Career Building Academy Fatehpur

20/09/2026

💐💐💐 ایم ڈی کیٹ کے غازیوں کے نام 💐💐💐

سی بی اے سے فارغ التحصیل عزیز تلامذہ!

یاد رکھو، ایم ڈی کیٹ صرف ایک ٹیسٹ ہے، تمہاری قابلیت جانچنے کا پیمانہ اور تمہارے مستقبل روشن ہو تاریک کرنے کا کوئی حتمی فیصلہ نہیں۔ تم نے اپنی کامیابی کے لیے جو دن رات محنت کی ہے اور اپنی جو نیندیں قربان کی ہیں، اللہ اس کا صلہ ضرور دے گا۔

نتیجہ جو بھی ہو، تم ناکام نہیں ہو۔ کوشش کرنا تمہارا کام تھا، کامیابی دینا اللہ کا کام ہے۔ ایک دروازہ بند ہوتا ہے تو اللہ سو اور دروازے کھول دیتا ہے۔

گھبراؤ نہیں، پرسکون رہو، پر اعتماد رہو۔ یقیناً تم ڈاکٹر بننے کے لیے ہی پیدا ہوئے ہو، چاہے راستہ تھوڑا لمبا کیوں نہ ہو اور محنت تھوڑی زیادہ ہی کیوں نہ کرنی پڑے۔

