنجابی ساڈی شان اے، ساڈی پہچان اے۔ 💚
#پنجابی