All CT Teachers Association Dir Lower

لوئر دیر میں تمام سرکاری ملازمین نے اگیگا کے زیرِ اہتمام دفاتر اور سکولوں کو تالے لگا کر بھرپور احتجاجی مظاہرہ کیا۔ مظاہرین نے مطالبہ کیا کہ پنشن کا پرانا طریقہ کار فوری طور پر بحال کیا جائے اور منظور شدہ اپ گریڈیشن پر بلا تاخیر عملدرآمد یقینی بنایا جائے۔

مقررین نے کہا کہ وفاق کی طرز پر صوبائی ملازمین کو بھی 30 فیصد ڈی آر اے دیا جائے، سن کوٹہ بحال کیا جائے اور تمام ملازمین کو یوٹیلٹی الاؤنس فراہم کیا جائے۔ مزید یہ کہ آنے والے بجٹ میں مہنگائی کے تناسب سے سرکاری ملازمین کی تنخواہوں میں 100 فیصد اضافہ کیا جائے تاکہ ملازمین کو درپیش معاشی مشکلات کا ازالہ ہوسکے۔

احتجاجی مظاہرے سے آل سی ٹی ٹیچرز ایسوسی ایشن (ایکٹا) کے صدر بخت بیدار خان، مسلم خان اور مقدر خان نے خطاب کرتے ہوئے ملازمین کے حقوق کے تحفظ اور جائز مطالبات کی منظوری تک جدوجہد جاری رکھنے کے عزم کا اعادہ کیا۔

ایکٹا دیر لوئیر کی جانب سے عیدالفطر مبارک ہو۔

آگیگا ضلع دیر پائین کا غیر معمولی اجلاس زیر صدارت چیئرمین مسلم خان منعقد ہوا اجلاس میں اگیگا جنرل سیکرٹری عالمگیر خان کے علاوہ دیگر تنظیموں کے صدور اور جنرل سیکرٹری نے شرکت کی اجلاس میں گزشتہ روز ڈسٹرکٹ پولیس آفس کی جانب سے 31 سرکاری ملازمین کے خلاف سوشل میڈیا پر جو نام تشہیر کی گئی ہیں اس کی شدید الفاظ میں مذمت کی گئی اور ڈسٹرکٹ پولیس افس کے اس اقدام کو غیر قانونی اور غیر ائینی قرار دیا گیا اجلاس میں کہا گیا کہ اس اقدام سے نہ صرف دیر لوئیر کے تمام سرکاری ملازمین میں شدید اضطراب اور غم و غصے کی لہر دوڑ گئی ہے بلکہ ان کو تحقیقات کے بغیر تحقیقات کے بغیر سرعام بے عزتی کی گئی ہیں اجلاس میں ڈسٹرکٹ پولیس افس کی اس اقدام کو بے بنیاد قرار دیتے ہوئے اس کے خلاف ہر فورم پر اواز اٹھانے کا فیصلہ کیا گیا اجلاس میں فیصلہ کیا گیا کہ سول ملازم کی اس قسم کی بے عزتی اور بے بنیاد الزامات برداشت نہیں کی جائے گی کیونکہ سول ملازمین سرکاری مشینری کی ریڑھ کی ہڈی کی حیثیت رکھتے ہیں دریں اثناء اگیگا کا وفد ایڈیشنل ڈپٹی کمشنر واجد علی خان سے ملاقات کی اور سرکاری ملازمین کی تشویش اور اضطراف سے انہیں اگاہ کیا۔ اس موقع پر ایڈیشنل ڈپٹی کمشنر واجد علی خان نے اگیگا وفد کو یقین دلایا کہ اس اہم مسئلے کو ڈسٹرکٹ پولیس افیسر سے اٹھانے اور حالات کی نزاکت سے بھی اگاہ کیا جائے گا اے ڈی سی نے اگیگا وفد سے اپیل کی کہ وہ پیر 2, فروری تک احتجاج کرنے سے گریز کیا جائے اور اس مسلئے کو اخوش اسلوبی سے حل کیا جائے گا۔
ایکٹا دیر پائین کی جانب اس میٹنگ میں محترم نقاب شاہ موجود تھے۔ جنہوں نے بہترین انداز میں ایکٹا کی نمائندگی کی۔

دیر پائین کے تمام پی ایس ایچ ٹیز اساتذہ کو سی ٹی پر پروموشن بہت بہت مبارک ہو۔
یہ کامیابی آپ کی محنت، استقامت اور تدریسی خدمات کا اعتراف ہے۔ دعا ہے کہ نئی ذمہ داریوں کے ساتھ آپ مزید بہتر انداز میں طلبہ کی رہنمائی کریں اور شعبۂ تعلیم میں مثبت کردار ادا کرتے رہیں۔ اللہ آپ سب کو کامیابیاں عطا فرمائے۔ آمین

بخت بیدار
صدر ایکٹا دیر لوئیر