24/04/2025
ارتھ ڈے 2025 – تصویری جھلکیاں
تاریخ: 22 اپریل
ہر سال 22 اپریل کو دنیا بھر میں "ارتھ ڈے" منایا جاتا ہے، جس کا مقصد زمین کی حفاظت، ماحولیاتی مسائل پر شعور اجاگر کرنا اور ماحول دوست طرزِ زندگی کو فروغ دینا ہوتا ہے۔ یہ دن اس عزم کی تجدید کا موقع ہوتا ہے کہ ہم زمین کے قدرتی وسائل کی حفاظت کریں گے اور آنے والی نسلوں کے لیے ایک بہتر ماحول چھوڑیں گے۔
اس سال 22 اپریل 2025 کو گورنمنٹ مڈل سکول سین لشٹ اور آغا خان ہائی سیکنڈری سکول سین لشٹ نے مشترکہ طور پر ارتھ ڈے منایا
اس تقریب میں طلبہ، اساتذہ شامل تھیں
دونوں اداروں کے طلبہ نے ماحولیاتی تحفظ کے موضوع اپنے خیالات کا اظہار کیا
ایک ریلی نکالی گئی جس میں شرکاء نے پلے کارڈز اور بینرز اٹھا رکھے تھے جن پر ماحولیاتی تحفظ سے متعلق نعرے درج تھے جیسے "درخت لگاؤ، زمین بچاؤ" اور "پلاسٹک سے پرہیز، ماحول کی جیت ـ
ارتھ ڈے ہمیں یہ یاد دلاتا ہے کہ زمین صرف ہمارا گھر نہیں بلکہ تمام جانداروں کا مسکن ہے۔ بڑھتی ہوئی آلودگی، جنگلات کی کٹائی، پانی کی قلت، اور ماحولیاتی تبدیلی جیسے مسائل ہماری غفلت کا نتیجہ ہیں۔ اگر ہم نے ابھی قدم نہ اٹھائے تو آنے والے دنوں میں حالات مزید سنگین ہو سکتے ہیں۔
یہ دن ہمیں اس بات کا بھی موقع دیتا ہے کہ ہم اپنے طرزِ زندگی پر نظرثانی کریں۔ غیر ضروری پلاسٹک کا استعمال کم کریں، پانی اور بجلی کا ضیاع روکا جائے، اور درخت لگانے جیسے چھوٹے چھوٹے اقدامات کے ذریعے زمین کی حفاظت کی جائے۔
( بقلم : امیرنواز راز )
