17/09/2026
جی پی ایس ڈبونو کے عظیم اساتذہ کو سلام!
آج دل بے حد خوش اور فخر سے بھر گیا جب دیکھا کہ گورنمنٹ پرائمری سکول ڈبونو کے محنتی اور مخلص اساتذہ کرام نے چھٹی کے بعد بھی سکول میں رک کر اپنی مدد آپ کے تحت سکول کی دیواروں پر ہر قسم کے خوبصورت نقشے، چارٹس اور تعلیمی لکھائیاں کیں۔
یہ کوئی چھوٹا کام نہیں، یہ ایک بہت بڑی قربانی ہے۔
جہاں اکثر لوگ چھٹی کا انتظار کرتے ہیں، وہاں ہمارے یہ محسن اساتذہ اپنے آرام کو قربان کر کے، اپنے گھر دیر سے جا کر، ہمارے بچوں کے مستقبل کو سنوارنے کے لیے سکول کو ایک ماڈل سکول بنا رہے ہیں۔
*ان نقشہ جات اور لکھائیوں کا فائدہ کیا ہے؟*
1. ہمارے بچے اب رٹے کی بجائے دیکھ کر، سمجھ کر سیکھیں گے۔
2. سکول کا ماحول اتنا خوبصورت بن گیا ہے کہ بچوں کا دل اب پڑھائی میں اور زیادہ لگے گا۔
3. یہی اصل قوم سازی ہے۔
ہم اہلِ علاقہ ڈبونو، والدین اور جملہ برادری کی طرف سے جی پی ایس ڈبونو کے تمام اساتذہ کرام کا دل کی گہرائیوں سے شکریہ ادا کرتے ہیں۔
اللہ تعالیٰ آپ کو اس کا بہترین اجر دے اور آپ کے علم و عمل میں مزید برکت دے۔ آپ جیسے اساتذہ ہی ہمارے علاقے کا فخر ہیں۔
*قوم کے معمار کو سلام!*
