25/09/2026
السلام علیکم ورحمتہ اللّٰہ و برکاتہ!
آج گورنمنٹ ہائیر سیکنڈری سکول اسبنڑ دیر پائین میں انسانیت اور ہمدردی کی ایک بہترین مثال قائم کی گئی۔
سکول کے جماعت #دہم کے ایک غریب اور ہونہار طالب علم #اسد خان جو کہ عرصہ دراز سے علیل ہیں اور اپنے علاج معالجے کی استطاعت نہیں رکھتے ۔ ان کے علاج معالجے کے لیے اساتذہ کرام اور طلباء نے اپنی مدد آپ کے تحت رقم جمع کی۔
آج صبح اسمبلی کے دوران پرنسپل #ساجد احمد صاحب اور اساتذہ کرام نے جمع شدہ رقم -/41370 روپے طالب علم کے حوالے کیے۔ اس موقع پر اساتذہ نے کہا کہ #اسد خان ایک لائق، ہونہار ، خوش اخلاق، باادب، باصلاحیت اور محنتی طالب علم ہے۔ اس کی مدد کرنا ہم سب کا اخلاقی فرض ہے۔
پرنسپل #ساجد احمد صاحب نے اس نیک کام میں حصہ لینے والے تمام اساتذہ کرام اور طلباء کا شکریہ ادا کیا اور دیگر مخیر حضرات سے بھی طالب علم کی مزید مدد کرنے کی اپیل کی۔
اللہ تعالیٰ اسد خان کو جلد صحت کاملہ و عاجلہ عطا فرمائے۔ آمین۔