*اللہ تمہیں تمہاری محنت سے بڑھ کر عطا فرمائے۔ آمین*

تمہاری کامیابی کے لیے دعاگو!
ٹیم سی بی اے فتح پور، سوات

ہزار برق گرے لاکھ آندھیاں اٹھیں
وہ پھول کھل کے رہیں گے جو کھلنے والے ہیں

01/08/2026

بچوں سے ذیادہ والدین بگڑے ہوئے ہیں۔ ان کو تربیت کی ضرورت ہے۔
کچھ سال پہلے کی بات ہے۔ ایک بچے کے والدین آفس آئے اور ٹیچرز کی شکایت کرنے لگے۔ بچے کا والد خاموش تھا۔ صرف والدہ بول رہی تھی۔ ان کا بچہ انتہائی بدتمیز تھا۔ بچے کو بلایا گیا۔ وہ سلام کئے بغیر والدہ کی ساتھ والی کرسی پر بیٹھ گیا۔ باتوں باتوں میں والدہ نے بڑے فحر سے بتایا کہ ان کا لاڈلا پب جی کے بڑے لیول پر کھیل رہا ہے۔ مجھے پتہ چلا کہ اگر آپ پب جی مسلسل کھیلتے ہیں تو آپ کو ایک حاص لیول دیا جاتا ہے جس سے آپ کو اس کمیونٹی میں اچھا پلئیر تسلیم کرلیا جاتا ہے۔ بچہ اسی لیول پر تھا۔ میں نے والد کو مخاطب کرکے بات کرنے کی کوشش کی لیکن والدہ مسلسل بول رہی تھی۔ جیسے تیسے کرکے ان سے جان چھڑائی۔
سٹینفرڈ یونیورسٹی کے جونیئر سکول سے 72 بچوں کا انتخاب کیا گیا۔ 36 بچیاں اور 36 بچے اکھٹے کئے گئے۔ بچوں کی عمریں 3 سے 6 سال کے درمیان تھی۔ سب بچوں کا Behaviour ٹسٹ کیا گیا تھا اور رزلٹ مخفوظ کرلئے گئے۔ 72 بچوں کو تین گروپس میں تقسیم کیا گیا۔
ایک غبارے سے بنا کھلونا (Bobo Doll) بنایا گیا جس کی لمبائی 5 فٹ تھی۔ غبارے کو ہوا سے بھر کر مسخرے Clown کی شکل دے دی گئی۔
پہلے گروپ کے سامنے دو بالغ افراد کو لایا گیا جس میں ایک خاتون اور ایک مرد تھے۔ دونوں متشدد تھے۔ مرد نے بوبو ڈول کو مارنا شروع کیا۔ گالیاں دی اور مسلسل مارتا رہا۔ عورت نے بوبو ڈول کو برا بھلا کہنا شروع کیا۔ بچے یہ سب دیکھتے رہے۔
دوسرے گروپ میں دو اور بالغ افراد نے بوبو ڈول کے سامنے نارمل روئیہ اپنایا۔ انھوں نے بوبو ڈول کو کچھ نہیں کہا اور اپنا کام کرتے رہے۔
تیسرے گروپ کے سامنے ایسے بالغ افراد کو لایا گیا جو بوبو ڈول کے ساتھ پُرامن طریقے سے کھیلتے رہے۔ اس کا خیال رکھتے رہے اور پیار کرتے رہے۔
اس کے بعد بچوں کو ایک کمرے میں لے جایا گیا جہاں بہت سارے کھلونے رکھے گئے تھے۔ تھوڑی دیر بعد بچوں کو حکم ملا کہ وہ کھلونوں کے ساتھ نہیں کھیل سکتے تاکہ بچے فرسٹریٹ اور ناراض ہوجائیں۔
اس کے بعد بچوں کو الگ الگ کمروں میں بوبو ڈول کے ساتھ چھوڑا گیا۔ متشدد گروپ والے بچوں نے وہی روئیہ اپنایا جو ان کے سامنے پیش کیا گیا تھا۔ وہ بوبو ڈول کو مارتے رہے۔
باقی دونوں گروپس نے بھی وہی روئیہ اپنایا جو ان کے سامنے پیش کیا گیا تھا۔
یہ تجربہ سٹینفرڈ یونیورسٹی کے پروفیسر اور مشہور امریکی ماہر نفسیات البرٹ بانڈورا (Albert Bandura) کے زیر نگرانی ہورہا تھا۔
اس تجربے سے البرٹ بانڈورا نے نتیجہ اخذ کیا کہ بچے اپنے ماحول سے سیکھتے ہیں۔ اگر ارد گرد کے ماحول میں تشدد یا کوئی بھی برائی موجود ہے تو بچوں کو ان برائیوں سے روکنا مشکل ہوتا ہے۔ یہی تجربہ البرٹ بانڈورا کے سوشل لرننگ تھیوری کی بنیاد بنا۔
ہم میں سے اکثر والدین اپنے بچوں کو خود سے بہتر بنانے کی کوشش کرتے ہیں لیکن خود ان کے سامنے اپنی مثال پیش کرنے سے قاصر رہتے ہیں۔
اساتذہ سے توقع کی جاتی ہے کہ وہ اس بچے کو ٹھیک کرلیں جس کو پندرہ سال تشدد، گالم گلوچ، مار پیٹ، عدم توجہ اور بے رحمی کی تربیت دی گئی ہے۔ بچے سکول میں 6 جبکہ گھر پر 18 گھنٹے گزارتے ہیں۔
بچوں کی تربیت کا بوجھ اساتذہ پر ڈالنا بے وقوفی ہے۔ اس سے بڑی بے وقوفی یہ دعویٰ کرنا ہے کہ سکول اور اساتذہ بچوں کی تربیت کرسکتے ہیں۔
تشدد، غصے، عدم برداشت، عدم توجہ اور بے رحمی کی آگ جہاں سے جلائی گئی ہے وہاں سے روکنا اساتذہ کے لئے ممکن ہی نہیں۔
بچوں سے ذیادہ والدین بگڑے ہوئے ہیں۔ ان کو تربیت کی ضرورت ہے۔
مزمل شاہ

31/07/2026

Applications are invited for the following teaching positions at CBA, Fatehpur Swat:
1. SST Science (Chemistry)- 1
2. SST General (Urdu)- 1
3. SST General (English)- 1
4. PST- 2

Requirements:
~ Relevant qualification in the respective subject
~ Strong communication and classroom management skills
~ Prior teaching experience will be preferred.

📩 Interested candidates are requested to send their CVs via WhatsApp:
📱 0342-9855074
0346-9405683
📍Address: Main Bazar, Fatehpur, Swat

Join our committed team and inspire the next generation of learners!

