The New Quaid E Azam School Behlola Bala

غرور اور تکبر۔۔۔۔۔۔۔۔❣

ایک مشہور حکایت ہے کہ افلاطون نے ایک بڑی تقریب منعقد کی اور اس میں اپنے ہم عصر بڑے لوگوں کو دعوت دی- یہ بڑے لوگ علم و فضل میں اپنا جواب نہ رکھتے تھے- انہی میں دیو جانس کلبی بھی شامل تھا- دیو جانس استغنا اور بے نیازی کا پیکر تھا- اسے چار دیواروں والے مکانوں سے چڑ تھی- وہ کہتا تھا:
"جب سے انسان نے اپنے آپ کو ان مکانوں میں قید کر لیا ہے، اس کی جملہ فطری صلاحیتیں بھی ختم ہوتی جا رہی ہیں-"
چنانچہ اس نے اپنی رہائش کیلیے ایک بڑا سا صندوق بنوا کر اس میں پہئیے لگوا لیے تھے- دن بھر اسے کھینچتا رہتا اور جہاں رات ہوتی اس صندوق میں لیٹ کر رات گزار دیتا- غذا میں ہر چیز کچی استعمال کرتا، یہاں تک کہ گوشت بھی کچا ہی کھاتا تھا- چنانچہ ایک ایسے بے فکر اور آزاد منش فلسفی کو جب افلاطون نے اپنے گھر مدعو کیا تو دیو جانس گرد و غبار میں اٹے ہوئے پیر افلاطون کے ہاں بچھے قالینوں سے رگڑنے لگا- افلاطون اس کے استقبال کو آگے بڑھا اور نہایت خندہ پیشانی سے دریافت کیا،
"آؤ میرے دوست! لیکن تم یہ کیا کر رہے ہو؟"
دیو جانس کلبی نے حقارت اور رعونت سے جواب دیا:
"افلاطون کے تکبر اور غرور کو اپنے پیروں سے مسل رہا ہوں"
افلاطون نے فورا" جواب دیا:
" میرے دوست! کیا تم نے غور کیا کہ تم یہ کام کس تکبر اور غرور سے انجام دے رہے ہو-"

We that it will be better for your kids future

Well come to the new Quaid e azam school behlola bala