https://www.facebook.com/111920543909224/

Keris Student Federation - KSF, Keris, Gilgit Baltistan (2026)

16/06/2026

مبارکباد 🎉

الحمدلللہ آج ہمارے محترم استاد، جناب سر علی صاحب برچھونگ، پرنسپل گورنمنٹ بوائز ہائی سکول کریس، اپنی شاندار خدمات کے بعد باعزت سبکدوش ہوئے۔

آپ نے 39 سال تعلیمی خدمات انجام دیتے ہوئے ایمانداری، فرض شناسی اور وفاداری کا عملی نمونہ پیش کیا۔

ٹیم کے ایس ایف دل کی گہرائیوں سے آپ اور آپ کے اہل خانہ کو مبارکباد پیش کرتے ہیں۔

08/06/2026

Victory opens the door; leadership begins after it.

جی بی ایل اے 22 گنگچھے 1 سے کامیابی حاصل کرنے پر حاجی محمد ابراہیم ثنائی صاحب کو دلی مبارکباد پیش کرتے ہیں۔ اس کے ساتھ ساتھ ان کے تمام سپورٹرز، کارکنان اور ووٹرز کو بھی اس کامیابی پر مبارکباد۔

عوام نے آپ پر اعتماد کرتے ہوئے، آپ سے وابستہ امیدوں اور آپ کی ماضی کی سیاسی و سماجی خدمات کو مدنظر رکھتے ہوئے آپ کو اپنا نمائندہ منتخب کیا ہے۔ ہمیں امید ہے کہ آپ ان توقعات پر پورا اتریں گے اور انتقامی سیاست، ذاتی پسند و ناپسند اور گروہی تقسیم سے بالاتر ہو کر پورے حلقے کی نمائندگی کریں گے۔

یقیناً علاقے میں نظم و ضبط برقرار رکھتے ہوئے، اتحاد و اتفاق کے ساتھ انتخابی عمل کا مکمل ہونا باعث مسرت ہے، لیکن ہمیں حقیقی خوشی اس وقت ہوگی جب منتخب شدہ نمائندہ عوامی مسائل کے حل اور علاقے کی ترقی کے لیے عملی اقدامات کا آغاز کریں گے۔ بالخصوص وہ مطالبات اور ترجیحات جنہیں ہم نے اپنے Charter of Demands کی صورت میں تمام امیدواروں کے سامنے پیش کیا تھا، ان پر پیش رفت دیکھنا ہمارے لیے زیادہ اہم ہوگا۔

ان شاء اللہ ہم بھی اپنے چارٹر آف ڈیمانڈ کے حوالے سے مسلسل Follow-up کرتے رہیں گے اور اپنے علاقے کے جائز حقوق کے حصول کے لیے ہر قانونی، جمہوری اور آئینی راستہ اختیار کریں گے۔

آخر میں اپنے پورے حلقے، بالخصوص کریس کے تمام سیاسی کارکنان، نوجوانوں اور عوام کا تہہ دل سے شکریہ ادا کرتے ہیں جنہوں نے سیاسی اختلافات کے باوجود اس انتخابی عمل کو مہذب، پرامن اور باہمی احترام کے ماحول میں مکمل کیا۔ آپ سب نے ایک دوسرے کی رائے، سیاسی وابستگی اور انتخاب کا احترام کرتے ہوئے جس رواداری کا مظاہرہ کیا، وہ قابلِ ستائش ہے۔
شکریہ۔

04/06/2026

🌹پیوستہ رہ شجر سے امیدِ بہار رکھ🌱

ہماری ایک بڑی بدقسمتی یہ رہی ہے کہ ہم میں سے اکثر لوگ سوشل میڈیا، محفلوں اور گلی کوچوں میں یہ شکوہ کرتے رہتے ہیں کہ کریس کے لوگ کبھی جاگ نہیں سکتے، کبھی اپنے حقوق کے لیے آواز بلند نہیں کرتے، اور بحیثیت قوم شعور اور اتحاد کا مظاہرہ نہیں کرتے۔ مگر سوال یہ ہے کہ اگر ہم واقعی اس سوچ پر یقین رکھتے ہیں تو پھر اس صورتحال کو بدلنے کے لیے ہم نے عملی طور پر کیا کیا؟

بحیثیت تنظیم ہمارا بنیادی مقصد ہی علاقے میں تعلیم، شعور اور آگاہی کو فروغ دینا ہے۔ اسی سوچ کے تحت ہم نے اس انتخابی عمل میں شور و غوغا، جذباتی نعروں اور شخصیات کی سیاست سے ہٹ کر علاقے کے مفاد اور بہتری کے لیے ایک جامع اور قابلِ عمل Charter of Demands پیش کرنے کا فیصلہ کیا۔

