21/12/2025
آج بروز 20 دسمبر 2025 کو آل درہ پرائیویٹ سکولز کے زیرِ اہتمام سالانہ اسپورٹس گالا کی تقسیمِ انعامات کی تقریب النور پبلک ہائی سکول صدا گل کلے میں منعقد ہوئی۔
تقریب میں تعلیمی و سماجی شخصیات، سکول انتظامیہ اور طلبہ کی بڑی تعداد نے شرکت کی۔
تقریب کے مہمانِ خصوصی جناب محمد ارشاد (پریس انفارمیشن ڈائریکٹر) اور امریز کول کمپنی کے ایم ڈی جناب امریز صاحب اور صلاح الدین تھے۔ معزز مہمانان نے مختلف کھیلوں میں نمایاں کارکردگی دکھانے والی ونر اور رنر اپ ٹیموں کے علاوہ انفرادی انعامات بھی کھلاڑیوں میں تقسیم کیے اور ان کی حوصلہ افزائی کی۔
مہمانانِ خصوصی نے اپنے خطاب میں طلبہ میں کھیلوں کی اہمیت، صحت مند سرگرمیوں اور مثبت مقابلوں کے فروغ پر زور دیا اور فرمایا کہ ایسی سرگرمیاں طلبہ کی جسمانی و ذہنی نشوونما میں اہم کردار ادا کرتی ہیں۔
امریز صاحب نے ہمیشہ درہ ادم خیل کے نوجوانوں کو کھیل اور صحت کے ساتھ ہر شعبہ ہائے زندگی میں سپورٹ کیا ہے۔
آخر میں یہ بھی اعلان کیا گیا کہ آل درہ پرائیویٹ سکولز کے بزمِ ادب کے مقابلے مورخہ 24 دسمبر 2025 کو آکسفورڈ پبلک سکول اینڈ کالج بابوزی کلے میں منعقد کیے جائیں گے۔
