15/08/2026
گورنمنٹ ہائی سکول ذوندرانگرام میں یوم آزادی کی شاندار تقریب ---
ملک خداداد پاکستان کے دوسرے شہروں اور اداروں کی طرح گورنمنٹ ہائی سکول ذوندرانگرام میں بھی یوم آزادی کے سلسلے میں ایک نہایت شاندار اور پروقار تقریب منعقد ہوئی۔
تقریب ادارہ کے ہیڈ ماسٹر جناب احسان الحق سلیم صاحب کی زیر نگرانی منعقد ہوئی جس میں سکول کے طلبہ و طالبات کے علاوہ علاقہ سے تعلق رکھنے والے محب وطن معززین اور نوجوانان علاقہ نے کثیر تعداد میں شرکت کر کے تقریب کو رونق بخشی۔
تقریب کا باقاعدہ آغاز تلاوت کلام پاک سے ہوا، اس کے بعد پرچم کشائی کی گئی اور طلبہ نے قومی ترانہ پیش کیا۔
سکول کے ہونہار طلبہ و طالبات نے انتہائی جوش و جذبے سے تقریب میں حصہ لیا اور اپنی صلاحیتوں کا بھرپور مظاہرہ کیا۔ کسی نے حمد باری تعالیٰ اور کسی نے نعت شریف پیش کر کے محفل کو منور کیا جبکہ مختلف جماعتوں کے طلباء نے مختلف موضوعات پر پرجوش تقاریر کر کے سامعین کے دل جیت لیے۔ بچوں نے نظم خوانی، اقوال زریں اور ملی نغمے پیش کر کے مہمانوں سے خوب داد وصول کی۔
اس کے بعد مہمانوں نے اپنی تقاریر میں یوم آزادی کی اہمیت اور تحریک پاکستان پر روشنی ڈالی۔
تقریب کے مہمان خصوصی جناب قاری خلیل الرحمن صاحب تھے جنہوں نے اپنے خطاب میں طلبہ کو حب الوطنی، اتحاد اور تعلیم کی اہمیت پر زور دیا۔
آخر میں تقریب مہمان خصوصی محترم قاری خلیل الرحمن صاحب کی خصوصی دعا کے ساتھ اختتام پذیر ہوئیں