ہمارا مقصد اس چارٹر آف ڈیمانڈ کو محض سوشل میڈیا کی زینت بنانا نہیں تھا۔ اسی لیے اسے عوام کے سامنے لانے سے پہلے ہمارے ممبران نے کریس کے مختلف مکاتبِ فکر کے علماء، عمائدین اور سماجی شخصیات سے ملاقاتیں کیں۔ ان کے ساتھ ہمارے مقاصد اور مطالبات پر تفصیلی گفتگو ہوئی، اور تمام معززین نے نہایت مفید تجاویز پیش کیں۔

اتحادِ کریس کے جذبے کے تحت ہم نے مختلف سیاسی جماعتوں سے تعلق رکھنے والے چند سرگرم کارکنان سے بھی مشاورت کی۔ الحمدللہ یہ تجربہ انتہائی مثبت رہا، کیونکہ کریس کے مفاد کے معاملے میں مختلف مکاتبِ فکر، سیاسی جماعتوں اور نظریات سے تعلق رکھنے والے افراد ایک صفحے پر نظر آنے کے لیے تیار تھے۔ محسوس یہ ہوا کہ کمی صرف ایک واضح منصوبے اور اس پر مخلصانہ انداز میں کام کرنے والی باشعور ٹیم کی ہی ہے۔

یہ حقیقت ہے کہ شاید ہم نے اس جدوجہد کا آغاز کچھ دیر سے کیے، مگر تاریخ گواہ ہے کہ مثبت سوچ اور اجتماعی عزم کئی بار حالات کا رخ بدل دیتے ہیں۔ اس انتخابی عمل کے دوران ہمیں اپنے لوگوں میں علاقے کے مفاد کے حوالے سے ایک نئی سوچ اور مثبت رویہ دیکھنے کو ملا، جسے ہم مستقبل کے لیے امید کی ایک روشن کرن سمجھتے ہیں۔ ہمیں یقین ہے کہ آنے والے سالوں میں ہماری عوام اتحاد، اتفاق اور شعوری سیاست کی ایک بہترین مثال قائم کرے گی۔

اسی مقصد کے تحت ہم نے کریس کے اہم مسائل اور مطالبات تمام مکاتبِ فکر کے علماء کرام، سیاسی قائدین اور انتخابی امیدواروں کے سامنے پیش کیے۔ چاہے مسلم لیگ (ن) کے کیپٹن صفدر صاحب ہوں، امیدوار ابراہیم ثنائی صاحب ہوں یا پاکستان پیپلز پارٹی کے امیدوار ڈاکٹر عاشق صاحب، ہم نے سب کے سامنے کریس کے مسائل، عوامی مطالبات اور ان کے ممکنہ حل کے لیے اپنی تجاویز اور ترجیحات پیش کیں۔

ہمیں امید ہے کہ کل جو بھی امیدوار عوام کی نمائندگی کا اعزاز حاصل کرے گا، وہ کریس کے مسائل اور عوامی مطالبات کو ترجیحی بنیادوں پر حل کرنے کی بھرپور کوشش کرے گا۔

آخر میں ہم علاقے کے تمام سیاسی کارکنان، نوجوانوں اور ووٹرز سے درخواست کرتے ہیں کہ الیکشن کو انا، ضد یا ذاتی برتری کا مسئلہ نہ بنائیں۔ اپنے ضمیر اور سوچ کے مطابق فیصلہ کریں، اپنے پسندیدہ امیدوار کو ووٹ دیں، لیکن اختلافِ رائے رکھنے والوں کا احترام بھی برقرار رکھیں۔ رواداری، بھائی چارے اور باہمی احترام کا ماحول قائم رکھنا ہم سب کی مشترکہ ذمہ داری ہے۔

الیکشن چند دنوں کا عمل ہے، مگر ہمارے رشتے، ہماری برادری اور ہمارا معاشرہ ہمیشہ باقی رہنے والے ہیں۔

شکریہ۔

31/05/2026

تردیدی بیان

کل شام کے ایس ایف (KSF) کے ممبران نے اپنے حلقے کے ایک امیدوار، ڈاکٹر عاشق صاحب، سے ملاقات کی۔ بطور ایک غیر جانبدار طلبہ و سماجی تنظیم، ہم حلقے کے تمام امیدواروں سے ملاقات کر رہے ہیں، انہیں اپنا Charter of Demands پیش کر رہے ہیں، اور ماضی کی کارکردگی، عوامی مسائل اور مستقبل کے منصوبوں کے حوالے سے تفصیلی گفتگو کر رہے ہیں۔

