21/05/2026
🌸 محترم والدین! السلام علیکم 🌸
امید ہے کہ آپ اور آپ کے اہلِ خانہ خیریت سے ہوں گے۔
بچوں کی گرمیوں کی تعطیلات 22 مئی 2026 تا 24 اگست 2026 ہوں گی۔
تعطیلاتِ گرما کے دوران طلبہ کو دیا گیا ہوم ورک ان کی تعلیمی استعداد، خوشخطی اور ذہنی نشوونما کے لیے نہایت اہمیت رکھتا ہے۔ لہٰذا آپ سے مؤدبانہ گزارش ہے کہ اپنے بچوں کی مکمل رہنمائی فرمائیں تاکہ وہ اپنا سمر ویکیشن ہوم ورک بروقت، صاف ستھرے اور نہایت خوبصورت انداز میں مکمل کریں۔
📘 خصوصی ہدایت:
براہِ کرم بچوں کو ہدایت دیں کہ وہ نوٹ بکس میں ایک لائن میں زیادہ سے زیادہ 6 الفاظ لکھیں تاکہ ان کی لکھائی واضح، متوازن اور دیدہ زیب ہو۔ اس عمل سے بچوں کی خوشخطی، پریزنٹیشن اور تحریری مہارت میں نمایاں بہتری آئے گی۔
---
🌟 تعطیلات کے دوران ضروری ہدایات 🌟
1️⃣ صحت اور متوازن غذا
گرمی کے موسم میں بچوں کی صحت کا خصوصی خیال رکھیں۔ انہیں تازہ، متوازن اور غذائیت سے بھرپور خوراک فراہم کریں اور پانی کا زیادہ استعمال کروائیں تاکہ وہ صحت مند اور توانا رہیں۔
2️⃣ مثبت اور تعمیری سرگرمیاں
بچوں کو موبائل اور غیر ضروری اسکرین ٹائم سے دور رکھتے ہوئے مثبت، تخلیقی اور تعمیری سرگرمیوں میں حصہ لینے کے مواقع فراہم کریں تاکہ ان کی ذہنی اور جسمانی صلاحیتیں بہتر ہوں۔
3️⃣ تعلیم اور خوشخطی پر خصوصی توجہ
بچوں کی روزانہ پڑھائی اور خاص طور پر خوشخطی (Handwriting) پر توجہ دیں۔ تمام کام صفحات پر حاشیہ (Margin Line) لگا کر نہایت صفائی، ترتیب اور خوبصورتی کے ساتھ مکمل کروائیں۔
4️⃣ مارکر اور پین کے استعمال کی ہدایت
والدین اس بات کو یقینی بنائیں کہ بچے صرف ہیڈنگز کے لیے نیلا (Blue) یا کالا (Black) مارکر استعمال کریں جبکہ باقی تمام لکھائی صرف پین سے کریں۔
5️⃣ ہوم ورک جمع کروانے کا شیڈول
تمام والدین سے گزارش ہے کہ ہر ماہ کا ہوم ورک ماہانہ بنیاد پر مکمل کروا کر اسکول میں ہر ماہ کی آخری تاریخ تک لازمی جمع کروائیں تاکہ بچوں کی تعلیمی کارکردگی کا باقاعدہ جائزہ لیا جا سکے۔
---
🌹 آپ کے بھرپور تعاون کا تہہ دل سے شکریہ! 🌹
✨ انتظامیہ ✨
گورنمنٹ پرائمری/ایلیمنٹری اسکول 266 آر بی صابوآنہ
مرکز کھرڑیانوالہ، تحصیل جڑانوالہ، ضلع فیصل آباد
