AR Unique Group of Education

📢 ایم ڈی کیٹ MDCAT کا باضابطہ شیڈول جاری – PMDC کا اہم اعلان

پاکستان میڈیکل اینڈ ڈینٹل کونسل (PMDC) نے MBBS اور BDS پروگرامز میں داخلوں کے لیے MDCAT 2026 کے انعقاد کا باضابطہ نوٹیفکیشن جاری کر دیا ہے۔

🗓 *ایم ڈی کیٹ 2026 کا انعقاد:* اتوار، 16 اگست 2026 کو صبح 10:00 بجے (PST) ہوگا۔

🏛 *ٹیسٹ کنڈکٹ کرنے والی جامعات*
✅ یونیورسٹی آف ہیلتھ سائنسز (UHS) لاہور – پنجاب
✅ سکھر آئی بی اے یونیورسٹی – سندھ
✅ خیبر میڈیکل یونیورسٹی (KMU) پشاور – خیبر پختونخوا
✅ بولان یونیورسٹی آف میڈیکل اینڈ ہیلتھ سائنسز کوئٹہ – بلوچستان
✅ شہید ذوالفقار علی بھٹو میڈیکل یونیورسٹی اسلام آباد – اسلام آباد، آزاد کشمیر، گلگت بلتستان اور ریاض (سعودی عرب)

📌 *اہم تاریخیں*
🔹 `آن لائن رجسٹریشن کا آغاز:` 22 جون 2026
🔹 `نارمل فیس کے ساتھ رجسٹریشن کی آخری تاریخ:` 8 جولائی 2026
🔹 `لیٹ فیس کے ساتھ رجسٹریشن کی آخری تاریخ:` 13 جولائی 2026

💰 *رجسٹریشن فیس*
📍 پاکستان کے ٹیسٹ سینٹرز: 9,000 روپے
📍 لیٹ رجسٹریشن فیس: 13,000 روپے
📍 انٹرنیشنل ٹیسٹ سینٹر (ریاض): 45,000 روپے
📍 لیٹ رجسٹریشن فیس (انٹرنیشنل): 55,000 روپے

⚠️ تمام فیسیں Non-Refundable اور Non-Transferable ہوں گی۔

📍 *ایم ڈی کیٹ 2026 ٹیسٹ سینٹرز*

`پنجاب:` لاہور، راولپنڈی، ملتان، فیصل آباد، بہاولپور، سیالکوٹ، گوجرانوالہ، سرگودھا، گجرات، ڈی جی خان، ساہیوال، لیہ، بہاول نگر، میانوالی، رحیم یار خان۔

`سندھ:` کراچی، حیدرآباد، میرپورخاص، شہید بینظیر آباد، سکھر، لاڑکانہ۔

`خیبر پختونخوا:` پشاور، مردان، دیر لوئر، سوات، ملاکنڈ، ایبٹ آباد، کوہاٹ، ڈیرہ اسماعیل خان۔

`بلوچستان:` کوئٹہ۔

`اسلام آباد، آزاد کشمیر اور گلگت بلتستان:` اسلام آباد، مظفرآباد، راولاکوٹ، میرپور، گلگت۔

`بین الاقوامی مرکز:` ریاض، سعودی عرب۔

📖 *کل سوالات:* 180 MCQs

🔹 بائیولوجی: 81
🔹 کیمسٹری: 45
🔹 فزکس: 36
🔹 انگلش: 9
🔹 لاجیکل ریزننگ: 9

✅ نیگیٹو مارکنگ نہیں ہوگی۔

📊 *ڈیفیکلٹی لیول*
🔹 آسان: 15%
🔹 درمیانی: 70%
🔹 مشکل: 15%

📚 ایم ڈی کیٹ 2026 کا نصاب پی ایم ڈی سی کی ویب سائٹ پر دستیاب ہے۔

🌐 *رجسٹریشن اور مزید معلومات:*
mdcat.pmdc.pk

⚠️ امیدوار صرف اپنے ڈومیسائل کے مطابق صوبے/ریجن میں ٹیسٹ دے سکیں گے۔ ایک مرتبہ منتخب کردہ ٹیسٹ سینٹر بعد میں تبدیل نہیں کیا جا سکے گا۔

