Government Graduate College Darya Khan Bhakkar

14/09/2026

سوشل میڈیا پر انے والی خبروں کے مطابق اینٹی کرپشن کے چھاپے میں گرفتار ہونے والا گورنمنٹ گریجویٹ کالج دریاخان کا لیب اٹینڈنٹ ہے
کالج سے چھٹی کے بعد شہر میں مبینہ طور پر کسی سے رقم لیتے ہوئے اینٹی کرپشن کے چھاپے کے دوران گرفتار ہوا ہے ۔
تاہم کالج میں کسی قسم کا اینٹی کرپشن کا ریڈ نہیں ہوا۔
مزید تفصیلات ملنے پر مہیا کر دی جائیں گی۔
پرنسپل گورنمنٹ گریجویٹ کالج دریاخان

08/08/2026

05/08/2026

ناصر گوندل صاحب کی 2024ء کی تحریر

میرا کالج۔۔۔۔۔۔ دریا خان کالج۔۔۔۔۔۔۔۔۔۔۔۔پروفیسر ناصر گوندل

آپ اپنے تعلیمی سفر میں ایک ایسے باب کی دہلیز پر کھڑے ہیں جہاں آپ کے سامنے بے شمار راستے ہیں ۔۔۔۔۔ایک ایسے راستے کا انتخاب کرنا ہے جو آپ کو باآسانی اور شاندار طریقے سے منزل مقصود تک پہنچائے وہ منزل جو آپ کے خوابوں کی تکیمل ہے وہ منزل جو آپ کی رفعتوں کا سبب ہے وہ منزل جو آپ کے اوج و عروج کی ضامن ہے۔۔۔۔۔فقیر کا مشورہ ہے کہ دریا خان کالج آپ کا بہترین انتخاب ہوگا ان شااللہ
اپنی بھرپورشاندار تاریخ، معزز فیکلٹی، اور جدید ترین سہولیات کے ساتھ مزین ، ہمارا کالج ایک بے مثال تعلیمی ادارہ ہے۔۔۔۔ جس لمحے آپ اس خوب صورت درس گاہ میں قدم رکھیں گے، آپ ایک ایسے معاون اور متعاون ماحول سے گھرے ہوں گے جو ترقی، تخلیقی صلاحیتوں اور تنقیدی سوچ کو فروغ دیتا ہے۔۔۔۔۔ان شا اللہ۔۔۔

ہمارا کالج ایک ایسی جگہ ہے جہاں آپ اپنے ذوق و شوق کی تکیمل کر سکتے ہیں، اپنی صلاحیتوں کو فروغ دے سکتے ہیں اور اپنی صلاحیتوں کو دریافت کر سکتے ہیں۔ ۔۔۔۔۔۔جہاں آپ اسلاف کی گنوائی ہوئی میراث کی بازیافت کرسکتے ہیں اور پرفشاں ہوکر دوبارا زمین کے کناروں سے نکل کر ستاروں سے آگے جہاں اور بھی ہیں کا نعرہ مستانہ لگاتے ہوئے اسمانوں کی بلندیوں کو تسخیر کر سکتے ہو۔۔...ایک ایسا کالج جس کے میر_ کارواں ایک مشہور علمی و ادبی شخصیت پروفیسر منیر بلوچ ہیں ۔۔۔ایسا کالج جہاں پتھر کوٹنے والوں کو بھی شیشے جیسی سانس ملتی ہے۔۔۔۔۔۔۔ایک ایسا کالج جہاں شباب کے لہو میں جلنے والوں کی تلخ زندگیاں انگبیں بن جاتی ہیں ۔۔۔۔ایک ایسا کالج جس کے فارغ التحصیل طلبہ چیتے کا جگر اور شاہیں کا تجسس رکھتے ہیں۔۔۔۔۔۔۔۔ایک ایسا کالج جہاں پڑھنے والے طلبہ کے اندر عقابی روح بیدار ہوجاتی ہے ۔۔۔۔جس کے طلبہ کے خرام میں زلزلوں کا راز پوشیدہ ہے۔۔۔ایسا کالج جس میں پڑھنے والے طلبہ سنگ و خشت سے چنگ و رباب پیدا کرنے کی صلاحیتیں رکھتے ہیں۔۔۔۔۔۔۔اور خار زار جہاں میں گلاب 🌹 پیدا کرنے کی صلاحیتوں سے مالا مال ہوتے ہیں۔۔۔۔۔۔۔۔نیرنگئی خیال اور ندرت افکار سے مزین یہ ادارہ ایک ایسا ادارہ ہے جہاں تعلیمی پروگراموں، غیر نصابی سرگرمیوں، اور تحقیقی مواقع کے ساتھ، آپ کو اپنا راستہ خود ترتیب دینے اور اپنی قسمت خود بنانے کی آزادی ہوگی۔۔۔۔۔۔۔۔۔یہاں ایسے اساتذہ ہیں جو سوال کرنے پر ڈانٹتے نہیں ہیں بلکہ خوش ہوتے ہیں ۔۔۔۔۔۔۔۔۔۔۔جہاں ایک سوال کے آپ کو سو سو جواب ملیں گے اور جواب بھی مسکراتے ہوئے لطافت آمیز لہجے کے ساتھ جس سے آپ کے اعتماد میں مزید اضافہ ہوگا۔۔۔۔۔۔۔۔۔۔۔
یہاں کے اساتذہ نظیر نیشا پوری کے اس قول پہ عمل کرنے والے ہیں کہ
درسِ ادیب اگر بوَد زمزمهٔ محبتی
جمعه به مکتب آورد طفلِ گریزپای را