22/07/2026

01/07/2026

"سی بی اے، فتح پور سوات کا دلچسپ تفریحی دورہ"

تعلیم کے ساتھ ساتھ اساتذہ اور عملے کی ذہنی تازگی، باہمی ہم آہنگی اور پیشہ ورانہ تعلقات کو مضبوط بنانا بھی ہماری اولین ترجیحات میں شامل ہے۔ اسی مقصد کے تحت پرنسپل کرئیر بلڈنگ اکیڈمی فتح پور علاؤالدین صاحب کی سرپرستی میں طلباء کے لیے وادیٔ سوات کے پُر فضا مقام "کالام" کا ایک شاندار اور یادگار تفریحی دورہ منعقد کیا گیا۔

قدرت کے حسین نظاروں، پُرفضا ماحول اور دلکش مناظر سے بھرپور وادی کالام کے اس سفر نے تمام شرکاء کو نہ صرف ذہنی سکون اور تازگی فراہم کی بلکہ باہمی تعاون، اخوت، اعتماد اور ٹیم ورک کے جذبے کو بھی مزید پروان چڑھا یا۔ ایسے خوب صورت مواقع کسی بھی ادارے کے تعلیمی ماحول کو مزید مثبت، تعمیری اور خوشگوار بنانے میں اہم کردار ادا کرتے ہیں۔

ہم ادارے کے انتظامیہ جناب نیک زادہ صاحب، جناب علاؤالدین صاحب اور دیگر اراکین کا تہہ دل سے شکریہ ادا کرتے ہیں جن کی بہترین منصوبہ بندی، حوصلہ افزائی اور رہنمائی کی بدولت یہ دورہ کامیابی سے ہمکنار ہوا۔ اسی طرح ہم ان قابلِ احترام اساتذہ اور عملے کے ارکان کے بھی شکر گزار ہیں جنھوں نے اس سفر کو خوشگوار، منظم اور یادگار بنایا۔

اس خوب صورت اور یادگار سفر کی چند دلکش جھلکیاں آپ کی خدمت میں پیش ہیں۔ دعا ہے کہ ہمارا ادارہ اسی جذبۂ اخوت، محنت اور کامیابی کے ساتھ ترقی کی نئی منازل طے کرتا رہے۔
رہ طلب میں کسے آرزوئے منزل ہے
شعور ہو تو سفر خود سفر کا حاصل ہے

01/07/2026

🌿 سی بی اے، فتح پور کا ایک یادگار تفریحی دورہ🌿

انسانی زندگی پر مختلف تحقیقات کے دوران یہ حقیقت واضح ہوتی جارہی ہے کہ فطرت، پانی، درختوں، پرندوں اور دیگر قدرتی مقامات کی طرف مراجعت سے انسان کا موڈ خوش گوار ہو جاتا ہے، دکھ اور غم کا احساس کم ہو جاتا ہے، کام کرنے کی صلاحیت میں اصافہ ہوتا ہے اور زندگی سے محبت بڑھ جاتی ہے۔

مورخہ 27 جون 2026 کو کرئیر بلڈنگ اکیڈمی فتح پور کے طلباء کو وادیِ کالام کے خوب صورت اور پّر فضا مقامات کی سیر کرائی گئی تاکہ وہ قدرت کے حسین مناظر سے لطف اندوز ہوں، فطرت کی آغوش میں کچھ خوش گوار اور یاد گار لمحات گزاریں اور ذہنی تازگی اور آسودگی حاصل کریں۔

یہ تفریحی دورہ پرنسپل سی بی اے علاؤالدین صاحب کی قیادت میں منعقد ہوا۔ اس موقع پر چند دیگر سٹاف ممبرز اصغر وقار، واحد زمان، ہاشم خان اور شامت خان بھی بحیثیتِ سہولت کار طلباء کے ساتھ موجود تھے۔ طلباء نے ان کے تجربات سے استفادہ کیا اور ان کے ساتھ خوش گوار اور پُر مسرت لمحات گزارے۔