تقریبِ تقسیمِ انعامات — ماہانہ ٹیسٹ 2026
اے آر یونیک گروپ آف اکیڈمیز کے زیرِ اہتمام اے آر یونیک اکیڈمی چینچل والا کیمپس میں ماہانہ ٹیسٹ کی بنیاد پر ایک پُروقار تقریبِ تقسیمِ انعامات کا انعقاد کیا گیا۔ اس تقریب کا مقصد طلبا و طالبات میں تعلیمی مسابقت، محنت، نظم و ضبط اور بہترین کارکردگی کے جذبے کو فروغ دینا تھا۔
تقریب میں ماہانہ ٹیسٹ میں نمایاں کارکردگی کا مظاہرہ کرنے والے طلبا و طالبات کو ان کی حوصلہ افزائی کے لیے کیش انعامات اور سرٹیفکیٹس سے نوازا گیا۔ پہلی، دوسری اور تیسری پوزیشن حاصل کرنے والے طلبا و طالبات نے اپنی محنت، لگن اور مستقل مزاجی سے یہ اعزاز حاصل کیا۔
اس موقع پر نہم، دہم اور فرسٹ ائیر کلاسز کے طلبا و طالبات، فیکلٹی ممبران اور والدین کی بڑی تعداد موجود تھی۔ تقریب میں شرکاء نے نمایاں پوزیشن ہولڈرز کو بھرپور خراجِ تحسین پیش کیا اور ان کی کامیابیوں کو دیگر طلبا کے لیے مشعلِ راہ قرار دیا۔
ڈائریکٹر اے آر یونیک اکیڈمی چینچل والا کیمپس، جناب سفیان خالق گجر نے خصوصی شرکت کرتے ہوئے طلبا و طالبات کی حوصلہ افزائی کی اور ماہانہ ٹیسٹ کی اہمیت پر روشنی ڈالی۔ انہوں نے کہا کہ:
"تعلیم میں کامیابی کا راز مستقل محنت، خود احتسابی اور مسلسل جائزے میں پوشیدہ ہے۔ ماہانہ ٹیسٹ نہ صرف طلبا کی تعلیمی استعداد کو جانچنے کا مؤثر ذریعہ ہیں بلکہ انہیں بورڈ امتحانات کی تیاری، وقت کے درست استعمال اور مقابلے کی فضا سے ہم آہنگ کرنے میں بھی اہم کردار ادا کرتے ہیں۔ ہماری کوشش ہے کہ ہر طالب علم اپنی صلاحیتوں کو پہچانے، انہیں نکھارے اور زندگی کے ہر میدان میں کامیابی حاصل کرے۔"
انہوں نے مزید کہا کہ اے آر یونیک گروپ آف اکیڈمیز کا مشن صرف امتحانات میں کامیابی دلانا نہیں بلکہ ایسی باصلاحیت، باکردار اور پُراعتماد نسل تیار کرنا ہے جو مستقبل میں قوم و ملک کی ترقی میں مؤثر کردار ادا کر سکے۔
تقریب کے اختتام پر ادارے کی جانب سے تمام پوزیشن ہولڈرز کو مبارکباد پیش کی گئی اور دیگر طلبا و طالبات کو مزید محنت اور لگن کے ساتھ اپنی تعلیمی صلاحیتوں کو نکھارنے کی تلقین کی گئی۔

الحمدللہ! اے آر یونیک گروپ آف اکیڈمیز میں ماہانہ ٹیسٹ کا باقاعدہ آغاز کر دیا گیا ہے۔ طلبا و طالبات نئے جوش، عزم اور ولولے کے ساتھ بہترین کارکردگی دکھانے اور پہلی سات پوزیشنز حاصل کرنے کے لیے بھرپور محنت کر رہے ہیں۔ ہمارا مقصد صرف امتحان لینا نہیں بلکہ طلبہ میں صحت مند مقابلے کی فضا پیدا کرنا، خود اعتمادی کو فروغ دینا اور انہیں بورڈ امتحانات کی مؤثر تیاری کے لیے تیار کرنا ہے۔ اس ماہ نہم، دہم اور فرسٹ ائیر کلاسز کے ٹیسٹ منعقد کیے جا رہے ہیں تاکہ طلبہ اپنی تعلیمی استعداد کا جائزہ لے سکیں اور اپنی کمزوریوں کو دور کر کے کامیابی کی راہ ہموار کر سکیں۔ ہم پُرامید ہیں کہ ہمارے ہونہار طلبہ اپنی محنت، لگن اور مستقل مزاجی سے شاندار نتائج حاصل کر کے اپنے والدین، اساتذہ اور ادارے کا نام روشن کریں گے۔

یونیک ایفی شنسی ٹیسٹ 2026 کی پروقار تقریبِ تقسیمِ انعامات

اے آر یونیک گروپ آف ایجوکیشن کے زیرِ اہتمام اے آر یونیک اکیڈمیز میں فرسٹ ائیر کلاس کے طلبہ و طالبات کے لیے منعقدہ یونیک ایفی شنسی ٹیسٹ 2026 کے نتائج کا باقاعدہ اعلان کیا گیا۔ اس موقع پر ایک پروقار تقریب کا انعقاد کیا گیا جس میں پہلی دس پوزیشنز حاصل کرنے والے طلبہ و طالبات کو نقد انعامات، شیلڈز اور اسناد سے نوازا گیا جبکہ ٹیسٹ میں شرکت کرنے والے تمام طلبہ و طالبات کو سرٹیفکیٹس دیے گئے۔

تقریب کے مہمانِ خصوصی رانا مزمل خان ( اے آر یونیک اکیڈمی چینچل والا کیمپس) تھے۔ اس موقع پر سفیان خالق گجر اور ادارے کے سینئر فیکلٹی ممبران، جن میں مس کرن رشید، مس صبا اقبال، سر علی رضا، سر محمد وسیم، سر محمد احمد، سر اصغر علی اور سر حامد رضا شامل تھے، نے بھی شرکت کی۔ ڈائریکٹر اے آر یونیک گروپ آف ایجوکیشن عبدالرشید سندھو نے مہمانانِ گرامی اور اساتذہ کے ہمراہ نمایاں کارکردگی دکھانے والے طلبہ و طالبات میں انعامات تقسیم کیے۔

تقریب سے خطاب کرتے ہوئے عبدالرشید سندھو نے کہا کہ کامیابی کا راز مسلسل محنت، نظم و ضبط اور مستقل مزاجی میں پوشیدہ ہے۔ انہوں نے طلبہ و طالبات کو فرسٹ ائیر کے بورڈ امتحانات میں بھرپور تیاری، لگن اور عزم کے ساتھ محنت کرنے کی تلقین کی تاکہ وہ نہ صرف بہترین نتائج حاصل کریں بلکہ نمایاں پوزیشنز لے کر اپنے والدین، اساتذہ اور ادارے کا نام بھی روشن کریں۔ تقریب کے اختتام پر طلبہ و طالبات نے اس اقدام کو سراہتے ہوئے اس عزم کا اظہار کیا کہ وہ اپنی تعلیمی کارکردگی کو مزید بہتر بنانے کے لیے بھرپور محنت جاری رکھیں گے۔