ڈاکٹر عاشق صاحب کے ساتھ ہونے والی ملاقات میں بھی یہی طریقۂ کار اختیار کیا گیا۔ اس دوران مختلف عوامی اور علاقائی مسائل پر سوالات کیے گئے، جن کے جوابات ڈاکٹر صاحب نے اپنی معلومات اور مؤقف کے مطابق دیے۔ قابلِ ذکر بات یہ ہے کہ اس ملاقات کے مکمل Minutes اور تفصیلات ابھی تک KSF کے کسی بھی سوشل میڈیا پلیٹ فارم یا گروپ میں شیئر نہیں کیے گئے ہیں۔

اس کے باوجود، کچھ لوگ اپنی سیاسی مخالفت کو لیکر سوشل میڈیا پر ذاتی تشریح اور قیاس آرائی پر مبنی ایک نامناسب تاثر پیش کرنے کی کوشش کررہے ہیں، جو نہ صرف حقائق کے منافی ہے بلکہ ملاقات کے اصل مقصد اور نوعیت کی بھی غلط عکاسی کرتا ہے۔

ہم اس طرزِ عمل کی سخت الفاظ میں مذمت کرتے ہیں اور گزارش کرتے ہیں کہ مذکورہ پوسٹ کو فوری طور پر حذف کیا جائے۔ سیاسی اختلاف ہر فرد کا حق ہے، تاہم حقائق کو توڑ مروڑ کر پیش کرنا، افراد یا تنظیموں کی نیت اور کردار پر بلاجواز تبصرہ کرنا کسی صورت مناسب نہیں۔

ہم ایک بار پھر واضح کرنا چاہتے ہیں کہ KSF کسی بھی امیدوار یا سیاسی جماعت کی انتخابی مہم کا حصہ نہیں، بلکہ عوامی مسائل، نوجوانوں کے مستقبل اور علاقے کے اجتماعی مفادات کے حوالے سے تمام امیدواروں سے یکساں بنیادوں پر مکالمہ کر رہی ہے۔

29/05/2026

السلام علیکم ورحمۃ اللہ وبرکاتہ

برادرانِ عزیز!
جیسا کہ آپ سب بخوبی آگاہ ہیں کہ گلگت بلتستان کے انتخابات دن بدن قریب آتے جا رہے ہیں اور ہمارے حلقے میں بھی سیاسی سرگرمیاں عروج پر ہیں۔ اس موقع پر یہ واضح کرنا ضروری ہے کہ کے ایس ایف (KSF) بطور تنظیم خود کو کسی بھی سیاسی جماعت یا گروہ سے منسلک نہیں کرے گی۔

تاہم، ووٹ دینا ہر شہری کا بنیادی اور جمہوری حق ہے، اور ہم سب کی ذمہ داری ہے کہ اس حق کو ضائع ہونے سے بچائیں۔ لہٰذا آپ سے گزارش ہے کہ اپنی ذاتی رائے اور شعور کے مطابق ایسے امیدوار یا جماعت کا انتخاب کریں جو آپ کے نزدیک علاقے، بالخصوص کریس، کے مسائل کو حل کرنے کی صلاحیت رکھتی ہو۔ اپنے ووٹ کا لازمی اور مثبت استعمال کریں۔

مزید برآں، بطور ایک ذمہ دار تنظیم، کے ایس ایف نے ایک “چارٹر آف ڈیمانڈ” تیار کیا ہے۔ علاقہ کریس میں موجود تمام سیاسی جماعتوں اور ان کے سپورٹرز سے ہماری گزارش ہے کہ چاہے آپ ذاتی طور پر کسی بھی جماعت یا امیدوار کی حمایت کرتے ہوں، لیکن علاقے کے اجتماعی مفاد کو ترجیح دیتے ہوئے کریس کے بنیادی مطالبات اور ضروریات اپنے اپنے نمائندگان کے سامنے ضرور پیش کریں۔

اس چارٹر کا مقصد یہ ہے کہ کامیاب ہونے والا نمائندہ صرف مخصوص ووٹرز یا گروہوں تک محدود نہ رہے بلکہ پورے علاقے کی فلاح و بہبود، ترقی اور بنیادی مسائل کے حل کے لیے عملی اقدامات کرے۔

ہم امید کرتے ہیں کہ ہم سب مل کر علاقے کے بہتر مستقبل کے لیے مثبت کردار ادا کریں گے۔
آپ سب کا بہت بہت شکریہ۔

19/05/2026

Alhumdulillah! A moment of pride and celebration for all of us.

We would like to extend our warmest congratulations to Sheikh Dr. Bashir ur Rehman Hanif of Keris valley on his appointment as Assistant Professor (Scale 19) at the International Islamic University Islamabad.