ہمارا دعویٰ ہے کہ سی بی اے میں صرف تلامذہ کو تعلیم نہیں دی جاتی بلکہ ان کی خوشیوں، ذہنی و جسمانی صحت اور متوازن شخصیت کی درست خطوط پر تعمیر جیسی اہم اور بنیادی ذمہ داریاں بھی نبھائی جاتی ہیں۔
قسمتِ نوعِ بشر تبدیل ہوتی ہے یہاں
اک مقدس فرض کی تکمیل ہوتی ہے یہاں

اس تفریحی دورے میں طلباء نے کھیل کود، سیر و تفریح اور ہنسی مذاق سے روحانی تازگی اور ذہنی سکون حاصل کرکے زندگی کا حقیقی لُطف اٹھانے کی کوشش کی۔

اگر آپ کو بھی کبھی موقع ملے تو وادی کالام کے پُر فضا مقامات کی سیر ضرور کیجیے۔ قدرتی حسن سے مالا مال یہ وادی سیر و تفریح، ذہنی سکون، چہل قدمی اور قدرت سے ہم کلام ہونے کے لیے ایک بہترین انتخاب ہے۔

01/07/2026

💐💥🎊🌿✨ تفریحی دورہ کالام ✨🌿💐💥🎊

فکرِ منزل ہے نہ ہوشِ جادۂ منزل مجھے
جا رہا ہوں جس طرف لے جا رہا ہے دل مجھے
کرئیر بلڈنگ اکیڈمی فتح پور سوات کے طلباء نے مورخہ 27 جون 2026 کو سوات کی خوب صورت وادی اور پُر فضا مقام کالام کا یک روزہ تفریحی دورہ کیا۔
🌊 دورے کے دوران طلباء نے کالام کے حسین اور دلکش مقامات کی سیر کی۔ قدرت کے دل فریب نظاروں، سرسبز و شاداب وادیوں، بلند و بالا پہاڑوں اور ٹھنڈے چشموں نے طلباء کو بے حد متاثر کیا۔ طلباء نے کالام کے خوب صورت مقامات پر خوش گوار اور یادگار لمحات گزارے اور خوب لطف اندوز ہوئے۔
🤝 اس سفر نے طلباء کو تفریح کے ساتھ ساتھ حسنِ فطرت سے آگاہی، باہمی تعاون، نظم و ضبط اور عملی مشاہدے کا بہترین موقع فراہم کیا۔
💐 طلباء نے اس کامیاب اور یادگار تفریحی دورے کے انعقاد پر اپنے اسکول انتظامیہ، معزّز والدین اور اساتذۂ کرام کا تہہ دل سے شکریہ ادا کیا، جن کی منصوبہ بندی، سرپرستی، اعتماد اور بھرپور تعاون سے یہ سفر ممکن ہوا۔
🤲 اللہ تعالیٰ سے دعا ہے کہ وہ ہمارے اساتذہ، والدین اور تمام طلباء کو صحت و سلامتی، کامیابیوں اور خوشیوں بھری زندگی دے۔ آمین۔ ✨

تعلیم سے تعمیر!
سفر وسیلۂ ظفر!

25/06/2026

کرئیر بلڈنگ اکیڈمی فتح پور کی انتظامیہ کی جانب سے تمام طلباء، اساتذہ اور والدین کو مطلع کیا جاتا ہے کہ محرّم الحرام کے تقدّس، شہدائے کربلا کی عظیم قربانیوں کی یاد کے سلسلے میں سکول میں 25 اور 26 جون 2026 تک تعطیلات ہوں گی۔ شیڈول کے مطابق 25 اور 26 جون بروز جمعرات اور جمعہ کو 9 اور 10 محرّم الحرام کی چھٹیاں ہوں گی جن کی وجہ سے سکول دو دن کے لیے بند رہے۔ ہفتہ 27 جون 2026 کو سکول حسبِ معمول دوبارہ کھلے گا۔ تمام اساتذہ اور والدین بچوں کو تاکید کریں کہ ہفتہ کے روز اپنی حاضری لازمی یقینی بنائیں۔ اللہ تعالیٰ ہمیں حق کا ساتھ دینے اور حق کے لیے قربانیاں دینے کی توفیق عطا فرمائے۔ آمین!