GHS Prayit Lower Chitral Kpk Pakistan

جماعت نہم و دہم کے بورڈ کے سالانہ امتحانات میں چند دن رہ گئے ہیں۔طلبا و طالبات اپنے امتحانات کی بھرپور تیاری فرمائیں۔

گورنمنٹ ہائی سکول ڈی ایس ایس ہائیر سکینڈری سکول پرئیت میں "تقریب تقسیم انعامات" کے عنوان سے ایک پروقار تقریب کا اہتمام کیا گیا جس میں پوزیشن ہولڈرز طلباء و طالبات کو انعامات سے نوازا گیا۔
یہ تقریب طلباء کی محنت،لگن اور تعلیمی کارکردگی کے اعتراف کے طور پر منعقد کی گئی جس کا مقصد انہیں مستقبل میں بھی اس جذبے کے ساتھ محنت جاری رکھنے کی ترغیب دینا تھا۔
پوزیشن ہولڈرز کی کارکردگی محض نمبروں کی برتری نہیں بلکہ منظم منصوبہ بندی،مستقل مزاجی اور اساتذہ کرام کی رہنمائی کی مرہونِ منّت ہے۔ہر پوزیشن ہولڈر کی کامیابی کے پیچھے استاد کی بیش بہا اوقات کی قربانی اور شاگرد کے عزم کی داستان پنہان ہے انعامات محنت کے پھل کے پکنے کا وہ خوبصورت منظر ھے جو ہر شاگرد کو آگے بڑھنے کا حوصلہ دیتا ہے۔
انعامات محض چیز نہیں بلکہ اعتراف محنت کے وہ نشان ہیں جو طلباء کے دل میں خود اعتمادی کی شمع روشن کرتے ہیں انعامات درحقیقت مستقبل کے سفر کا وہ ایندھن ہے جو ہر طالب علم کو یہ باور کراتے ہیں کہ تم میں سے ہر ایک خاص ہے اور ہر ایک میں چمکنے اور دنیا کی قیادت کرنے کی صلاحیت موجود ہے۔
اس پررونق تقریب سے ہیڈماسٹر جی ایچ ایس پرئیت جناب سمیع الدین صاحب،انچارچ ڈی ایس ایس مفتی عبدالسفیدخان صاحب اور جناب حمید الرحمن ایس ایس اکنامکس نے خطاب کیا۔

آج مؤرخہ ۱۲ نومبر ۲۰۲۵ع بمطابق ۲۰ جمادی الا ولٰی ۱۴۴۷ھ بروز بدھ گورنمنٹ ہائی سکول اینڈ ڈی ایس ایس پرئیت لوئر چترال کے سبزہ زار میں سکول کے دو معزز اساتذہ کرام محترم جناب سردار ایوب صاحب ایس سی ٹی اور محترم جناب حاجی اکبر صاحب ڈی ایم کے اعزاز میں الوداعی تقریب منعقد کی گئی۔دونوں اساتذہ کرام مؤرخہ ۳۱ دسمبر ۲۰۲۵ع کو ان شاءاللّٰہ العزیز اپنی مدّت ملازمت پوری فرماکر محکمہ تعلیم سے ریٹائرڈ ہوجائیں گے۔ محترم جناب فخر اعظم صاحب سپیکر تحصیل کونسل چترال تقریب کے مہمان خصوصی تھے۔سکول کی پی ٹی سی کے چئیرمین عظمت اللّٰہ صاحب نے تقریب کی صدارت فرمائی۔مولانا عنایت اللّٰہ صاحب ایس ٹی ٹی نے تمہیدی کلمات ارشاد فرمائے۔ تلاوت کلام پاک سے تقریب کا باقاعدہ آغاز ہوا۔طلباو طالبات نے حمد باری تعالٰی ، نعت رسول مقبول صلّی اللّٰہ علیہ وسلم ،ملّی نغمہ،نظم، اردو اور انگریزی تقریریں پیش فرمائیں۔ہیڈ ماسٹر محترم جناب سمیع الدین صاحب نے مہمانان گرامی کو خوش آمدید کہا اور مہمان خصوصی کے حضور مطالبات پیش فرمائے۔ سکول سٹاف، طلباوطالبات اور عمائدین علاقہ نے رخصت ہونے والے اساتذہ کرام کو چغے، چترالی ٹوپیاں، شیلڈز، پھولوں کے ہار ، گلدستے اور تحفے تحائف پیش فرمائے اور ان کی خدمات کو خراج تحسین پیش فرمایا۔ ریٹائرمنٹ پر جانے والے اساتذہ کرام نے قیمتی نصیحتیں فرمائیں اور اپنی نیک خواہشات اور دعاؤں کا اظہار فرمایا۔پی ٹی سی چئیرمین محترم جناب عظمت اللّٰہ صاحب،محترم جناب محمد ایوب صاحب ریٹائرڈ سپرنٹینڈنٹ ہیلتھ ڈیپارٹمنٹ اور مہمان خصوصی محترم جناب فخراعظم صاحب نے تقریب سے خطاب فرمایا۔ معزز مہمان خصوصی نے سکول کی طرف سے پیش کردہ مطالبات کو فی الفور پورا کرنے کا وعدہ فرمایا اور اپنی عزت افزائی پر سکول منیجمنٹ کا شکریہ ادا فرمایا۔آخر میں مفتی طارق اللّٰہ صاحب اے ٹی نے دعا سے تقریب کا اختتام فرمایا۔

The honourable teachers ,Mr. Qurban Khan promoted to Senior Certified Teacher (PBS-16) and Mauana Inayat Ullah promoted to Senior Theology Teacher (BPS-16) were vehemently welcomed in the school assembly on their first arrival.May their coming be auspicious for the institution.Aameen

گورنمنٹ ڈی ایس ایس ہائیر سکینڈری سکول پرئیت میں سال اول اور سال دوم میں داخلے جاری ہیں۔
1:پری میڈیکل
2:پری انجینئرنگ
3:کمپیوٹر سائنس
4:آرٹس

ہیڈماسٹر گورنمنٹ ہائی سکول پرئیت لوئر چترال
03469891296
03408738056