May Allah grant him more success. Ameen 🤲🏻

14/05/2026

*خوشی کا لمحہ*

کریس کی دو قابل، باصلاحیت اور محنتی بیٹیوں
خیر النساء دختر محمد حسن محلہ موڑونگپہ
اور
کبریٰ بتول دختر آخون باقر محلہ شغرن
کو دل کی گہرائیوں سے مبارکباد پیش کرتے ہیں جنہوں نے اپنی انتھک محنت، لگن، عزم کے ساتھ BS English Literature کی ڈگری Lahore College for Women University سے کامیابی کے ساتھ مکمل کی ہیں۔
ایک لڑکی کے لیے کریس جیسے دور دراز علاقے سے لاہور جا کر اعلیٰ تعلیم حاصل کرنا آسان نہیں تھا۔ گھر سے دور رہنا، نئے ماحول میں خود کو ثابت کرنا، مشکلات کا سامنا کرنا اور محنت کے ساتھ اپنے خواب کو پایہ تکمیل تک پہنچانا یقیناً بہت بڑی ہمت اور حوصلے کی بات ہے۔ لیکن ان دونوں بیٹیوں نے ثابت کیا کہ اگر ارادے مضبوط ہوں تو راستوں کی دشواریاں انسان کا راستہ نہیں روک سکتے۔
یہ کامیابی صرف ایک ڈگری نہیں بلکہ صبر، قربانی، مستقل مزاجی اور خوابوں پر یقین کی ایک خوبصورت مثال ہے۔ آج ان دونوں کی یہ کامیابی نہ صرف ان کے والدین بلکہ پورے کریس کے لیے فخر کا باعث ہے، اور یہ دوسری بیٹیوں کے لیے بھی ایک روشن پیغام ہے کہ تعلیم ہی وہ طاقت ہے جو انسان کی زندگی بدل دیتی ہے۔
اس خوشی کے موقع پر ان کی فیملی اور پورے کریس کو مبارکباد پیش کرتا ہوں۔
یقیناً تعلیم یافتہ، باکردار اور باصلاحیت خواتین ایک باشعور، مہذب، مضبوط اور ترقی یافتہ معاشرے کی بنیاد ہوتی ہیں۔
اللّه ان دونوں کو مزید کامیابی عطاء کرے۔ آمین

کریس سٹوڈنٹس فیڈریشن

11/05/2026

السلام علیکم برادرز!
امید ہے آپ سب خیریت سے ہوں گے۔
جیسا کہ آپ کو معلوم ہے کہ پاکستان بھر کی مختلف یونیورسٹیوں میں داخلوں اور رجسٹریشن کا عمل شروع ہو چکا ہے۔ ہر سال کی طرح اس سال بھی طلبہ کی رہنمائی کے لیے KSF Admission Cell قائم کر دیا گیا ہے، جہاں ہماری ٹیم ایڈمیشن سیکرز کو ہر ممکن رہنمائی فراہم کرے گی۔

مختلف یونیورسٹیوں کے داخلہ طریقۂ کار الگ ہوتے ہیں۔ کچھ ادارے اپنے انٹری ٹیسٹ خود لیتے ہیں جبکہ کئی یونیورسٹیز NTS، USAT اور HAT وغیرہ کی بنیاد پر داخلے دیتی ہیں۔ بعض جامعات میں بغیر انٹری ٹیسٹ کے بھی ایڈمیشن ممکن ہوتا ہے۔

اسی طرح گلگت بلتستان کے طلبہ کے لیے مختلف یونیورسٹیوں میں ریزرو سیٹس بھی موجود ہوتی ہیں، جن کے لیے بروقت نومینیشن فارم جمع کروانا ضروری ہوتا ہے۔

لہٰذا تمام طلبہ سے گزارش ہے کہ داخلوں، ٹیسٹس اور ریزرو سیٹس سے متعلق بروقت معلومات اور رہنمائی کے لیے KSF Admission Cell سے رابطے میں رہیں۔ شکریہ

11/04/2026

Paramedics are the cornerstone of any healthcare system, and their commitment and perseverance serve as a source of inspiration.

TeamKSF extend our warmest felicitations to all newly promoted paramedical employees of the Keris valley. May Allah grant you all greater success. Ameen 🤲🏻

10/04/2026

It is with immense pleasure that we offer our heartfelt congratulations to Maroof Ali Khan, one of our distinguished founding members, and his family on the completion of his Master's degree from Ming Chin University of Taiwan.

We wish him all the very best for his future endeavors. Indeed, it is a moment of great pride for all of us and a source of motivation for the juniors to follow.
Maroof Ali Khan 👏🏻🤲🏻

Keris Student Federation - KSF

16/06/2026

08/06/2026

04/06/2026

31/05/2026

29/05/2026

19/05/2026

14/05/2026

11/05/2026

11/04/2026

10/04/2026

Address

Website

Alerts

Contact The School

Shortcuts

Share

Listing takedown request