HOPE D I KHAN

چئیرمین دی کیسٹون سکول صدر ہوپ ڈیرہ اسماعیل خان جناب ہدایت اللہ برکی صاحب کے والد گرامی پروفیسر عزیزاللہ برکی صاحب اس دار فانی سے رحلت فرما گئے ہیں جن کی نماز جنازہ آج مورخہ 2 جنوری 2026 بوقت 3 بجے دوپہر کو مدرسہ نعمانیہ آڑہ روڈ پر ادا کی جائے گی. ان للہ وانا الیہ رجعون.

ہوپ کابینہ ممبران کی صدر جناب ہدایت اللہ برکی صاحب کی قیادت میں چئیرمین بورڈ جناب احسان اللہ صاحب کے ساتھ میٹنگ.
میٹنگ میں محترم جناب صالح محمد صاحب چئیرمین خیبر گرائمر سکول بھی موجودہ تھے.
ہوپ کابینہ میں جناب رحیم گل صاحب، جناب اسرار نواز صاحب؛ جناب خطاب وزیر صاحب اور جناب محمد انور صاحب نے شرکت کی.
صدر ہوپ جناب ہدایت اللہ برکی صاحب نے 5 نکاتی ایجنڈا پر تفصیل سے گفتگو کی ایجنڈا نکات مندرجہ ذیل ہیں.
1. چئیرمین بورڈ اپنے جاری کردہ نوٹیفکیشن کے مطابق شو آف پیپرز (تمام مضامین) پر عمل درآمد کو یقینی بنائیں تاکہ طلباء اور عوام کا بورڈ انتطامیہ پر اعتماد بہال ہو جائے.
2. نقل ایک ایسا ناسور ہے جو معاشرے کی جڑوں کو کھوکھلا کر دیتی ہے اس کی روک تھام کیلئے ایسے اقدامات کی ضرورت ہے کہ اس کا مکمل خاتمہ یقینی بنایا جائے.
3. امتحانات کے نظام کو بہتر کرنے کے لیے ڈیوٹیاں میرٹ کی بنیاد پر لگائ جائیں اور پرچوں کی چیکنگ کے معیار کو اتنا بہتر کیا جائے کہ کسی طالب علم کے ساتھ ناانصافی کا سوال پیدا نہ ہو.
4. امتحانی مراکز میں کلسٹرز کا فیصلہ خوش آئند بات ہے اس میں شفافیت اور میرٹ لانے کے لیے ایسے اقدامات کئے جائیں کہ نجی تعلیمی اداروں کے ممکنہ اعتراضات کا سوال پیدا نہ ہو اور تمام سرکاری اور پرائیویٹ طلباء و طالبات یکساں ماحول میں اپنی صلاحیتوں کے مطابق امتحان دے سکیں.
5. بورڈ کے اندر مبینہ بدعنوانی کا فل فور تدارک کیا جائے تاکہ ہماری نوجوان نسل محنت پر یقین کرے اور ہمارا تعلیمی نظام پورے پاکستان کے لیے ایک مثال بن جائے.
چئیرمین بورڈ جناب احسان اللہ صاحب نے مدبرانہ انداز میں ہوپ تنظیم کی کاوشوں کو سراہتے ہوئے کہا کہ نظام کی بہتری فرد واحد کا کام نہیں ہم سب نے مل کر کام کرنا ہوگا. انہوں نے ہوپ کے بیانیہ کو سراہا اور اس بات کا یقین دلایا کہ وہ اپنی ہر ممکن کوشش کریں گے کہ ایک شفاف تعلیمی نظام کو متعارف کرائیں جس سے عوام کا بورڈ پر اعتماد بحال ہو جائے.