ترجمہ:
اگر استاذ کا درس محبت کا نغمہ ہو تو وہ جمعے کے دن بھی سکول سے گریزاں بچے کو مکتب میں لے آئے۔۔۔۔اس زمانے میں جمعہ کو چھٹی ہوتی تھی۔۔۔۔۔۔۔۔۔۔۔۔۔۔۔یعنی استاذ کا پیار بچے کو چھٹی والے دن بھی آنے پر مجبور کرتا ہے۔۔۔۔۔۔۔
البتہ ایک استاذ ہے جو نالائق لڑکوں کی غلطی پر معزز بے عزتی کرتے ہیں اور بگڑے ہوؤں کی لتریشن کرتے ہیں۔۔۔۔۔۔۔وہ شیخ سعدی کے اس قول پہ عمل کرتے ہیں کہ
جور استاد بہتر از مہر پدر۔۔
۔۔کہ استاد کی سختی باپ کی شفقت سے بہتر ہے

بہر حال ۔۔۔اساتذہ قدم قدم پر آپ کی رہنمائی کریں گے۔ ہمارا عملہ اس بات کو یقینی بنانے کے لیے وقف ہے کہ ، تعلیمی معاونت سے لے کر کیریئر کی مشاورت تک آپ کے لیے شجر سایہ دار کا کردار ادا کرے
اگر آپ کسی ایسے کالج کی تلاش کر رہے ہیں جو، آپ کی حوصلہ افزائی کرے، اور آپ کو کامیاب ہونے کے لیے بااختیار بنائے، ۔۔۔تو ان شااللہ ۔ ہمارا کالج آپ کی صلاحیتوں اور قابلیتوں کو غیر مقفل کرنے، اپنے خوابوں کو شرمندہ تعبیر کرنے اور ایک روشن وتاباں مستقبل بنانے کے لیے بہترین جگہ ثابت ہوگا۔۔۔۔۔۔۔۔۔۔۔
میں بار دگر کہتا ہوں۔
۔۔۔موج ہے دریا میں اور۔۔بیرون دریا کچھ نہیں

02/08/2026

🎓 میٹرک کا رزلٹ 6 اگست 2026ء کو آ رہا ہے!

اپنے روشن مستقبل کا آغاز گورنمنٹ گریجویٹ کالج دریا خان، ضلع بھکر سے کریں۔

✅ داخلے جاری ہیں:

- ایف ایس سی (پری میڈیکل / پری انجینئرنگ)
- آئی سی ایس (ICS)
- ایف اے (FA)
- آئی ٹی (FA IT)

خصوصی خوشخبری!

اب پہلی بار دو سالہ ڈپلومہ اِن انفارمیشن ٹیکنالوجی (DIT) بھی شروع کیا جا رہا ہے، جس کی رجسٹریشن بورڈ آف ٹیکنیکل ایجوکیشن لاہور سے ہوگی۔ یہ پروگرام طلبہ کو جدید آئی ٹی مہارتوں سے آراستہ کرے گا اور اعلیٰ تعلیم و روزگار کے بہتر مواقع فراہم کرے گا۔

📢 6 اگست کو اپنا میٹرک رزلٹ حاصل کریں اور فوراً اپنا داخلہ کنفرم کروائیں۔

گورنمنٹ گریجویٹ کالج دریا خان، ضلع بھکر
تعلیم، اعتماد اور روشن مستقبل کی ضمانت۔

23/07/2026

Preparation of internal Audit
GGC DARYA KHAN

22/07/2026

گورنمنٹ گریجویٹ کالج دریاخان میں پہلی مرتبہ ڈپلومہ ان انفارمیشن ٹیکنالوجی (DIT) کا آغاز کیاجا رہا ہے یہ ڈپلومہ آئی سی ایس کے مساوی ہے اور اسمیں درج ذیل جدید آئی ٹی مہارتیں شامل ہیں
گرافک ڈیزائننگ
ویب ڈویلپمنٹ
ویڈیو ایڈیٹنگ
پروگرامنگ
ان مہارتوں کو سیکھنے کیلئے طلباء پرائیویٹ اکیڈمیز میں ہزاروں روپے خرچ کرتے ہیں جب کہ اب یہ معیاری تعلیم آپ کے شہر کے سرکاری کالج گورنمنٹ گریجویٹ کالج دریاخان میں دستیاب ہے
ڈی آئی ٹی طلباء کو نہ صرف جدید تعلیم بلکہ فری لانسننگ ،ان لائن روزگار اور جدید آئی ٹی شعبوں میں کامیاب کیریئر کے بہترین مواقع بھی فراہم کرتا ہے
تمام طلباء وطالبات سے گزارش ہے کہ اس سنہری موقع سے فائدہ اٹھائیں بروقت داخلہ حاصل کریں اور جدید آئی ٹی مہارتوں کے ساتھ اپنے روشن مستقبل کی بنیاد رکھیں