ڈیرہ اسماعیل خان بورڈ کے اندرونی انتظامی معاملات میں غیر یقینی صورتحال اور سوشل میڈیا پر گردش کرنے والی خبروں کی تردید کے حوالے سے ہب آف پرائیویٹ ایجوکیشن (ھوپ) کی پریس کانفرنس.
ہوپ کابینہ نے محترم جناب ہدایت اللہ برکی صاحب کی صدارت میں اپنی تنظیم کا موقف واضح الفاظ میں بیان کرتے ہوئے پریس ریلیز جاری کی جس کے مطالبات مندرجہ ذیل ہیں.
1. ہوپ ڈیرہ اسماعیل خان نے ہمیشہ بورڈ حکام سے سسٹم کی بہتری اور شفاف اور غیر جانبدار امتحانات کے انعقاد کا مطالبہ کیا ہے.
2. چہرے بدلنے سے بدعنوانی ظلم و زیادتی کا خاتمہ نہیں ہو گا بلکہ نظام کو بدلنا ہو گا.
3. بورڈ میں تعلیمی نظام کی بہتری کے لیے اصلاحات کرنے ہونگے تا کہ طلباء؛ اساتذۂ کرام اور عوام کا اعتماد بحال ہو سکے.
4. ایگزام سٹاف کی تقرری میرٹ کی بنیاد پر کرنا.
5. پرچہ جات کی چیکنگ کے لیے سٹاف کو مناسب وقت؛ بہترین ماحول؛ مناسب معاوضہ اور بنیادی سہولیات فراہم کرنا.
6. بورڈ میں انتطامی سیٹوں پر اہل افسران کی تعیناتی کرنا جو کسی قسم کی بدعنوانی میں ملوث نہ ہوں جن کا ماضی بےداغ ہو اور مقامی سطح پر غیر جانبداری میں مثالی کردار کے حامل ہیں.
7. پرچہ جات کی چیکنگ میں مبینہ سپیشل بنڈلز کے رواج کا خاتمہ کرنا.
8. سرکاری یا پرائیویٹ تمام طلباء طالبات سب ہمارے بچے ہیں لہذا سب کے ساتھ یکساں رویہ اختیار کیا جائے.
9. سرکاری اور پرائیویٹ تمام تعلیمی اداروں کے مکس ہال ہونے چاہئیں. ہال میں موجود سب طلباء کو بلا امتیاز مساوی حقوق دئیے جائیں.
10. تمام امتحانی مراکز میں پرچہ ایک ساتھ شروع کیا جائے تاکہ پرچہ آوٹ ہونے جیسی سنگین غلطی کی روک تھام کی جائے.
11. بورڈ کے زیر انتظام تمام امتحانی مراکز ایسی جگہ منظور کئے جائیں جہاں تک بورڈ افسران کے ساتھ ساتھ ضلعی انتظامیہ اور اعلیٰ عہدیداروں کی رسائی ممکن ہو. حالیہ امتحانات میں ڈیرہ اسماعیل خان شہر کے امتحانی مراکز میں انتہائی سختیاں کی گئیں جبکہ مضافاتی علاقوں خصوصاً وزیرستان جیسے دور دراز علاقوں میں شفافیت کا فقدان رہا. یہی وجہ ہے کہ طلباءایسے علاقوں مائگریشن کرتے ہیں جس کی روک تھام انتہائی ضروری ہے.
12. گریڈنگ سسٹم کو فل فور متعارف کروانا وقت کی اولین ضرورت ہے تاکہ نمبرز گیم کا خاتمہ یقینی بنایا جائے.
13. سلیبس؛ کورس میں تبدیلیاں اور پیپروں میں کسی قسم کی کوئی تبدیلیاں کرنا مقصود ہوں تو تمام تعلیمی اداروں کو بروقت آگاہ کیا جائے تاکہ تمام تعلیمی ادارے اپنے طلباء کی تیاری اس کے مطابق کرائیں اور دورانِ امتحان پریشانی سے بچ سکیں.
14. پیپرز دکھانا طلباء کا بنیادی حق ہے. تاکہ اگر کسی قسم کی غلطی ہے تو اس کا ازالہ کیا جا سکے.
15. پریکٹیکل امتحانات کو جدید طرز پر منعقد کرنا انتہائی ضروری ہے موجودہ طریقہ کار بدعنوانی کو دعوت دینے کا وسیلہ ہے.
16. بورڈ کے اندر یا باہر امتحانی مراکز میں بدعنوانی اور رشوت ستانی میں ملوث افراد کو کیفرکردار تک پہنچایا جائے تاکہ ایک شفاف امتحانی نظام کی تشکیل کی جا سکے.
17. نقل ایک ایسا ناسور ہے جو معاشرے کی جڑوں کو کھوکھلا کر دیتا ہے. تمام تعلیمی اداروں؛ امتحانی مراکز میں نقل جیسی لعنت کو نہ قابل معافی جرم قرار دیا جائے.